agriculture news in Marathi demand for start agri tourism centers Maharashtra | Agrowon

कृषी पर्यटन केंद्रे सुरू करण्याची मागणी 

टीम अॅग्रोवन
मंगळवार, 5 मे 2020

महाराष्ट्र राज्य कृषी व ग्रामीण पर्यटन सहकारी महासंघाच्यावतीने मुख्यमंत्री, उपमुख्यमंत्री व पर्यटनमंत्री यांच्याकडे विविध मागण्या करण्यात आल्या आहेत.

पुणे ः लॉकडाऊनमुळे राज्यातील कृषी पर्यटन केंद्रे बंद असून केंद्रचालक अडचणीत आले आहेत. यातून त्यांना बाहेर काढण्यासाठी महाराष्ट्र राज्य कृषी व ग्रामीण पर्यटन सहकारी महासंघाच्यावतीने मुख्यमंत्री, उपमुख्यमंत्री व पर्यटनमंत्री यांच्याकडे विविध मागण्या करण्यात आल्या आहेत, अशी माहिती मार्टचे अध्यक्ष बाळासाहेब बराटे यांनी दिली. 

सध्या महाराष्ट्रात शेतीपूरक जोडव्यवसाय म्हणून कृषी पर्यटन व्यवसायाने ग्रामीण भागात रोजगार निर्मिती केली आहे. त्यातून शेतकऱ्यांचे आर्थिक उत्पन्न काही प्रमाणात वाढले आहे. राज्यात जवळपास एक हजाराच्या आसपास कृषी पर्यटन केंद्रे असून देशात राज्य अव्वल आहे. परंतु गेल्या सव्वा महिन्यापासून कृषी पर्यटन केंद्रे बंद आहेत. 

त्यामुळे शेतकऱ्यांना या संकटातून बाहेर काढण्यासाठी लॉकडाऊन संपल्यानंतर कृषी पर्यटन केंद्रे सुरू करण्यास परवानगी मिळावी. कृषी पर्यटन केंद्राना हॉटेल, रेस्टॉरंट, ढाबा यांचे निकष लावू नये. शेतकऱ्यांनी पर्यटन केंद्रे उभारणीसाठी घेतलेल्या कर्जाचे एक वर्षाचे व्याज माफ व्हावे व कर्ज हप्ते भरण्यासाठी वर्षभर सवलत मिळावी, केंद्रास एक वर्षाचा ग्रामपंचायत कर माफ करण्यात यावा यासह विविध मागण्या मुख्यमंत्री उद्धव ठाकरे, उपमुख्यमंत्री अजित पवार, पर्यटनमंत्री आदित्य ठाकरे यांच्याकडे केल्या आहेत. 

कृषी पर्यटन केंद्रास परवानगी दिल्यानंतर आरोग्य विभागाच्या मार्गदर्शक सुचनांचे पालन करून केंद्रे चालवले जातील. प्रशस्त विस्तर्ण शेतांमध्ये केंद्रे असल्याने सामाजिक अंतर ठेऊन नियम पाळले जाईल, अशा विश्वासही त्यांनी व्यक्त केला आहे. 

याविषयी मार्टचे अध्यक्ष बाळासाहेब बराटे म्हणाले, की गेल्या वर्षी दुष्काळ, त्यानंतर पावसाळ्यात झालेला अति पाऊस यामुळे कृषी पर्यटन केंद्राला आर्थिक मोठा फटका बसला होता. सद्यस्थितीत मार्चमध्ये व्यवसायाची सुरूवात होणार असतानाच कोरोनाचे संकट आल्यामुळे व्यवसाय अद्याप बंद आहे. त्यामुळे शेतकऱ्यांपुढे मोठे आर्थिक संकट उभे राहिले आहे. शासनाने आता शेती आधारित विविध व्यवसाय, उद्योग सुरू केले आहेत. त्याच धर्तीवर कृषी पर्यटन केंद्रेही सुरू करण्याची परवानगी द्यावी, अशी आमची मागणी आहे. 


इतर ताज्या घडामोडी
सोलापूर जिल्ह्यात दमदार पाऊस सोलापूर : जिल्ह्यात गेल्या दोन दिवसांपासून...
नगर जिह्यात पावसाने पिकांचे अतोनात...नगर  : जिल्ह्याच्या बहुतांश भागात...
सोनी गावामध्ये आहेत २८८ शेततळीसोनी (ता. मिरज,जि.सांगली) या गावात  कृषी...
कर्नाळा बँकेत ३६ ग्रामपंचायतींचे पैसे...मुंबई : ‘शेकाप’चे माजी आमदार विवेक पाटील यांच्या...
मराठवाड्याच्या विकासासाठी शासन कटीबध्द...औरंगाबाद : मराठवाड्याच्या सर्वांगिण विकासासाठी...
केंद्राच्या कांदा निर्यातबंदी विरोधात...नाशिक : केंद्र सरकारने कुणाचीही ओरड नसताना, अन्न...
औरंगाबादमधील नुकसानग्रस्त पिकांचे...औरंगाबाद : ‘‘जिल्ह्यात अतिवृष्टीमुळे नुकसान...
खानदेशातील पपई पिकाला अतिपावसाचा फटकाजळगाव : खानदेशात पपई पिकाला अतिपावसाचा फटका बसला...
नांदेडमध्ये ३८ हजार हेक्टर पिकांचे...नांदेड : अतिवृष्टी व पूरामुळे जिल्ह्यातील ३८१...
‘म्हैसाळ’मधून पावणेदोन टीएमसी पाणी उचललेसांगली  ः कृष्णा नदीला आलेल्या पूराचे पाणी...
कांदा निर्यातबंदीविरूध्द कॉंग्रेसचे...रत्नागिरी : कांदा निर्यातीबाबतचा निर्णय...
मुसळधार पावसामुळे पिके भुईसपाटपुणे ः राज्यातील अनेक भागांत कमीअधिक स्वरूपात...
पानपिंपरी पिकाला विम्याचे कवच द्याअकोला ः जिल्ह्यात पानपिंपरी या वनौषधीवर्गीय...
सीमाभाग आणि बंदरातील कांदा सोडा; अन्यथा...नाशिक : टाळेबंदी शिथिल झाल्यानंतर शेजारील...
कोल्हापुरात ‘गोकूळ’चे दूध रोखण्याचा...कोल्हापूर : मराठा आरक्षणाला स्थगिती दिल्याच्या...
शरद पवार यांनी ऊसतोड कामगारांची कोंडी...नगर ः ऊसतोडणी कामगारांच्या तोडणी दरात वाढ करावी...
फळबाग लागवडीसाठी जमिनीची निवड महत्त्वाचीसामान्यपणे फळबागा अयशस्वी होण्यामध्ये किंवा...
बियाणासाठी घरचे सोयाबीन ठेवताना...बियाण्यासाठी निवड करण्यात आलेल्या प्लॉटमध्ये...
महिला बचत गटांच्या माध्यमातून हळद...सहकाराच्या धर्तीवर संघटित झालेल्या राजापूर...
पुणे जिल्ह्यात दोन लाखावर शेतकऱ्यांना...पुणे : जिल्हा बॅंकेकडून खरीप हंगामासाठी गेल्या...