Agriculture news in Marathi The demands for the disadvantages amounted to ten crore and got two and half crore | Agrowon

बाधितांसाठी मागितले दहा कोटी अन्‌ मिळाले अडीच कोटी

टीम अॅग्रोवन
सोमवार, 9 डिसेंबर 2019

आटपाडी, जि. सांगली ः अवकाळी पावसामुळे आटपाडी तालुक्‍यात रब्बी आणि फळ पिकासह विविध पिकांचे तीनशे कोटींवर नुकसान झाले आहे. प्रशासनाने पंचनामे करून नुकसान भरपाई देण्यासाठी १० कोटी रुपयांची मागणी सरकारकडे केली होती. मात्र, दोन कोटी ४१ लाख रुपये मिळाले आहेत. त्यामुळे शेतकऱ्यांच्यातून तीव्र संताप व्यक्त होऊ लागला आहे. 

आटपाडी, जि. सांगली ः अवकाळी पावसामुळे आटपाडी तालुक्‍यात रब्बी आणि फळ पिकासह विविध पिकांचे तीनशे कोटींवर नुकसान झाले आहे. प्रशासनाने पंचनामे करून नुकसान भरपाई देण्यासाठी १० कोटी रुपयांची मागणी सरकारकडे केली होती. मात्र, दोन कोटी ४१ लाख रुपये मिळाले आहेत. त्यामुळे शेतकऱ्यांच्यातून तीव्र संताप व्यक्त होऊ लागला आहे. 

आटपाडी तालुक्‍यात या वर्षी पहिल्यांदाच एकाच वर्षात प्रचंड तीव्र दुष्काळ आणि अतिवृष्टी याचा अनुभव शेतकऱ्यांना आला. ऑक्‍टोबर महिन्यात तीन वेळा ४५ मिलिमीटरवर पाऊस पडला. मोठी अतिवृष्टी झाली. गावोगावचे ओढे तुडुंब भरून पुलावरून पाणी वाहू लागेल. अनेक पूल वाहून गेले. शेतात जिकडे बघेल तिकडे पाणीच पाणी साचले होते. त्यामुळे खरीप पिकांचे प्रचंड मोठे नुकसान झाले. त्यासोबतच डाळिंब आणि द्राक्ष बागा, भाजीपाला आणि कांदा पिकांचेही अतोनात नुकसान झाले. 

महसूल आणि कृषी विभागाने संयुक्तपणे पंचनाम्याची मोहीम राबवली. यामध्ये तालुक्‍यात साडेसात हजार हेक्‍टर खरीप पिकाचे नुकसान झाले आहे. तसेच दोन हजार हेक्‍टर डाळिंब, सातशे हेक्‍टर द्राक्षे, भाजीपाला आदी पिकांचेही नुकसान झाल्याचे पंचनाम्याच्या माहितीतून उघड झाले. जवळपास तीनशे कोटी रुपयांवर शेतकऱ्यांचे नुकसान झाल्याचा प्राथमिक अंदाज आहे. राज्य सरकारने खरीप पिकासाठी हेक्‍टरी आठ आणि फळपिकासाठी १८ हजारांची नुकसानभरपाई जाहीर केली. नुकसानीच्या तुलनेत ही भरपाई अत्यंत तोडकी आहे. 

नुकसान तीनशे कोटींचे, घोषणेनुसार महसूल विभागाने सरकारकडे दहा कोटी रुपये मागितले आणि मिळाले दोन कोटी ४१ लाख रुपये. या मदतीचे एकाच वेळी सर्व शेतकऱ्यांना वाटप करता येत नाही. दिघंची आणि इतर काही गावांत मदतीचे वाटप केले. उर्वरित आटपाडी, करगणी, शेटफळे, खरसुंडी हा परिसर मदतीपासून अद्याप वंचित आहे. या भागातील शेतकरी नुकसान भरपाईच्या प्रतीक्षेत आहेत. ती तातडीने द्यावी, अशी मागणी केली जात आहे.

सरसकट नुकसानभरपाई द्यावी 
शेतकऱ्यांना नुकसानभरपाई मिळेल याची शाश्वती नव्हती. त्यामुळे नुकसान झालेल्या अनेक शेतकऱ्यांनी पंचनामे केले नाही. काही मोजक्‍याच शेतकऱ्यांनी पंचनामे केले आहेत. त्यांना नुकसान भरपाई मिळण्याची आशा निर्माण झाली आहे तर ज्यांचे पंचनामे केले नाहीत ते वंचित राहणार आहेत. त्यामुळे तालुक्‍यातील सर्वच शेतकऱ्यांना सरसकट नुकसानभरपाई द्यावी, अशी मागणी केली जात आहे.


इतर बातम्या
‘अपेडा’वरील नोंदणीत राज्याचा टक्का वाढलानागपूर ः निर्यातीला चालना मिळावी तसेच देशांतर्गत...
चिकन, अंडी खाण्यास पूर्णपणे सुरक्षित ः...पुणे ः पूर्णपणे उकडलेली अंडी आणि चिकन खाण्यासाठी...
कोल्हापूर : गुळाच्या दरात १५० रुपयांनी...कोल्हापूर : बाजार समितीत गेल्या आठ दिवसांमध्ये...
सिद्धरामेश्‍वर यात्रेत भाकणूक : यंदा...सोलापूर ः ग्रामदैवत सिद्धरामेश्‍वर महाराजांच्या...
गहू संशोधनात सर्वांचाच वाटा ः डाॅ. ढवणनाशिक :  येथील गहू संशोधन केंद्रास डॉ....
‘एफपीओं’ना बळकट करण्याची गरज ः चढ्ढा पुणे ः शेतीमध्ये मातीपासून ते बाजारपेठेपर्यंत...
कर्मचाऱ्यांनी ‘क्रॉप डॉक्टर’ व्हावे :...पुणे: राज्यातील शेतकरी कष्टपूर्वक शेती करताना...
तुरीला मिळणार दराची ‘फोडणी’ पुणे ः देशात यंदा तूर उत्पादनात घटीचा अंदाज आहे....
कृषी कायद्यांवर ‘तारीख पे तारीख’ नवी दिल्ली ः शेतकरी नेते कृषी कायदे रद्द...
कोल्हापुरात सकाळपासूनच मतदारांच्या...कोल्हापूर : जिल्ह्यात ग्रामपंचायतीसाठी चुरशीने...
गोंदियात पारा ६.८ अंशांवर पुणे ः विदर्भाच्या अनेक भागांत थंडी चांगलीच वाढली...
पीककर्जापासून वंचित शेतकरी सावकारांच्या...अकोला : वऱ्हाडातील प्रत्येक जिल्ह्यांत सावकारी...
वऱ्हाडात ८९३ ग्रामपंचायतींसाठी झाले...अकोला : गेल्या काही दिवसांपासून गावांमध्ये...
सिंधुदुर्गमध्ये चुरशीने मतदान; मतदान...सिंधुदुर्गनगरी : जिल्ह्यातील ६६ ग्रामपंचायतीच्या...
मराठवाड्यात मतदानासाठी मोठी चुरस औरंगाबाद : मराठवाड्यातील ४१३३ ग्रामपंचायतींचे...
सोलापुरात ग्रामपंचायतींसाठी चुरशीने...सोलापूर : सोलापूर जिल्ह्यातील ५९०...
सांगलीत १४३ गावांत कारभाऱ्यांसाठी...सांगली : जिल्ह्यातील १४३ गावांतील कारभारी...
मराठवाड्यातील रब्बीवर रोगांचे संकट लातूर : येथील विभागीय कृषी सहसंचालक...
खानदेशात कांदेबाग केळी जोमात जळगाव ः खानदेशात कांदेबाग केळीची लागवड सुमारे एक...
आठ वर्षांपूर्वीच्या आंदोलनाच्या...कऱ्हाड, जि. सातारा : ऊस दरासाठी येथील पाचवड फाटा...