Agriculture news in Marathi Deola taluka hits onion for climate change | Agrowon

देवळा तालुक्यात हवामान बदलाचा कांद्याला फटका 

टीम अॅग्रोवन
गुरुवार, 9 एप्रिल 2020

नाशिक : हवामान बदलामुळे ढगाळ राहिलेले वातावरण, मार्चअखेर झालेल्या पूर्वमोसमी पावसामुळे उन्हाळ कांद्याच्या लागवडी बाधित झाल्या आहेत. देवळा तालुक्यातील अनेक भागात कांद्याची पात करपून गेल्यामुळे कांद्याची वाढ खुंटल्याने एकरी उत्पादनात घट होणार आहे. त्यामुळे खरिपानंतर पुन्हा एकदा कांदा उत्पादक अडचणीत सापडले आहे. 

नाशिक : हवामान बदलामुळे ढगाळ राहिलेले वातावरण, मार्चअखेर झालेल्या पूर्वमोसमी पावसामुळे उन्हाळ कांद्याच्या लागवडी बाधित झाल्या आहेत. देवळा तालुक्यातील अनेक भागात कांद्याची पात करपून गेल्यामुळे कांद्याची वाढ खुंटल्याने एकरी उत्पादनात घट होणार आहे. त्यामुळे खरिपानंतर पुन्हा एकदा कांदा उत्पादक अडचणीत सापडले आहे. 

मार्चअखेर झालेल्या पूर्वमोसमी पावसामुळे मोठ्या प्रमाणावर कांद्याचे पीक बाधित झाले आहे. यापूर्वी खरीप कांद्यामध्ये कंदसड झाल्याने उत्पादकता कमालीची घटल्याने शेतकऱ्यांचे नुकसान झाले आहे. त्यानंतर उन्हाळ कांद्याची रोपे अतिवृष्टीमुळे खराब झाल्याने शेतकऱ्यांनी दुबार रोपे त्यात करून तर रोपे खरेदी करून लागवडी केल्या. त्यामुळे कांदा रोपे, लागवड खर्च यावर अतिरिक्त खर्च झाला आहे. त्यात आता हवामान बदलांमुळे रोगाचा प्रादुर्भाव कांद्यावर झाला आहे. 

तालुक्यातील लोहोणेर, ठेंगोडा, सावकी, विठेवाडी, भऊर, खामखेडा परिसरात हा प्रादुर्भाव दिसून येत आहे. ज्या लागवडी फेब्रुवारीच्या मध्यावधीत झाल्या त्यामध्ये हा प्रादुर्भाव प्रामुख्याने दिसून येत आहे. कांदा पोसण्याच्या दरम्यान पात करपून गेली आहे.त्यामुळे कांद्याची अपेक्षित वाढ होणार नसल्याचे एकरी उत्पादन घटण्याची शक्यता वर्तविण्यात आली आहे. 

एकीकडे ‘कोरोना’च्या पार्श्वभूमीवर शेतकरी आर्थिक कोंडीला सामोरा जात आहे. जी पिके हातात असून विक्रीयोग्य असताना लॉकडाऊनमुळे विक्रीत अडचणी येत आहेत. तर दुसरीकडे दराचा फटका सहन करावा लागत आहे.

ही आहे स्थिती :

  • पिकाचा कालावधी पूर्ण न होता कांदापात करपली
  • कांद्याची वाढ न झाल्याने आकार व वजन आलेले नाही
  • एकरी उत्पादनात घट होण्याची शक्यता

उन्हाळ कांद्याच्या लागवडी अनेक अडचणी पार करून झाल्या. त्यात रोपांची उपलब्धता, जास्त मजुरी देऊन लागवडी केल्या. मात्र, हवामान बदलांमुळे कांद्याची पात करपून जाऊन कांद्याची वाढ झालेली नाही. आता पूर्ण पीक कालावधी न होऊनही कांदे काढून घ्यावे लागतील. मात्र, उत्पादन मोठ्या प्रमाणावर घटणार आहे.
- अमर जाधव, कांदा उत्पादक, भऊर, ता. देवळा


इतर ताज्या घडामोडी
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...
नाशिक जिल्ह्यात अतिवृष्टीमुळे दाणादाणनाशिक : पावसाळा सुरू झाल्यानंतर अनेक ठिकाणी...
पीक कर्जासाठी बँकेत मुक्कामाची वेळ येऊ...बुलडाणा ः खरीप हंगामातील पिकांच्या काढणीची वेळ...
पाथरूड परिसरातील प्रकल्प तुडुंबपाथरूड, जि. उस्मानाबाद : पाथरूडसह परिसरात...
सिंधुदुर्ग जिल्ह्यातील ९० टक्के...सिंधुदुर्ग ः जिल्ह्यातील ९० टक्के भातपिकांना...
परभणी, हिंगोलीत अतिवृष्टीमुळे पिकांवर...परभणी : खरीप हंगामातील सोयाबीन काढणीच्या, कापूस...
हिंगोली जिल्ह्यात सोयाबीनच्या शेंगांना...हिंगोली : गतवर्षी प्रमाणे यंदाही सोयाबीनचे पीक ऐन...
‘जायकवाडी’तील विसर्गात घटऔरंगाबाद : जिल्ह्यातील जायकवाडी प्रकल्पातून...
निम्न दुधनातून ७१९० क्युसेकने विसर्गपरभणी : सेलु तालुक्यातील ब्रम्हवाकडी येथील दुधना...
अनुदानाअभावी मर्यादित लाभार्थ्यांना...सिंधुदुर्ग ः कोरोनामुळे शासनाने जिल्हा परिषदेच्या...
ऊसतोडणीच्या तिढ्यावर आज चर्चापुणे : दहा लाख ऊस तोडणी कामगारांच्या मागण्यांबाबत...
यवतमाळ जिल्ह्यात सोयाबीन शेंगांना फुटले...यवतमाळ : खोडकीड, चक्रीभुंगा त्यानंतर आता परिपक्व...
संत्रा उत्पादकांना हेक्टरी लाखाची भरपाई...नागपूर : विदर्भात नैसर्गिक आपत्तीमुळे संत्रा,...
पुण्यात विशिष्ट ठिकाणीच लिंबे विक्रीला...पुणे ः गुलटेकडी येथील कृषी उत्पन्न बाजार समितीने...
गाय एका आठवड्यात दोनदा व्यायली नाशिक ः येथील डॉ. इरफान खान हे व्यवसायाने डॉक्टर...
हवामान बदलाचे सेंद्रिय कर्बावरील परिणामजागतिक हवामान बदल आणि जागतिक तापमान वाढ हे शब्द...
पुण्यात भाजीपाल्याच्या आवकेत घटपुणे : गुलटेकडी येथील पुणे कृषी उत्पन्न बाजार...
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...