Agriculture news in Marathi Department of Agriculture's campaign for distribution of gram seeds | Page 3 ||| Agrowon

हरभरा बियाणे वितरणासाठी कृषी विभागाची मोहीम

टीम अॅग्रोवन
बुधवार, 20 ऑक्टोबर 2021

राज्यातील रब्बी हंगामात हरभऱ्याचे क्षेत्र वाढविण्याकरिता ३८ कोटी रुपयांचे अनुदानित बियाणे वाटण्यासाठी कृषी विभागाने मोहिमेला सुरुवात केली आहे. 

पुणे ः राज्यातील रब्बी हंगामात हरभऱ्याचे क्षेत्र वाढविण्याकरिता ३८ कोटी रुपयांचे अनुदानित बियाणे वाटण्यासाठी कृषी विभागाने मोहिमेला सुरुवात केली आहे. 

रब्बी हंगामातील बियाणे वाटपाच्या नियोजनाचा आढावा कृषिमंत्री दादा भुसे यांनी घेतला. एका शेतकऱ्याला पाच एकर मर्यादेपर्यंत हरभरा बियाणे मिळणार आहे. हरभरा बियाण्यावर कृषी विभागाकडून यंदा प्रतिक्विंटल २५०० रुपये अनुदान दिले जात आहे.  

‘‘कृषी विभागाकडून अनुदानावर वाटल्या जाणाऱ्या गुणवत्तापूर्ण हरभरा बियाण्याचा शेतकऱ्यांची लाभ घ्यावा. यामुळे उत्पादन व उत्पादकता वाढीसाठी मदत होईल,’’ असे कृषिमंत्र्यांनी स्पष्ट केले आहे. 

राष्ट्रीय अन्न सुरक्षा अभियानातून प्रमाणित हरभरा बियाणे वितरणासाठी सोमवारपासून राज्यभर सुरू झालेली ही मोहीम २४ ऑक्टोबरपर्यंत चालू राहील. यंदा भरपूर पावसामुळे जमिनीत उत्तम ओलावा असल्याने हरभरा पिकासाठी सर्वांत चांगली स्थिती तयार झालेली आहे. त्यामुळे यंदा ३० लाख हेक्टरच्या पुढे हरभरा पेरला जाण्याची शक्यता आहे. गेल्या वर्षी २६ लाख हेक्टरवर हरभऱ्या पेरा केला होता. 

रब्बीत आता ५० टक्क्यांपेक्षा जास्त क्षेत्र हरभऱ्याकडून व्यापले जाण्याची शक्यता आहे. त्यामुळे शेतकऱ्यांना जास्तीत जास्त प्रमाणित बियाणे मिळवून देण्याचा कृषी विभागाचा प्रयत्न आहे. यात पीडीकेव्ही कांचन, फुले विक्रांत, फुले विक्रम, आरव्हीजी २०२, बीडीएनजीके ७९८ या वाणांचा समावेश आहे. किमान एक लाख ९७ हजार क्विंटल बियाण्यांचे वितरण केले जाईल. शेतकऱ्यांना यापैकी २३ हजार क्विंटल बियाणे पूर्णतः मोफत दिले जात आहे. ते पीक प्रात्यक्षिकांसाठी वापरले जाईल. उर्वरित बियाण्यांवर मात्र प्रतिक्विंटल अडीच हजार रुपये अनुदान दिले जाणार आहे.
 


इतर अॅग्रो विशेष
वीजप्रश्नी संतप्त शेतकरी  महावितरण...नाशिक : महावितरण कंपनीकडून सटाणा तालुक्यात थकीत...
कापूस खेडा खरेदी करणाऱ्या ...बुलडाणा ः खेडा खरेदीच्या माध्यमातून शेतकऱ्यांना...
कडुलिंबाची झाडे वाळू लागली पुणे नगर ः नगर जिल्ह्यातील नेवासा तालुक्यातील...
राज्यातील १२१ आदिवासी  आश्रमशाळा होणार...पुणे ः शिक्षण व्यवस्थेमधील बदलांना सामोरे जात...
लाल कांद्याला उन्हाळच्या  तुलनेत मिळतोय...नाशिक : दिवाळीनंतर जिल्ह्यातील कृषी उत्पन्न बाजार...
नगर पंचायतींच्या निवडणुकांची रणधुमाळी...पुणे नगर ः राज्यातील मुदत संपलेल्या परंतु,...
सत्तावीस हजार सहकारी संस्थांच्या ...पुणे ः राज्यातील कृषी पतसंस्था, बहुउद्देशीय...
‘बेरीज् एक्सलन्स सेंटर’ उभारणीसाठी ...सातारा ः स्ट्रॅाबेरी मातृ रोपांवरील आयात शुल्क...
शेतकरी उत्पन्न दुपटीच्या बैठकीला २३... नवी दिल्ली ः संसदेच्या कृषी विषयक स्थायी...
दिवाळी सुटीनंतरच्या बेदाणा  सौद्यात...सांगली ः दिवाळीच्या सुटीनंतर सांगली कृषी उत्पन्न...
स्टॉक लिमिटला नकार;  सोयाबीन बाजाराला...पुणे ः राज्य सरकारने सोयाबीनवर स्टॉक लिमिट लावणार...
भाजीपाला,पूरक उद्योगातून महिलांची आघाडीमिरजोळी(ता.चिपळूण,जि.रत्नागिरी) गावातील उपक्रमशील...
तुर्कांबाद खराडीत करारावर बटाटा...औरंगाबाद : जिल्ह्यातील गंगापूर तालुक्‍यातील...
शेतकऱ्यांनो एकरकमी भरा अर्धेच वीजबिल ः...नगर : राज्यातील शेतकऱ्यांना दिलासा देण्याचे धोरण...
राज्याच्या किमान तापमानात घट पुणे : राज्यात पावसाने उघडीप दिल्यानंतर आकाश...
शेतकऱ्यांनी बांबू लागवडीकडे वळावे -...लातूर ः आज देशात गहू, तांदूळ, मका आणि साखर अधिकची...
शिंदीच्या झाडांचे आता जिओ टॅगिंग  नीरा...नागपूर ः राज्य शासनाने नीरा देणाऱ्या शिंदीच्या...
कंटेनर भाड्यात पाच पट वाढ नागपूर ः टाळेबंदीमुळे अमेरिका आणि युरोपियन देशात...
विमा योजनेकडे ७० टक्के शेतकऱ्यांनी...सांगली : पंतप्रधान पीकविमा योजनेअंतर्गत...
कापड उद्योगाला खुपतोय कापसाचा दर पुणे : तमिळनाडूतील राजकीय पक्ष तसेच कापड...