agriculture news in marathi department allocations to ministers in state | Agrowon

खातेवाटप जाहीर : सुभाष देसाईंकडे कृषी, थोरातांकडे महसूल

टीम अॅग्रोवन
गुरुवार, 12 डिसेंबर 2019

मुंबई : मुख्यमंत्री उद्धव ठाकरे यांच्या नेतृत्वातील महाराष्ट्र विकास आघाडीच्या मंत्रिमंडळाचे तात्पुरते खातेवाटप जाहीर झाले आहे. शिवसेनेच्या एकनाथ शिंदे यांच्याकडे गृहमंत्रिपदाची, राष्ट्रवादीचे जयंत पाटील यांच्याकडे अर्थमंत्रिपद तर काँग्रेसच्या बाळासाहेब थोरातांकडे महसूल मंत्रिपद सोपविण्यात आले आहे. सद्यस्थितीला कृषी खाते शिवसेनेच्या सुभाष देसाई यांच्याकडे सोपविण्यात आले आहे.

मुंबई : मुख्यमंत्री उद्धव ठाकरे यांच्या नेतृत्वातील महाराष्ट्र विकास आघाडीच्या मंत्रिमंडळाचे तात्पुरते खातेवाटप जाहीर झाले आहे. शिवसेनेच्या एकनाथ शिंदे यांच्याकडे गृहमंत्रिपदाची, राष्ट्रवादीचे जयंत पाटील यांच्याकडे अर्थमंत्रिपद तर काँग्रेसच्या बाळासाहेब थोरातांकडे महसूल मंत्रिपद सोपविण्यात आले आहे. सद्यस्थितीला कृषी खाते शिवसेनेच्या सुभाष देसाई यांच्याकडे सोपविण्यात आले आहे.

मुख्यमंत्री उद्धव ठाकरे यांच्या नेतृत्वाखाली सरकार स्थापन झाल्यानंतर तिन्ही पक्षांच्या एकंदर सहा आमदारांनी मंत्रिपदाची शपथ घेतली होती. मात्र खातेवाटप झाले नव्हते. तब्बल पंधरा दिवसानंतर गुरुवारी (ता. १२) हे खातेवाटप जाहीर करण्यात आले. मुख्यमंत्री उद्धव ठाकरे यांनी केलेल्या राज्य मंत्रिमंडळाच्या खातेवाटपास राज्यपाल भगतसिंग कोश्यारी यांनी मान्यता दिली आहे.

ज्या मंत्र्यांकडे कोणतेही नेमून दिलेले खाते किंवा विशिष्ट विभाग नसेल, त्या सर्व विभागांची जबाबदारी मुख्यमंत्री उद्धव ठाकरे यांच्याकडे राहणार आहे. येत्या 16 ते 21 डिसेंबर या कालावधीत नागपूरमध्ये हिवाळी अधिवेशन होणार आहे. हिवाळी अधिवेशनापूर्वी मंत्रिमंडळ विस्तार होणार नसल्याची शक्यता आहे.

त्यामुळे अधिवेशनात महाविकास आघाडीचे केवळ सहाच मंत्री राहतील.
हिवाळी अधिवेशनात विविध चर्चांना सामोरे जाण्यासाठी खातेवाटप आवश्यक होते. त्याच हेतूने सध्याची प्रक्रिया पार पाडण्यात आल्याचे बोलले जाते. अधिवेशनानंतर डिसेंबरअखेरीस मंत्रिमंडळाचा विस्तार होण्याची शक्यता आहे. मंत्रिमंडळ विस्तारानंतरच खातेवाटपाचे वास्तव चित्र पुढे येणार आहे. महाविकास आघाडीतील कोणत्या पक्षाच्या वाट्याला कोणते खाते आले आहे आणि पक्षनिहाय किती खाती मिळाली आहेत हे समजू शकणार आहे.

सध्याचे खातेवाटप असे आहे.

  • एकनाथ संभाजी शिंदे : यांच्याकडे गृह, नगर विकास, वने, पर्यावरण, पाणीपुरवठा व स्वच्छता, मृद व जलसंधारण, पर्यटन, सार्वजनिक बांधकाम (सार्वजनिक उपक्रम), संसदीय कार्य, माजी सैनिक कल्याण ही खाती राहणार आहेत.
  • छगन चंद्रकांत भुजबळ : यांच्याकडे ग्रामविकास, जलसंपदा व लाभक्षेत्र विकास, सामाजिक न्याय व विशेष सहाय्य, राज्य उत्पादन शुल्क, कौशल्य विकास व उद्योजकता, अन्न व औषध प्रशासन ही खाती सोपविण्यात आली आहेत.
  • विजय ऊर्फ बाळासाहेब भाऊसाहेब थोरात : यांच्याकडे महसूल, ऊर्जा व अपारंपरिक ऊर्जा, वैद्यकीय शिक्षण, शालेय शिक्षण, पशुसंवर्धन, दुग्ध व्यवसाय विकास व मत्स्य व्यवसाय ही खाती देण्यात आली आहेत.
  • सुभाष राजाराम देसाई : यांच्याकडे उद्योग आणि खनिकर्म, उच्च व तंत्रशिक्षण, क्रीडा व युवक कल्याण, कृषी, रोजगार हमी योजना, फलोत्पादन, परिवहन, मराठी भाषा, सांस्कृतिक कार्ये, राजशिष्टाचार, भूकंप पुनर्वसन, बंदरे आणि खारभूमी विकास ही खाती सोपविण्यात आली आहेत.
  • जयंत राजाराम पाटील : यांच्याकडे वित्त आणि नियोजन, गृहनिर्माण, सार्वजनिक आरोग्य, सहकार व पणन, अन्न, नागरी पुरवठा आणि ग्राहक संरक्षण, कामगार, अल्पसंख्याक विकास ही खाती देण्यात आली आहेत.
  • डॉ. नितीन काशिनाथ राऊत : यांच्याकडे सार्वजनिक बांधकाम (सार्वजनिक उपक्रम वगळून), आदिवासी विकास, महिला व बाल विकास, वस्त्रोद्योग, मदत व पुनर्वसन, इतर मागासवर्ग, सामाजिक व शैक्षणिक मागास प्रवर्ग, विमुक्त जाती, भटक्या जमाती आणि विशेष मागास प्रवर्ग कल्याण ही खाती राहणार आहेत. 

इतर बातम्या
कमी फॅटचे दुध पिल्यास म्हतारपण कमी होतं...कमी फॅट(मेद)युक्त दुधाचा आहारामध्ये वापर केल्यास...
खानदेशात बाजरीचे क्षेत्र वाढणारजळगाव ः खानदेशात बाजरीचे क्षेत्र यंदा सुमारे...
नाशिकमध्ये 'शिवभोजन’ थाळी सुरूनाशिक  : ''शिवभोजन योजना'' ही राज्यातील...
बुलडाणा जिल्हा संपन्न करण्यासाठी...बुलडाणा  ः ‘‘जिल्ह्याच्या सर्वांगिण...
शेतकऱ्यांचे प्रश्न सोडविण्यासाठी शासन...नाशिक  : शेतकऱ्याला तातडीची मदत मिळावी,...
शरद पवार हेदेखील पंतप्रधान होऊ शकतात :...नाशिक : केंद्राने सूडबुद्धीने शरद पवार यांना...
रत्नागिरी जिल्हा परिषदेत रिक्तपदांमुळे...रत्नागिरी : मंजूर पदांपेक्षा रिक्त पदांची संख्या...
कोल्हापूरला ३९१ कोटी रुपयांवर कर्जमाफी...कोल्हापूर : ‘‘जिल्हा मध्यवर्ती सहकारी बँक आणि...
विदर्भ, कोकणात आज हलक्या पावसाचा अंदाज पुणे : उत्तरेकडील थंड वाऱ्यांअभावी राज्यात थंडी...
मराठवाड्यात ज्वारीवर चिकटा, मावा;...औरंगाबाद :  औरंगाबाद, जालना व बीड या...
शिवभोजन थाळी योजनेचे पुण्यात उद्‌घाटन पुणे : शासनाच्या अन्न, नागरीपुरवठा व ग्राहक...
शेतकऱ्यांच्या विकासासाठी सरकार कटिबद्ध...नगर  ः  शेतकरी केंद्रबिंदू मानून राज्य...
पुणे बाजार समितीत भाजीपाल्याचे दर स्थिरपुणे  ः पुणे बाजार समितीच्या शनिवार (ता. २५...
नाशिक जिल्ह्यातील द्राक्ष निर्यातीत ५७...नाशिक : राज्यातून होणाऱ्या द्राक्ष निर्यातीत...
सातारा जिल्ह्यातील प्रलंबित सिंचन...सातारा  : प्रलंबित असलेले जिल्ह्यातील सिंचन...
दूध उत्पादक महत्त्वाचा दुवा: हरिभाऊ...औरंगाबाद : जिल्हा दूध संघाच्या एकूणच...
बाजार समिती निवडणुकीत शेतकऱ्यांना ...नाशिक  : कृषी उत्पन्न बाजार समित्यांच्या...
अर्जेंटिनाला होणार आंबा निर्यात पुणे : कोकणातील हापूस आणि मराठवाड्यातील केशर...
पीकविमा योजना प्रभावीपणे राबविण्यासाठी...मुंबई : अडचणीत असलेल्या शेतकऱ्यांना...
पुण्यात कृषी आयटीआय संस्था सुरू करणार...पुणे : कृषी, सहकार, उद्योग विभागाला चालना...