सोलापूर : ‘लॉकडाउन’च्या कालावधीत रेशन कार्ड धारकांना धान्याची पावती दिली नाही. त्यामुळे शहरातील तीन स्वस्त धान्य दुकानांची संपूर्ण अनामत रक्क्म जप्त करण्यात आली. ही कारवाई अन्न धान्य वितरण अधिकारी उत्तम पाटील यांनी केली.
‘लॉकडाउन’च्या कालावधीत राज्य शासनाने रेशन कार्ड धारकांना विविध योजनेंतर्गत धान्य वितरणाच्या सूचना दिल्या होत्या. तथापि, जिल्ह्यातील काही रास्तभाव दुकानदार नियमानुसार धान्य वाटप करत नाहीत. तसेच रेशन कार्ड धारकांना पावती देत नसल्याचे निदर्शनास आले होते. त्यामुळे शहरातील परिमंडळ अ विभागातील जमात पंजाब तालीम, रास्त भाव दुकान क्रमांक अ-८ आणि शांताबाई बाबुराव म्हमाणे अ-१ आणि परिमंडळ क विभागातील मजिकार्जून बनसोडे रास्तभाव दुकान क्रमांक ५७ या तीन दुकानांच्या अनामत रक्कम जप्त करण्यात आल्या, असे पाटील यांनी सांगितले.
माढा तालुक्यातील मौजे पिंपळनेर येथील गंगामाई महिला बचत गट आणि पी. एस. लोकरे यांच्या रास्त भाव दुकानांचे परवाने रद्द करण्यात आले. बार्शी तालुक्यातील चिखर्डे येथील दुकान क्रमांक ६१ निलंबित करण्यात आले. धान्य वाटपात अनियमितता, मूळ शिधापत्रिका आणि ऑनलाईन शिधापत्रिकेच्या नावात बदल, अशा त्रुंटीमुळे जिल्हा पुरवठा कार्यालयाकडून ही कार्यवाही करण्यात आली, असे पाटील यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.