सिंधुदुर्ग : कोल्हापूर जिल्ह्यातील धामणे (ता. चंदगड) धरणाला ठिकठिकाणी गळती लागली आहे. या धरणास धोका निर्माण झाल्यास दोडामार्ग तालुका आणि उत्तर गोव्यातील अनेक गावांना त्याचा धोका आहे. तरीही प्रशासनाचे मात्र त्याकडे दुर्लक्ष आहे.
रत्नागिरी जिल्ह्यातील तिवरे धरणाच्या आठवणी जाग्या असताना आता धामणे धरणाला मोठ्या प्रमाणात गळती सुरू झाली आहे. हे धरण कोल्हापूर जिल्ह्यातील चंदगड तालुक्यात कर्नाटकच्या सीमेवर आहे. त्यातील पाण्याचा थेट संबंध सिंधुदुर्ग जिल्ह्यातील दोडामार्ग तालुका आणि उत्तर गोव्याशी येतो. या धरणाच्या पाण्यावरच तिलारी घाटाच्या पायथ्याशी वीजघर येथे वीजनिर्मिती प्रकल्प आहे. त्यानंतर हे पाणी कोदाळी धरणात सोडले जाते.
धरणाच्या तिन्ही दरवाजांच्या दोन्ही बाजूच्या दगडी भिंतीला अनेक ठिकाणी गळती आहे. लोकांमध्ये भीतीचे वातावरण आहे. या धरणाला धोका निर्माण झाल्याचा फटका दोडामार्ग तालुक्यातील घोटगेवाडी, घोटगे, परमे, कुडासे, सासोली, मणेरी, कोनाळ, कोनाळकट्टा, वायंगणतड, साटेली, आवाडे, वेळपई या गावांना बसला आहे.
धामणे धरण
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.