कुठे गेला कृत्रिम पाऊस ; सरकारने मराठवाड्याला फसविले ः धनंजय मुंडे

विरोधी पक्षनेते धनंजय मुंडे
विरोधी पक्षनेते धनंजय मुंडे

बदनापूर / भोकरदन, जि. जालना ः अर्धे राज्य पूरस्थितीमुळे तर मराठवाडा दुष्काळामुळे संकटात सापडला आहे. मात्र, जनतेची मदत करण्याची दानत या सरकारमध्ये दिसली नाही. या सरकारला जमते ती फक्त फसवेगिरी. ऑगस्ट महिना उलटूनही आज मराठवाड्यात पाऊस नाही. सरकारने कृत्रिम पाऊस पाडण्याचा शब्द दिला. ढग आले पण सरकारची पाऊस पाडणारी विमाने आलीच नाहीत, सरकारने मराठवाड्याची फसवणूक केली, असा आरोप विरोधी पक्षनेते धनंजय मुंडे यांनी केला आहे. 

राष्ट्रवादी काँग्रेसच्या शिवस्वराज्य यात्रेचा दुसरा टप्पा पैठण येथून सुरू झाल्यानंतर बदनापूर व भोकरदन येथे झालेल्या जाहीर सभेत ते बोलत होते. या वेळी विधिमंडळ पक्षनेते अजितदादा पवार, खासदार अमोल कोल्हे, आमदार विक्रम काळे, राजेश टोपे, माजी आमदार चंद्रकांत दानवे, बबलू चौधरी, कदिरजी मौलाना, डॉ. निसार देशमुख आदी उपस्थित होते.

मुख्यमंत्री देवेंद्र फडणवीस यांनी अरबी समुद्रात शिवस्मारक बांधू असे आश्वासन देत, पंतप्रधानांच्या हस्ते जलपूजनही केले. मात्र अजून स्मारकाचा पत्ता नाही. गुजरातमध्ये सरदार वल्लभभाई पटेल यांचा भव्य दिव्य स्मारक उभेही राहिले. त्याबाबत आमचे दुमत नाही पण शिवस्मारक अद्याप का झाले नाही असा सवाल श्री. मुंडे यांनी केला. 

भाजप सरकार नीच राजकारण करत आहेत. मधुकर पिचड यांच्या पत्नीवर जमीन लाटल्याचा गंभीर आरोप आहे. त्यांच्यावर साधी एफआयआर दाखल केली नाही आणि थेट भाजपमध्ये प्रवेश दिला. पारदर्शकतेचा बिगुल वाजवणाऱ्या मुख्यमंत्र्यांनी सांगावे की या असभ्य राजकारणाचे धडे कुठे घेतले असा सवाल श्री. मुंडे यांनी उपस्थित केला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com