Agriculture news in marathi Direct to farmers in Solapur Will disburse the loan | Agrowon

सोलापुरात शेतकऱ्यांना थेट कर्जवाटप करणार

सकाळ वृत्तसेवा
गुरुवार, 25 फेब्रुवारी 2021

सोलापूर जिल्हा मध्यवर्ती सहकारी बँकेची आर्थिक स्थिती सध्या सुधारत आहे. बँकेच्या वतीने यंदाच्या वर्षापासून शेतकऱ्यांना थेट कर्ज वाटप करण्याचा निर्णय घेतला असल्याची माहिती प्रशासक शैलेश कोतमिरे यांनी दिली. 

सोलापूर : आर्थिक स्थितीमुळे गेल्या चार-पाच वर्षांपासून अडचणीत आलेल्या सोलापूर जिल्हा मध्यवर्ती सहकारी बँकेची आर्थिक स्थिती सध्या सुधारत आहे. बँकेच्या वतीने यंदाच्या वर्षापासून शेतकऱ्यांना थेट कर्ज वाटप करण्याचा निर्णय घेतला असल्याची माहिती बँकेचे प्रशासक शैलेश कोतमिरे यांनी दिली. 

सोलापूर जिल्हा मध्यवर्ती सहकारी बँकेची १०२ वी वार्षिक सर्वसाधारण सभा मंगळवारी बँकेच्या मुख्य कार्यालयातील लोकनेते बाबूरावअण्णा पाटील सभागृहात पार पडली. अध्यक्षस्थानी प्रशासक शैलेश कोतमिरे होते. सभेत त्यांनी या निर्णयांची माहिती दिली. 

कोतमिरे म्हणाले, ‘‘गेल्या काही वर्षांत बँकेची स्थिती अडचणीची होती. त्यामुळे कर्ज वाटप झाले नव्हते. त्यामुळे बँकेकडील सभासद व कर्जदार शेतकरी राष्ट्रियकृत, खासगी बँकेकडे गेला होता. तो परत जिल्हा बँकेकडे आणण्याचे प्रयत्न सुरू आहेत. त्यासाठी जिल्ह्यातील १ हजार २६५ सोसायट्यांपैकी ज्या निकषात बसणाऱ्या ३३४ सोसायट्या होत्या, त्यांच्या मार्फत एक लाखापर्यंतचे कर्ज वाटप करण्याचा निर्णय ऑक्टोबर महिन्यापासून घेतला होता.

आतापर्यंत सर्व प्रकारे ६५ कोटी रुपयांचे कर्ज वाटप झाले आहे. पण या सोसायट्या संपूर्ण जिल्ह्यात नसल्याने अचडणी येत होत्या. आता थेट कर्ज वाटपामुळे शेतकऱ्यांसमोरील अडचणी दूर होणार आहेत.’’ सरव्यवस्थापक के. व्ही. मोटे यांनी स्वागत व प्रास्ताविक केले. व्यवस्थापक के. आर. पाटील यांनी आभार मानले.

उत्पन्नासाठी वाढवले पर्याय
बँकेने जेएलजी, रिटेल फायनान्स, पगारदार नोकरांना वैयक्तिक कर्ज, सोनेतारण कर्ज, लाइव्ह स्टॉक फायनान्स अशा विविध कर्ज योजेनांतून कर्ज वितरण करून बँकेच्या उत्पन्नात वाढ केली. तसेच बँक पातळीवर शंभर टक्के व संस्था पातळीवर पन्नास टक्के व त्यापेक्षा जास्त वसुली आहे, अशी माहिती या वेळी देण्यात आली. 

तीन लाखांचे कर्ज मिळणार
बँकेमार्फत शेतकऱ्यांना थेट पद्धतीने अल्प मुदत पीक कर्जपुरवठा करण्याचे धोरण राबविण्याचे निश्चित करीत आहोत. जिल्हा बँकेच्या एकूण २०८ शाखा आहेत. त्या सर्व शाखांमधून कर्ज वाटप करण्यासाठी नाबार्डकडे प्रस्ताव पाठवला आहे. येत्या आठ दिवसांत निर्णय होईल. त्यानंतर थेट कर्ज वाटप सुरू होईल. या माध्यमातून तीन लाखांपर्यंतचे कर्ज थेट शेतकऱ्यांना मिळू शकेल, असेही ते म्हणाले.


इतर ताज्या घडामोडी
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...
दुर्लक्षित पिकांनाही येत्या काळात संधीद्राक्ष, डाळिंब, आंबा, केळी, संत्रा ही राज्याच्या...
आधुनिक फुलशेती संशोधन, निर्यात...गेल्या काही वर्षांत व्यावसायिक आणि उद्योगाचा...