धान्य खरेदीसाठी नोंदणीचे निर्देशच नाहीत 

जिल्ह्यात १ नोव्हेंबरपासून शासकीय धान्य खरेदी सुरू करण्याची माहिती जिल्हा प्रशासनाने जारी केली आहे. परंतु ऑनलाईन नोंदणी सुरू केव्हा करणार, याबाबत केंद्रधारक अनभिज्ञ आहेत.
maize
maize

जळगाव ः जिल्ह्यात १ नोव्हेंबरपासून शासकीय धान्य खरेदी सुरू करण्याची माहिती जिल्हा प्रशासनाने जारी केली आहे. परंतु ऑनलाईन नोंदणी सुरू केव्हा करणार, याबाबत केंद्रधारक अनभिज्ञ आहेत. खरेदी सुरू करण्यास फारसे दिवस राहीलेले नाहीत. अशातच केंद्रधारकांमध्ये नोंदणीबाबत संभ्रम असल्याने प्रशासनाकडून नवे आदेश जारी करण्याचा मुद्दा उपस्थित केला जात आहे. 

जिल्ह्यात १९ खरेदी केंद्रांमध्ये ज्वारी, बाजरी व मक्याची खरेदी केली जाणार आहे. ही खरेदी १ नोव्हेंबरपासून सुरू करण्याची माहिती प्रशासनाने बुधवारी (ता.२१) जारी केली. खरेदीसाठी शेतकऱ्यांना ऑनलाईन नोंदणी करावी लागते. ही नोंदणी निश्‍चित खरेदी केंद्रात करावी लागते. परंतु नोंदणी केव्हा सुरू होईल, याची माहिती केंद्रधारकांकडे नाही. ज्वारी, मक्याची मळणी जवळपास पूर्ण झाली आहे. शेतकरी धान्य विक्री करीत आहेत. 

जिल्ह्यात हमीभाव कुठल्याही भरड धान्याला मिळत नसल्याची स्थिती आहे. ज्वारीची ११००, मक्याच ११०० ते १३०० आणि बाजरीचीदेखील १२०० ते १३०० रुपये प्रतिक्विंटल या दरात खरेदी सुरू आहे. शासकीय खरेदी केंद्र सुरू करण्याच्या घोषणेनंतर काही शेतकऱ्यांनी आपापल्या भागातील केंद्रांमध्ये नोंदणीसाठी संपर्क साधला, परंतु नोंदणी करून घेण्यात येत नसल्याची माहिती मिळाली. कारण नोंदणी सुरू करा, असे कोणतेही आदेश जिल्हा प्रशासनाने केंद्रांना दिलेले नाहीत. 

अर्ज स्वीकारण्याची मागणी  लेखी आदेश मिळतील, गोदामे उपलब्ध आहेत का? याची शाश्‍वती होईल, तेव्हाच खरेदीसाठी नोंदणी केली जाईल, असे एका केंद्रधारक संस्थेतील अधिकाऱ्याने सांगितले. शेतकरी नोंदणीसाठी शहरात किंवा भाडे खर्च करून येत आहेत. त्यांचे अर्ज स्वीकारले जावेत. नोंदणीच्या आदेशांचा मुद्दा उपस्थित करून त्यांना परत पाठवू नये, असेही शेतकऱ्यांचे म्हणणे आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com