नाशिकमधील पहिल्या ‘कोरोना’बाधित रुग्णाला डिस्चार्ज

‘कोरोना’विरुद्धच्या लढ्यात आरोग्य यंत्रणा, जिल्हा प्रशासन, पोलिस आणि सुजाण नाशिककर आपली जबाबदारी पार पाडत आहेत. या लढ्यात आरोग्य विभागाचे योगदान अतुलनीय आहे. हा लढा लवकर जिंकायचा आहे. त्यामुळे नागरिकांनी‘लॉकडाऊन’च्या नियमांचे उल्लंघन करू नये. - डॉ. सुरेश जगदाळे, जिल्हा शल्यचिकित्सक, नाशिक.
Discharge to first patient of 'corona in Nashik district
Discharge to first patient of 'corona in Nashik district

नाशिक : लासलगावमधील पहिल्या कोरोनाबाधित रूग्णाला ११ दिवसांच्या नियोजनबद्ध उपचारानंतर मंगळवारी(ता.१४) जिल्हा रूग्णालयातून सशक्त रूग्ण म्हणून घरी सोडण्यात आले. या रूग्णास रूग्णालयातर्फे दीर्घ आरोग्याच्या शुभेच्छा देण्यात आल्या. 

निफाड तालुक्यामधील लासलगाव येथील हा रुग्ण खोकला व ताप अशी न्युमोनिया सदृश लक्षणे असल्याने २७ मार्च रोजी जिल्हा रुग्णालयात दाखल झाला होता. त्याच्या घशातील स्त्रावाची चाचणी केल्यानंतर २९ मार्चला अहवाल पॉझिटीव्ह आला. हा जिल्ह्यातील पहिला कोरोनाबाधित रुग्ण ठरला होता. जिल्हा रुग्णालयातील डॉक्टर्स, कर्मचारी, वॉर्ड बॉय यांच्या मदतीने रूग्णाला औषोधोपचारांसोबत मानसिक आधार देखील दिला गेला. त्यामुळे ‘कोरोना’विरूध्दचे युध्द हा रुग्ण जिंकू शकला. 

जिल्हाधिकारी सुरज मांढरे यांनी रुग्णाशी संवाद साधला. या रुग्णाने जिल्हा रुग्णालयातील डॉक्टर, कर्मचारी, परिचारिका यांचे आभार मानले. जिल्हाधिकाऱ्यांनी त्यास महिनाभर घरी राहण्याचा सल्ला दिला. आरोग्यविषयी समस्या वाटत असल्यास डॉक्टरांशी संपर्क साधण्याची सूचना केली. या रुग्णाचे समाजात 'कोरोना वॉरियर' म्हणून स्वागत केले जाईल. इतर संशयितांनी तातडीने आरोग्य यंत्रणेशी संपर्क साधावा, जेणेकरुन कोरोना विषाणूचाचा फैलाव होणार नाही, असेही मांढरे यांनी सांगितले. 

यावेळी मुख्य कार्यकारी अधिकारी लीना बनसोड, जिल्हा शल्यचिकित्सक डॉ. सुरेश जगदाळे, अतिरिक्त शल्यचिकित्सक डॉ. निखील सैंदाणे, निवासी वैद्यकीय अधिकारी डॉ. आनंद पवार, डॉ. प्रमोद गुंजाळ, जिल्हा आरोग्य अधिकारी डॉ. दावल साळवे, डॉ. एस. आर. राठोड. डॉ. आवेश पडोल, डॉ. गणेश चवले उपस्थित होते.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com