agriculture news in Marathi discussion of milk mixing is threat Maharashtra | Page 2 ||| Agrowon

दूध भेसळीची चर्चा डेअरी उद्योगावर संकट आणणारा 

टीम अॅग्रोवन
बुधवार, 21 जुलै 2021

शेतकऱ्यांच्या दुधाला कमी भाव मिळत असल्याची कारणे वेगवेगळी आहेत. मात्र ५० लाख लिटर दूध भेसळीचे असल्याने दर देता येत नसल्याचा मुद्दा कपोलकल्पित आहे.

पुणे ः शेतकऱ्यांच्या दुधाला कमी भाव मिळत असल्याची कारणे वेगवेगळी आहेत. मात्र ५० लाख लिटर दूध भेसळीचे असल्याने दर देता येत नसल्याचा मुद्दा कपोलकल्पित आहे. भेसळीच्या या चर्चेमुळे राज्याच्या डेअरी उद्योगावर संकट येऊ शकते, असा इशारा महाराष्ट्र राज्य दूध उत्पादक व प्रक्रिया उद्योजक कल्याणकारी संघाने दिला आहे. 

दुधाच्या भेसळीबाबत संघाचे अध्यक्ष गोपाळराव म्हस्के, उपाध्यक्ष ज्ञानेश्‍वर पवार, कोशाध्यक्ष डॉ. विवेक क्षीरसागर भूमिका मांडली. ‘‘राज्यात सध्या ११९ लाख लिटर दूध येते आहे. त्यात ५० लाख लिटर दुधात भेसळ असल्याची चर्चा अकारण घडवून आणली जात आहे. यामुळे डेअरी उद्योगाची बदनामी होत असून त्याचा फटका पुन्हा दूध उत्पादक शेतकऱ्यांनाच बसेल,’’ असेही संघाने स्पष्ट केले आहे. 

मुलापेक्षाही ब्रॅंडला जपतो ः कुतवळ 
‘‘प्रत्येक डेअरीकडून स्वतःच्या मुलांपेक्षाही आपल्या ब्रॅंडची काळजी घेतली जात आहे. हाताच्या बोटांवर मोजण्याइतपत दूध व्यावसायिक गैरकृत्यात सहभागी असतील. मात्र अशा व्यावसायिकांना चाप लावण्याचे काम अन्न व औषध प्रशासन करीत आहे. सर्वच दूध व्यावसायिक शासनाच्या मदतीने शेतकऱ्यांना दर देण्यासाठी प्रयत्न करीत आहेत. मात्र भेसळीची चर्चा उगाच उकरून काढली जाते. त्यामुळेच गेल्या दहा वर्षांत ५० टक्के दूध परराज्यांतील ब्रॅंडच्या हातात गेले आहे,’’ असे संघाचे सचिव प्रकाश कुतवळ यांचे म्हणणे आहे. 

शेतकरी भरपूर कष्ट घेतात ः चितळे 
चितळे उद्योग समूहाचे संचालक श्रीपाद चितळे यांनी सांगितले, की भेसळीचा मुद्दा गौण आहे. तो उकरून काढल्यास ग्राहकांकडून दूध घेणे कमी होऊ शकते. त्यातून दर कमी होऊन, शेवटी शेतकऱ्यांना फटका बसेल. दूध वाढीवर सर्वांत चांगला उपाय शेतकऱ्याचे दूध उत्पादन वाढविणे व त्यासाठी सुधारित लिंग विनिश्‍चित वीर्यमात्रा पुरवणे हाच आहे. या नव्या तंत्राच्या वापरामुळे शेतकऱ्याचे उत्पन्न वाढेल व आणखी गुणवत्तापूर्ण दूध मिळेल. सध्याच्या व्यवस्थेत दूध उत्पादनासाठी शेतकऱ्यांकडून भरपूर कष्ट घेतले जातात. मात्र त्यांना सुधारित मात्रा उपलब्ध करून देण्याची जबाबदारी शासनाची आहे. सुदैवाने राज्यात सरकारने तशी सुरुवात देखील केली आहे.  

 
 


इतर अॅग्रो विशेष
‘गोकुळ’तर्फे दुभत्या जनावरांना लाखाचा...कोल्हापूर : दुभत्या जनावरांचा कोणत्याही आजाराने...
पितृपक्षामुळे सुकामेव्याला मागणी वाढलीपुणे : पितृपक्षाला प्रारंभ झाल्यानंतर काही...
साखर दरवाढीची गोडी कायमकोल्हापूर : गेल्या महिन्यापासून साखर दरात आलेल्या...
भाजीपाला निर्जलीकरण, मसालानिर्मितीलातूर जिल्ह्यातील वासनगाव येथील ‘सावित्रीबाई फुले...
राज्यात विजा, मेघगर्जनेसह पावसाचा इशारापुणे : राज्यात पावसाचा जोर काहीसा ओसरला असला तरी...
प्रमाणपत्र, शाल, श्रीफळ मिळाले,...औरंगाबाद : गतवर्षीच्या रब्बी हंगामात आयोजित...
४१ व्या मराठवाडा साहित्य संमेलनाचे आज...औरंगाबाद : ४१ व्या मराठवाडा साहित्य संमेलनाचे...
पीककर्जाचे ‘वरातीमागून घोडे’पुणे ः शेतकऱ्यांना खरिपासाठी दिल्या जाणाऱ्या पीक...
शेतकरी पुत्रांचा #सोयाबीन ट्रेंडनांदेड : सोयाबीनचे दर ११ हजारांवरून पाच हजार...
कोकणात पावसाचा जोर कायमपुणे : राज्यात गेले काही दिवस पावसाने हजेरी लावली...
एकोप्यातून पानोलीकरांचा ग्रामविकासात...गावकऱ्यांचा एकोपा, लोकसहभाग, श्रमदान आणि गावांतील...
विदर्भ, कोकणात पावसाचा अंदाजपुणे : राज्यात पावसाने दमदार हजेरी लावल्यानंतर...
पाऊस सुरूच; ओल्या दुष्काळाचे सावटपरभणी ः राज्यात आठ दिवसांपासून पावसाचे पुनरागमन...
सेंद्रिय शेतीतून काळ्या आईचे आरोग्य जपा...नाशिक : रासायनिक शेतीचे परिणाम दिसत असल्याने...
मराठवाड्यात शेतीपिकांची पुन्हा दैनाऔरंगाबाद : मराठवाड्यात पुन्हा एकदा मंगळवारपासून (...
बेदाण्याला उठाव असल्याने दर स्थिरसांगली ः सणांमुळे बेदाण्याला चांगली मागणी आहे....
कापूस खरेदी नोव्हेंबरच्या पहिल्या...मुंबई : राज्यातील हंगाम २०२१-२२मधील शासकीय कापूस...
खरिपात तेलबिया उत्पादनात घट होणारपुणे : खरीप हंगाम २०२१-२२ मध्ये तेलबिया...
मराठवाड्यात पाऊस उठला पिकांच्या मुळावरऔरंगाबाद : आधी पावसाचा लहरीपणा आणि आता अतिपावसाने...
विदर्भात सोयाबीनला फुटले कोंब नागपूर : संततधार तसेच काही भागांत झालेल्या...