agriculture news in Marathi, Disease attack on cane, Maharashtra | Page 2 ||| Agrowon

उसावर आता तांबेरा, तपकिरी ठिबके

टीम अॅग्रोवन
रविवार, 17 नोव्हेंबर 2019
  • दररोजचे धुके व जमिनीतील ओलसरपणा, असे वातावण सातत्याने असल्याने ऊस रोगाला बळी पडत आहे. कोवळ्या व लुसलुशीत पानावर चटक तांबेरा येतो. शेतकऱ्यांनी वेळीच काळजी घेऊन फवारणीचे नियोजन करावे.

- विलास करडे, पीक रोगशास्त्रज्ञ, कृषी महाविद्यालय

कोल्हापूर: सातत्याने पडणारे धुके व जमिनीतील ओलसरपणाचा फटका उभ्या उसाला बसत आहे. या वातावरणामुळे उसावर तांबेरा व तपकिरी ठिबक्‍यांचा प्रादुर्भाव होत असल्याने शेतकरी हवालदिल झाले आहेत. महापुराच्या तडाख्यातून वाचलेल्या उसावर आता बदलत्या हवामानाने वक्रदृष्टी केल्याने दक्षिण महाराष्ट्रातील ऊस उत्पादक पुन्हा दुष्टचक्रात अडकत आहेत. नेमका किती क्षेत्रावर हा प्रादुर्भाव आहे, याची नेमकी आकडेवारी उपलब्ध नसली, तरी वाढणारे क्षेत्र उत्पादकांना चिंतेत टाकणारे आहे. 

ऑगस्टमध्ये आलेल्या महापुरात दक्षिण महाराष्ट्रात सत्तर हजार हेक्‍टरपेक्षा अधिक उसाचे नुकसान झाले. पण, गेल्या महिनाभरात झालेल्या अतिवृष्टीचा फटका पुरात न बुडलेल्या उसाला बसत आहे. जोरदार पावसामुळे ऊसशिवारे अद्याप ओलसर आहेत. जमिनीत ओलावा टिकून आहे. यातच दररोज धुके पडत असल्याने याचा विपरीत परिणाम उसावर होत आहे. विशेष करून ९२००५, २६५ या ऊस जातींवर तांबेरा, ठिबक्‍यांचे प्रमाण वाढत आहे. नवीन लागवड व गाळपास येणारा ऊस या दोन्हींवर कीड-रोगाचा प्रादुर्भाव दिसतो. तोडणीस आलेल्या उसाला आता काही करता येणे शक्‍य नाही.

पण, जो ऊस अद्याप कोवळा आहे, त्या उसाला फवारणी आवश्‍यक असल्याचे तज्ज्ञांचे मत आहे. सुरू व पूर्वहंगामी लागवडीच्या उसावर तांबेरा व तपकिरी ठिबक्‍याचा प्रादुर्भाव होत आहे. अनेक ठिकाणी चारफुटीपेक्षा कमी अंतर असलेल्या सरीतील उसामध्ये हे संकट गडद होत आहे. शेतातील पाणी साचून राहिल्याने याचा धोका अधिक वाढत आहे. कोवळ्या उसावर तातडीने फवारणी करून उसाचा यापासून बचाव करावा, असे आवाहन तज्ज्ञांनी केले आहे. 

प्रतिक्रिया
उशिरा झालेला पाऊस व ढगाळ हवामानमुळे उसावर जलद तांबेरा येत आहे. लहान व मोठ्या उसावरही याचा प्रादुर्भाव आहे. तोडणीस येणाऱ्या उसावर आता उपाय करणे शक्‍य नसले, तरी कोवळ्या उसाकडे मात्र लक्ष देणे गरजेचे आहे. 
- डॉ. अशोक पिसाळ, कृषी विद्यावेत्ता, कृषी महाविद्यालय, कोल्हापूर 

 


इतर बातम्या
शासकीय खरेदीअभावी उत्पादकांची लूटआरेगाव, जि. यवतमाळ  : आज ना उद्या शासन...
यवतमाळमध्ये पन्नास हजार क्विंटल कापूस...यवतमाळ : जिल्ह्यात सुरू करण्यात आलेल्या सीसीआय...
‘द्वारकधीश’कडून पंधरवड्यात ५५ हजार टन...नाशिक : सटाणा तालुक्यातील शेवरे येथील द्वारकाधीश...
`ऊर्जामंत्र्यांवर सदोष मनुष्यवधाचा...नाशिक : जालना जिल्ह्यातील भोकरदन तालुक्यातील ३...
किनवट येथे धानाचे खरेदी केंद्र मंजूरनांदेड : धान खरीप पणन हंगाम २०२० - २१ साठी...
‘इसापूर’चे पहिले आवर्तन शुक्रवारपासूननांदेड : ऊर्ध्व पैनगंगा प्रकल्प इसापूरमधून...
खानदेशात मका, ज्वारीला हमीभाव मिळेना जळगाव : खानदेशात ज्वारी, मक्याची आवक बाजारात सुरू...
परभणी जिल्ह्यात तीस हजार हेक्टर ऊस...परभणी  ः जिल्ह्यात सन २०१९-२० मध्ये लागवड...
मराठवाड्यातील बहुतांश धरणे तुडुंबऔरंगाबाद : यंदा जोरदार पावसामुळे मराठवाड्यातील...
खानदेशात रब्बीच्या पेरणीला वेगजळगाव : खानदेशात कोरडवाहू रब्बी पिकांची पेरणी...
शेतीच्या फायद्यासाठी एकसंघपणे प्रयत्न...जालना : ‘‘कृषी विभागाची विस्तार सेवेची भूमिका...
ओट पिकावरील करपा रोगांसाठी कारणीभूत...ओट पिकामध्ये करपा रोगाच्या प्रादुर्भावानंतर...
प्रखर प्रकाशाचा पक्ष्यांवर होतो विपरीत...चमकत्या प्रखर प्रकाशांचा परिणाम मोठ्या...
महाटीत उपसरपंचपदासाठी साडेदहा लाखांची...नांदेड ः ग्रामपंचायत निवडणुकीपूर्वी उपसरपंचपदाचा...
राज्यात शनिवारपासून ‘जनप्रबोधन यात्रा’नगर/पुणे ः शेतकरी आत्महत्येला कारणीभूत असलेल्या...
फळांपासून वाइननिर्मितीसाठी महाराष्ट्र...नाशिक : द्राक्षाबरोबर डाळिंब, जांभूळ,...
सोलापूर जिल्ह्यात ऊसदरासाठी शेतकरी...सोलापूर ः सोलापूर जिल्ह्यातील सर्व कारखानदार...
शेतकऱ्याने १८ एकरांतील कपाशीत घातली...अकोला ः जिल्ह्यातील कापूस क्षेत्र यंदा बोंड अळीने...
गोदावरी खोरे सिंचन आराखडा सरकारने...नांदेड : आपल्या शासनाच्या काळात मराठवाड्यातील...
शिराळा तालुक्यात गुऱ्हाळघरांना उशिरा...सांगली ः शिराळा तालुक्यात यंदा गूळ उत्पादनाचा...