agriculture news in marathi, disease on ginger crop, satara, maharashtra | Page 2 ||| Agrowon

सातारा जिल्ह्यात आले पिकावर ‘करपा’चा प्रादुर्भाव

टीम अॅग्रोवन
मंगळवार, 19 नोव्हेंबर 2019

आले पिकात कंद पोसण्याची अवस्था सुरू असून, पालाशयुक्त खते पिकाला देणे गरजेचे आहे. करपा व सूक्ष्म अन्नद्रव्याचे योग्य निरिक्षण करावे व गरजेनुसार सुक्ष्म अन्नद्रव्य तसेच शिफारसीत बुरशीनाशकांच्या फवारण्या कराव्यात. पाने जास्तीत जास्त दिवस क्रियाशील राहण्यासाठी खत व्यवस्थापन व पीक संरक्षणावर भर द्यावा. यामुळे कंद चांगला पोसला जाईल.  
- भुषण यादगीरवार, विषय विशेषज्ञ,कृषि विज्ञान केंद्र, बोरगाव, जि. सातारा.

सातारा  ः अतिपावसाचा फटका इतर पिकांप्रमाणे आले पिकालाही बसला आहे. जिल्ह्यात सध्या आले पिकावर ‘करपा’चा प्रादुर्भाव वाढला असल्याने शेतकऱ्यांची चिंता वाढली आहे. या ‘करपा’मुळे फणी पोसण्यावर परिणाम होत असल्याने उत्पादनात घट होण्याची शक्यता आहे. 

मागील चार ते पाच वर्षांपासून आले पिकास समाधानकारक दर मिळाल्याने जिल्ह्यात या पिकाखालील क्षेत्र वाढले.  यंदा २५०० ते २७०० हेक्टर क्षेत्रावर आले पिकाची लागवड झाल्याचा अंदाज आहे. अतिवृष्टीमुळे आॅगस्ट, सप्टेंबर महिन्यात आले पिकात मोठ्या प्रमाणात कंदकुज झाली होती. ती आटोक्यात आणण्यास शेतकऱ्यांनी लाखो रुपये खर्च केले होते. या संकटातून कसेबसे बाहेर पडत असतानात आता ‘करपा’च्या प्रादुर्भाव झाल्याने शेतकऱ्यांच्या अडचणीत वाढ झाली आहे.

हिरवीगार असणारे आले पीक आता पिवळे पडून सुकू लागले आहे. सुरुवातीस आले पिकास पांढरे डाग पडून त्यास छिद्र पडत असून त्यानंतर पाने वाळून जात आहेत. अतिपावसाने जमिनीत पाण्याचे प्रमाण वाढल्याने आर्द्रता निर्माण होत असल्यानेही करपा वाढत आहेत. काही ठिकाणी करपा ओळखण्यात शेतकऱ्यांना अडचणी येत आहे. काही ठिकाणी सूक्ष्म अन्नद्रव्याच्या कमरततेमुळे देखील पाने पिवळी पडत असल्याचे दिसून येत आहे. करप्याच्या प्रादुर्भावामुळे आल्याच्या पानांची गळती होते. यातून आल्याच्या कंद पोसत नाही. परिणामी आले उत्पादनात घट होते. कंदकुज, करपा नियंत्रणासाठी शेतकऱ्यांनी फवारण्यांवर भर दिला आहे. यामुळे उत्पादन खर्चात वाढ होत आहे. 

आल्याला समाधानकारक दर मिळत असल्याने आले पिकाच्या क्षेत्रात वाढ झाली आहे. मात्र अतिपावासमुळे एकूण आले लागवडीपैकी ४०० ते ५०० एकर क्षेत्रावर कंदकुज झाल्याचे दिसून येत आहे. ही कंदकुज नियंत्रण येत नसल्यामुळे शेतकऱ्यांना आले काढणी करुन त्याची विक्री करण्याशिवाय पर्याय राहिलेला नाही. या बाधित आल्याची निम्म्याहून कमी दराने व्यापाऱ्यांकडून खरेदी केली जात आहे. 
 


इतर ताज्या घडामोडी
नाशिक जिल्ह्यात अतिवृष्टीमुळे दाणादाणनाशिक : पावसाळा सुरू झाल्यानंतर अनेक ठिकाणी...
पीक कर्जासाठी बँकेत मुक्कामाची वेळ येऊ...बुलडाणा ः खरीप हंगामातील पिकांच्या काढणीची वेळ...
पाथरूड परिसरातील प्रकल्प तुडुंबपाथरूड, जि. उस्मानाबाद : पाथरूडसह परिसरात...
सिंधुदुर्ग जिल्ह्यातील ९० टक्के...सिंधुदुर्ग ः जिल्ह्यातील ९० टक्के भातपिकांना...
परभणी, हिंगोलीत अतिवृष्टीमुळे पिकांवर...परभणी : खरीप हंगामातील सोयाबीन काढणीच्या, कापूस...
हिंगोली जिल्ह्यात सोयाबीनच्या शेंगांना...हिंगोली : गतवर्षी प्रमाणे यंदाही सोयाबीनचे पीक ऐन...
‘जायकवाडी’तील विसर्गात घटऔरंगाबाद : जिल्ह्यातील जायकवाडी प्रकल्पातून...
निम्न दुधनातून ७१९० क्युसेकने विसर्गपरभणी : सेलु तालुक्यातील ब्रम्हवाकडी येथील दुधना...
अनुदानाअभावी मर्यादित लाभार्थ्यांना...सिंधुदुर्ग ः कोरोनामुळे शासनाने जिल्हा परिषदेच्या...
ऊसतोडणीच्या तिढ्यावर आज चर्चापुणे : दहा लाख ऊस तोडणी कामगारांच्या मागण्यांबाबत...
यवतमाळ जिल्ह्यात सोयाबीन शेंगांना फुटले...यवतमाळ : खोडकीड, चक्रीभुंगा त्यानंतर आता परिपक्व...
संत्रा उत्पादकांना हेक्टरी लाखाची भरपाई...नागपूर : विदर्भात नैसर्गिक आपत्तीमुळे संत्रा,...
पुण्यात विशिष्ट ठिकाणीच लिंबे विक्रीला...पुणे ः गुलटेकडी येथील कृषी उत्पन्न बाजार समितीने...
गाय एका आठवड्यात दोनदा व्यायली नाशिक ः येथील डॉ. इरफान खान हे व्यवसायाने डॉक्टर...
हवामान बदलाचे सेंद्रिय कर्बावरील परिणामजागतिक हवामान बदल आणि जागतिक तापमान वाढ हे शब्द...
पुण्यात भाजीपाल्याच्या आवकेत घटपुणे : गुलटेकडी येथील पुणे कृषी उत्पन्न बाजार...
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...
शेतमाल स्थानिक भागात विकला जाणार : भुजबळनाशिक : त्र्यंबकेश्वर तालुक्यात आदिवासी समाज...