Agriculture news in Marathi Disputes in Europe have little effect on rice exports | Agrowon

युरोपातील वादाचा तांदूळ निर्यातीवर परिणाम कमीच 

टीम अॅग्रोवन
मंगळवार, 26 ऑक्टोबर 2021

भारतातून आयात केलेल्या तांदळापासून पिठी आणि प्रक्रिया पदार्थ तयार केल्यानंतर चाचणीत जीएमचे (जनुकीय सुधारित) अवशेष आढळल्याचे युरोपियन युनियनच्या अन्नसुरक्षा समितीने म्हटले आहे.

पुणे : भारतातून आयात केलेल्या तांदळापासून पिठी आणि प्रक्रिया पदार्थ तयार केल्यानंतर चाचणीत जीएमचे (जनुकीय सुधारित) अवशेष आढळल्याचे युरोपियन युनियनच्या अन्नसुरक्षा समितीने म्हटले आहे. त्यानंतर युरोपियन युनियनमधील देशांनी तांदळावर हरकती घेतल्यानंतर भारताच्या संपूर्ण तांदूळ निर्यातीलाच फटका बसल्याचे बोलले जात आहे. मात्र, हा मुद्दा युरोपियन युनियन आणि ५ टक्के निर्यातीशी संबंधित आहे. त्यातच काही युरोपियन देश पूर्णपणे तांदळासाठी आयातीवर अवलंबून आहेत. त्यामुळे भारताच्या निर्यात बाजारावर याचा फार मोठा परिणाम होणार नाही, अशी माहिती जाणकारांनी दिली.

फ्रेंच कंपन्यांनी भारतातून आयात केलेल्या ५०० टन तांदळाची पिठी आणि प्रक्रिया पदार्थ तयार करून युरोपियन युनियनमधील देशांत विक्री केली. मात्र, युरोपिय संघाच्या अन्नसुरक्षा समितीने चाचणी घेतल्यानंतर यात जीएमचे अवशेष आढळल्याचा दावा केला. युरोपियन युनियनमध्ये जीएम पिकांना मान्यता आहे, मात्र नॉन जीएम तांदळात जीएमचे अवशेष आढळल्याने सर्वप्रथम फ्रान्समध्ये आक्षेप नोंदविण्यात आला. त्यानंतर एकएक करून युरोपीयन युनियनमधील देशांनी हरकती घ्यायला सुरुवात केली. तर अमेरिकन कंपनीने याच चर्चांमुळे आयातीचे व्यवहारही रद्द केले. मात्र निर्यात करताना त्रयस्थ संस्थेकडून नॉन जीएम असल्याचे प्रमाणपत्र मिळाले. मात्र तेथे पीठीमध्ये जीएम अवशेष मिळाल्याने चर्चांना उधाण आले. ज्या तांदळामध्ये जीएम अवशेष आढळल्याचा दावा केला जात आहे त्याचे निर्यातदार शिवप्रसाद राहुटीया यांनी मात्र हा दावा फेटाळला आहे.

भारतातून होणाऱ्या एकूण निर्यातीत तांदळाचा वाटा पाचव्या क्रमांकावर आहे. तसेच जागतिक पातळीवर भारत हा सर्वाधिक तांदूळ निर्यात करणार देश असून जागतिक निर्यातीत भारताचा वाटा ३१ टक्क्यांपेक्षाही जास्त आहे. यापैकी ५ टक्क्यांपेक्षाही कमी निर्यात युरोपियन देशांना होते. परंतु अनेक युरोपियन देश तांदळासाठी भारतावर अवलंबून आहेत. भारतानंतर थायलंडमधून २० टक्के निर्यात होते. भारत आणि थायलंड यांच्यामधील फरक हा तब्बल १० टक्क्यांचा आहे. या दोन्ही देशांतूनच ५० टक्क्यांपेक्षा अधिकची निर्यात होते, तर उर्वरित निर्यातीत इतर देशांचा समावेश आहे. २०१७ ते २०२१ या काळात भारताच्या एकूण निर्यातीत तांदूळ पाचव्या क्रमांकावर होता. या काळात ४०४  कोटी डॉलरची तांदूळ निर्यात झाली. भारतातून होणाऱ्या निर्यातीपैकी ९० टक्क्यांपेक्षाही अधिक तांदूळ आशिया आणि आफ्रिकी देशांत जातो, तर ५ टक्क्यांपेक्षाही कमी युरोपात निर्यात होते.त्यामुळे सध्या चर्चिला जात असलेला जीएम अवशेषांच्या मुद्दा हा युरोपियन युनियनमधील देशांपुरता असला तरी नमके कोणत्या टप्प्यावर ही सरमिसळ झाली हे स्पष्ट झालेले नाही. त्यातच जागतिक तांदूळ निर्यातीत ३० टक्के हिस्सा असल्याने भारताचे महत्त्व अबाधित आहे. भारताच्या तांदळाचे प्रमुख आयातदार आशिया आणि आफ्रिकेतील देश आहेत. या देशांमध्ये मात्र तांदूळ निर्यात सुरळीत सुरू आहे. जीएम प्रकरणामुळे भारतीय तांदूळ निर्यातीला फटका बसण्याची शक्यता कमीच आहे.

आशियातील बाजारातील निर्यात
आशियाचा विचार करता इराणमध्ये सव्वापाच हजार दशलक्ष डॉलरची, सौदी अरेबियात पाच हजार दशलक्ष डॉलर आणि इराकमध्ये २ हजार ७०० दशलक्ष डॉलरपेक्षा अधिकची तांदूळ निर्यात झाली. कुवेतचे भारतीय तांदळावरील अवलंबित्व तब्बल ९१ टक्के आहे. म्हणजेच कुवेतमध्ये वार्षिक वापर होणाऱ्या तांदळापेकी ९१ टक्के भारतातून जातो. कतारचे भारतीय तांदळवरील अवलंबित्व ८४ टक्के, अझरबैजान ६५ टक्के, जाॅर्डन ३८ टक्के आणि जाॅर्जियाचे भारतावरील अवलंबित्व ३७ टक्के आहे.

आफ्रिकेतही मोठी निर्यात
आफ्रिकी देशांचा विचार करता बेनीन देशात सतराशे दशलक्ष डॉलर, सेनेगलमध्ये बाराशे दशलक्ष डॉलर, गीनीमध्ये साडेनऊशे दशलक्ष डॉलरची तांदूळ निर्यात झाली. तर भारतीय तांदळावरील मॉरिशसचे अवलंबित्व ८५ टक्के आहे. टोगो देश एकूण गरजेच्या ६९ टक्के तांदूळ भारतातून आयात करतो. नामीबिया ५५ टक्के, सेनेगल ३३ टक्के आणि दक्षिण आफ्रिका २८ टक्के तांदळासाठी भारतावर अवलंबून आहे.

युरोपमधील निर्यात
युरोपचा विचार करता, युनायटेड किंगडमला ७०३ दशलक्ष डॉलरचा तांदूळ निर्यात झाला. नेदरलॅंडला ३१६ दशलक्ष डॉलर आणि रशियाला २१८ दशलक्ष डॉलरची निर्यात झाली. युरोपमधील भारतीय तांदळावरील अवलंबित्वाचा विचार करता युनायटेड किंगडम, ग्रेट ब्रिटन आणि उत्तर आयरलॅंडमध्ये एकूण वापराच्या २५ टक्के तांदूळ भारतातून जातो. युक्रेनमध्ये २३ टक्के, नेदरलॅंडमध्ये २२ टक्के अवलंबित्व भारतीय तांदळावर आहे. तसेच अमेरिकाही २३.५९ टक्के तांदळासाठी भारतावर अवलंबून आहे. तर कॅनडा २१ टक्के, ऑस्ट्रेलिया ३० टक्के आणि न्यूझीलंड १५ टक्के तांदूळ भारतातून आयात करतो.


इतर अॅग्रो विशेष
जळगाव जिल्ह्यात बोंडअळीचा उद्रेकजळगाव ः जिल्ह्यात यंदा शेतकऱ्यांना अतिवृष्टीने...
राज्यात पावसाला पोषक हवामान पुणे : राज्याच्या किमान तापमानात आणखी घट झाल्याने...
पावसाला पोषक हवामानामुळे किमान तापमानात...पुणे : पावसाने उघडीप दिल्यानंतर राज्याच्या किमान...
वीजप्रश्नी संतप्त शेतकरी  महावितरण...नाशिक : महावितरण कंपनीकडून सटाणा तालुक्यात थकीत...
कापूस खेडा खरेदी करणाऱ्या ...बुलडाणा ः खेडा खरेदीच्या माध्यमातून शेतकऱ्यांना...
कडुलिंबाची झाडे वाळू लागली पुणे नगर ः नगर जिल्ह्यातील नेवासा तालुक्यातील...
राज्यातील १२१ आदिवासी  आश्रमशाळा होणार...पुणे ः शिक्षण व्यवस्थेमधील बदलांना सामोरे जात...
लाल कांद्याला उन्हाळच्या  तुलनेत मिळतोय...नाशिक : दिवाळीनंतर जिल्ह्यातील कृषी उत्पन्न बाजार...
नगर पंचायतींच्या निवडणुकांची रणधुमाळी...पुणे नगर ः राज्यातील मुदत संपलेल्या परंतु,...
सत्तावीस हजार सहकारी संस्थांच्या ...पुणे ः राज्यातील कृषी पतसंस्था, बहुउद्देशीय...
‘बेरीज् एक्सलन्स सेंटर’ उभारणीसाठी ...सातारा ः स्ट्रॅाबेरी मातृ रोपांवरील आयात शुल्क...
शेतकरी उत्पन्न दुपटीच्या बैठकीला २३... नवी दिल्ली ः संसदेच्या कृषी विषयक स्थायी...
दिवाळी सुटीनंतरच्या बेदाणा  सौद्यात...सांगली ः दिवाळीच्या सुटीनंतर सांगली कृषी उत्पन्न...
स्टॉक लिमिटला नकार;  सोयाबीन बाजाराला...पुणे ः राज्य सरकारने सोयाबीनवर स्टॉक लिमिट लावणार...
भाजीपाला,पूरक उद्योगातून महिलांची आघाडीमिरजोळी(ता.चिपळूण,जि.रत्नागिरी) गावातील उपक्रमशील...
तुर्कांबाद खराडीत करारावर बटाटा...औरंगाबाद : जिल्ह्यातील गंगापूर तालुक्‍यातील...
शेतकऱ्यांनो एकरकमी भरा अर्धेच वीजबिल ः...नगर : राज्यातील शेतकऱ्यांना दिलासा देण्याचे धोरण...
राज्याच्या किमान तापमानात घट पुणे : राज्यात पावसाने उघडीप दिल्यानंतर आकाश...
शेतकऱ्यांनी बांबू लागवडीकडे वळावे -...लातूर ः आज देशात गहू, तांदूळ, मका आणि साखर अधिकची...
शिंदीच्या झाडांचे आता जिओ टॅगिंग  नीरा...नागपूर ः राज्य शासनाने नीरा देणाऱ्या शिंदीच्या...