Agriculture news in Marathi Dissatisfied with the cancellation of sugarcane transport regulations | Page 4 ||| Agrowon

ऊस वाहतूक नियमावली रद्द केल्याने नाराजी

टीम अॅग्रोवन
मंगळवार, 12 ऑक्टोबर 2021

राज्यातील उसाची तोडणी व वाहतुकीच्या कपातीबाबत शासनाने आधीची नियमावली रद्द केल्याने गैरव्यवहाराला मोकळे रान मिळेल, अशी भीती शेतकऱ्यांनी व्यक्त केली आहे.

पुणे ः राज्यातील उसाची तोडणी व वाहतुकीच्या कपातीबाबत शासनाने आधीची नियमावली रद्द केल्याने गैरव्यवहाराला मोकळे रान मिळेल, अशी भीती शेतकऱ्यांनी व्यक्त केली आहे.

ऊसदर नियंत्रण मंडळाचे माजी सदस्य भानुदास शिंदे यांनी साखर आयुक्तालयाकडे याबाबत काही लेखी मुद्दे मांडले आहेत. नियमावली रद्द केल्याबद्दल नाराजी व्यक्त करतानाच वाहतूक अंतराबाबत शासनाने निश्चित केलेल्या नियमांचा समावेश असलेले परिपत्रक पुन्हा लागू करावे, अशी मागणी त्यांनी केली आहे. 

राज्य शासनाने शेतकरीहिताचा निर्णय घेत ८ मार्च २०१७ रोजी तोडणी वाहतूक नियमावली तयार केली होती. त्यानुसार ऊस वाहतुकीचे आंतरनिहाय  टप्पे केले गेले. २५ किलोमीटरपर्यंत पहिला, २५ ते ५० किलोमीटरपर्यंत दुसरा, आणि तिसऱ्या टप्प्यात ५० किलोमीटरपासून पुढील प्रत्येक किलोमीटरसाठी वाहतूक खर्च गृहीत धरला जाणार होता. हा खर्च वजा करून शेतकऱ्यांना रास्त व किफायतशीर दर (एफआरपी) काढावी, अशा सूचना देण्यात आल्या होत्या. 

शिंदे यांच्या म्हणण्यानुसार, ऊसदर नियंत्रण मंडळाने या नियमावलीचे स्वागत केले होते. मात्र, कारखानदारांच्या विरोधामुळे या नियमांची प्रत्यक्ष अंमलबजावणी करण्यात आली नाही. कोरोनाच्या दोन वर्षामुळे या नियमांकडे कोणाचे लक्ष गेले नाही. आता हे नियम अचानक रद्द करण्यात आले आहेत. या नियमांमुळे वेगवेगळी एफआरपी देणे शक्य नसल्याचे सांगितले जाते. मात्र, यामुळे शेतकऱ्यांची लूट कायम चालू राहणार आहे. दोन साखर कारखान्यांसाठी २५ किलोमीटर अंतर ठेवण्याची अट आहे. या अंतराच्या आत ऊस आहे म्हणून गाळपासाठी परवाना दिला जातो. मग, बाहेरील बेकायदेशीर ऊस आणून त्याचा जादा वाहतूक खर्च सरसकट सर्व शेतकऱ्यांच्या माथी मारणे चूक आहे. यामुळे कारखाने तोडणीवाहतूक खर्चापोटी प्रतिटन ६०० ते १३०० रुपये सर्रासपणे शेतकऱ्यांच्या बिलातून कापून घेतात, असे शेतकरी प्रतिनिधींचे म्हणणे आहे.  

आधीचीच नियमावली लागू करा ः रयत क्रांती
दरम्यान, रयत क्रांती संघटनेने या मुद्द्यावर आंदोलनाचा इशारा दिला आहे. ‘‘आधीचीच वाहतूक टप्पा नियमावली लागू करावी. काटामारी, उतारा चोरी आणि तोडणी वाहतूक यामधील गैरप्रकार थांबविण्यासाठी कडक उपाय लागू करावेत,’’ अशी मागणी ‘रयत क्रांती’ने साखर आयुक्तालयाकडे केली आहेत.
 


इतर अॅग्रो विशेष
सरकारी अनुदान नसतानाही  यंदा साखर...पुणे ः भारतात उपलब्ध असलेला जादा ऊस लक्षात घेता...
कृषिपंपांचा वीजपुरवठा तोडू नये, अन्यथा...कोल्हापूर : कृषिपंपाचे रात्रीचे १० तास...
कृषिपंपाचे तोडलेले वीजकनेक्शन पूर्ववतबुलडाणा ः शेतकऱ्यांच्या कृषिपंपाचे तोडलेले...
निविष्ठा परवान्यांमधील ‘दुरूस्ती’ आता...पुणे ः गुणनियंत्रण विभागातील गैरव्यवहाराला आळा...
ऊसतोड वजावट रद्द करावी पुणे : राज्यात यंत्राच्या साहाय्याने होणारी...
कोकण, मध्य महाराष्ट्रात विजांसह पावसाची...पुणे : किमान तापमानाचा पारा घसरल्याने गारठा वाढला...
गोदावरी-वैनगंगा नदीजोड प्रकल्प अद्याप...नागपूर : महागाई आणि भूखंडाच्या दरापेक्षाही वेगाने...
आंदोलनातील मृत शेतकऱ्यांच्या...नवी दिल्ली : कृषी कायदे रद्द झाल्यानंतर आता मोदी...
कृषी कायदे मागे घेण्यावर संसदेचे...नवी दिल्ली ः संसद अधिवेशनाच्या पहिल्याच दिवशी...
राजस्थानमधील शेतकऱ्यांची  मोहरी आणि...पुणे ः रब्बी हंगाम २०२०-२१ मधील मोहरी आणि गव्हाला...
कृषी विजबिले अवास्तवअकोला ः ग्रामीण भागात सध्या एकीकडे रब्बीची लगबग...
अवकाळीच्या सावटामुळे द्राक्ष पट्ट्यात...नाशिक : गेल्या काही वर्षांपासून पूर्वहंगामी...
हापूस आंब्याचा हंगाम धोक्यातरत्नागिरी ः कोरोनातील बिकट परिस्थितीचा सामना करत...
अभ्यासपूर्ण व्यवस्थापनातून दर्जेदार...जळके (ता.जि. जळगाव) येथील राजेश पाटील यांनी केळी...
आदर्श असावा तर खडतरे कुटुंबासारखामुक्त गोठा पद्धत, नेटके व्यवस्थापन, कुटुंबाची एकी...
कोकण, मध्य महाराष्ट्र, मराठवाड्यात...पुणे : राज्याच्या किमान तापमानाचा पारा १५...
शेवगा २००० रुपये प्रतिदहा किलोपुणे ः पुणे बाजार समितीमध्ये रविवारी (ता.२८)...
धुळीमुळे शेतकऱ्यांचे ‘पांढरे सोने’...गुमगाव, जि. नागपूर : कोतेवाडा, सोंडेपार शिवारातील...
तांदूळ महागणार ; अवकाळी पावसामुळे...नागपूर : नवीन तांदळाच्या हंगामास सुरुवात झाली आहे...
कामे पूर्ण केलेल्या शेतकरी गटांचे ...पुणेः समूह शेती योजनेत भाग घेतलेल्या शेतकरी...