Distribute the compensation aid mandal wise : Dr. Bhosle
Distribute the compensation aid mandal wise : Dr. Bhosle

नुकसानभरपाई निधी मंडलनिहाय वाटप करा : डॉ. भोसले

टेंभुर्णी, जि. सोलापूर : ऑक्‍टोबर महिन्यात झालेल्या अवकाळी व अतिवृष्टीमुळे शेतातील पिकांचे मोठ्या प्रमाणावर नुकसान झाले आहे. माढा तालुक्‍यातील शेतकऱ्यांना मदत देण्यासाठी १४ कोटी रुपये निधीची आवश्‍यकता आहे. या संदर्भात निधीची मागणी केली असून, सध्या मिळालेल्या दोन कोटी ८३ लाख रुपयांच्या निधीचे मंडलनिहाय सम प्रमाणात वाटप करावे, अशी सूचना जिल्हाधिकारी डॉ. राजेंद्र भोसले यांनी केली. 

जिल्हाधिकारी डॉ. राजेंद्र भोसले यांनी टेंभुर्णी येथील मंडल अधिकारी कार्यालयात आढावा बैठक घेतली. त्यावेळी जिल्हाधिकारी डॉ. भोसले यांनी ही सूचना केली. डिजिटल सातबारा व आठ ‘अ’च्या उताऱ्याचे काम पूर्ण करावे तसेच पोटखराब क्षेत्राची माहिती गोळा करावी. या वर्षी परतीच्या पावसाने खरीप पिकांचे मोठ्या प्रमाणावर नुकसान झाले. पिकांच्या नुकसानीचे पंचनामे करून तातडीने शेतकऱ्यांना नुकसानभरपाई देण्यात येणार आहे. शेतकऱ्यांची गैरसोय होऊ नये याकरिता तलाठी व मंडलाधिकाऱ्यांना सज्जात हजर राहण्याचे आदेश जिल्हाधिकारी डॉ. भोसले यांनी दिले आहेत. 

यावेळी माढा तालुक्‍यातील पावसामुळे बाधित झालेले क्षेत्र व बाधित खातेदार यांची संपूर्ण माहिती गोळा करून त्यांना नुकसान भरपाईपोटी द्यावी लागणारी रक्कम व झालेले पंचनामे त्या अनुषंगाने झालेल्या सर्व बाबींची माहिती माढ्याचे तहसीलदार राजेश चव्हाण यांच्याकडून जिल्हाधिकाऱ्यांनी घेतली. 

या बैठकीस माढ्याचे तहसीलदार राजेश चव्हाण, टेंभुर्णीच्या मंडल अधिकारी मनीषा लकडे, रांजणीच्या मंडल अधिकारी शबाना कोरबू, टेंभुर्णीचे तलाठी संदीप तांबवे, सतीश भंडारे, डी. आर. नरळे, पी. एल. काळे, स्वप्नील सोनटक्के, डी. डी. गुटाळ, जी. वाय. ढोकणे, बी. के. खुळे, प्रशांत जाधव व कोतवाल कय्यूम सय्यद, सुदर्शन गुरव, दीपक काळे उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com