सोलापूर : स्वाभिमानी शेतकरी संघटनेच्या वतीने जिल्ह्यातील शेतकऱ्यांना खरिपासाठी बियाण्यांचे नुकतेच वाटप करण्यात आले. शेतकरी संघटनेकडून शेतकऱ्यांना अशा पद्धतीने बियाण्यांचे वाटप केले. त्यामुळे कोरोनासारख्या संकटामुळे अडचणीत आलेल्या शेतकऱ्यांना काहिसा दिलासा मिळाला आहे.
स्वाभिमानी पक्षाचे प्रदेश उपाध्यक्ष प्रकाश बालवडकर, युवा प्रदेश अध्यक्ष अमरसिंह कदम, युवा आघाडीचे जिल्हाध्यक्ष विजय रणदिवे, पक्षाचे जिल्हाध्यक्ष शिवाजी पाटील, श्रीमंत केदार, दिनेश शिंदे, संभाजी पाटील, पप्पू पाटील, महादेव शिंदे, दिलीप बालवडकर, केदार कदम आदी या वेळी उपस्थित होते.
जिल्ह्यातील सोनलकरवाडी (ता. माढा), ऊळे (ता. द. सोलापूर), डोणज (ता. मंगळवेढा) येथील साठ शेतकऱ्यांना तूर, मूग, उडीद, सोयाबीन, बाजरी, चवळीच्या बियाण्यांचे वाटप करण्यात आले.
गेल्या पंधरवड्यापासून जिल्ह्यातील अनेक शेतकऱ्यांकडून सोयाबीनच्या उगवणीबाबत तक्रारी होत आहेत. त्यांना तातडीने मदत द्या, बियाणे बदलून द्या, अशी मागणी यावेळी या नेत्यांनी केली. यापुढेही शेतमालाला योग्य दरासह शेतीच्या विविध प्रश्नांवर स्वाभिमानी शेतकऱ्यांच्या मदतीसाठी भांडेल, असे संघटनेच्या पदाधिकाऱ्यांनी आश्वस्त केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.