देवळा तालुक्यात शिवरस्त्यांची दुरवस्था

नाशिक ः सतत पडणाऱ्या जोरदार पावसामुळे शिवनाल्याला पाणी आल्याने सदर नाल्यात पाण्याच्या प्रवाहाने सुमारे पाच फूट खोली निर्माण झाल्याने गेल्या आठवड्यापासून बंद असलेला भऊर-विठेवाडी जवळचा ४०० मीटरचा शिवरस्ता बंद झाला आहे. त्यामुळे येथील नागरिक व शेतकऱ्यांचे जनजीवन विस्कळित झाले असून  अडचणी येत आहे.  अखेर या परिसरातील शेतकऱ्यांनी स्वखर्चाने लोकवर्गणीतून दुरुस्ती करण्याचा निर्णय घेतला आहे. सदरचा शिवरस्ता हा अतिशय उपयुक्त असून विडेवाडी सावकी दरम्यान असलेल्या बिटिशकालीन बंधारा असून विठेवाडी येथील सार्वजनिक पाणीपुरवठा योजना या बंधाऱ्यालगत असून गावाला पाणीपुरवठा करण्यासाठी विद्युतपंप सुरू करण्यासाठी सुमारे दीड किलो मीटर पायी जावे लागते, या संदर्भात लोकप्रतिनिधींना निवेदन देण्यात आली आहेत.