agriculture news in marathi, district collecter says proposal sent for permanent rehabilitation, satara, maharashtra | Agrowon

साताऱ्यातील भूस्खलन बाधितांचा पुनर्वसन  प्रस्ताव शासनाकडे ः जिल्हाधिकारी श्वेता सिंघल
टीम अॅग्रोवन
रविवार, 25 ऑगस्ट 2019

सातारा  : अतिवृष्टी व भूस्खलनामुळे बाधित झालेल्या सातारा तालुक्‍यातील टोळेवाडी, मोरेवाडी, पाटण तालुक्‍यातील जिमनवाडी, म्हारवण, म्हसुगडेवाडीचा या गावांचा कायमस्वरूपी पुनर्वसन करण्याचा प्रस्ताव शासनास पाठविण्यात आला आहे. पूरग्रस्त गावांमध्ये बाधित झालेले रस्ते, शाळा, शासकीय इमारतींच्या दुरुस्तीसाठी जिल्हा नियोजन निधीतून १२ कोटी रुपयांची तरतूद केली जाईल. आपत्तीच्या काळात सर्व यंत्रणांनी समन्वय ठेवल्याने जिल्ह्यातील नागरिकांना कोणत्याही धोकादायक स्थितीत राहावे लागले नाही, अशी माहिती जिल्हाधिकारी श्वेता सिंघल यांनी दिली. 

सातारा  : अतिवृष्टी व भूस्खलनामुळे बाधित झालेल्या सातारा तालुक्‍यातील टोळेवाडी, मोरेवाडी, पाटण तालुक्‍यातील जिमनवाडी, म्हारवण, म्हसुगडेवाडीचा या गावांचा कायमस्वरूपी पुनर्वसन करण्याचा प्रस्ताव शासनास पाठविण्यात आला आहे. पूरग्रस्त गावांमध्ये बाधित झालेले रस्ते, शाळा, शासकीय इमारतींच्या दुरुस्तीसाठी जिल्हा नियोजन निधीतून १२ कोटी रुपयांची तरतूद केली जाईल. आपत्तीच्या काळात सर्व यंत्रणांनी समन्वय ठेवल्याने जिल्ह्यातील नागरिकांना कोणत्याही धोकादायक स्थितीत राहावे लागले नाही, अशी माहिती जिल्हाधिकारी श्वेता सिंघल यांनी दिली. 

सातारा येथे आयोजित पत्रकार परिषदेत जिल्हाधिकारी सिंघल बोलत होत्या. त्या म्हणाल्या, की २७ ते ८ ऑगस्ट या कालावधीत जिल्ह्यात ७०७ मिमी पावसाची नोंद झाली. अतिवृष्टीमुळे जिल्ह्यातील विविध गावांत घरांची पडझड, सार्वजनिक मालमत्तांचे नुकसान झाले आहे. पूरस्थितीमुळे ज्या कुटुंबांचे नुकसान झाले, अशा कुटुंबांना तत्काळ रोखीने पाच हजार रुपये देऊन उर्वरित रक्कम त्यांच्या बॅंक खात्यात जमा केली आहे.

जिल्ह्यातील विविध संस्था, व्यक्तींनी पूरग्रस्तांसाठी मदत केली आहे. त्यांच्याकडून मिळालेली मदत सातारा जिल्ह्यासह अन्य जिल्ह्यांनाही देण्यात आली. जिल्ह्यातील विविध संस्था, व्यक्तींच्या माध्यमातून ४७ लाख ७१ हजार ३०४ रुपये पूरग्रस्तांसाठी मुख्यमंत्री साहाय्यता निधीत जमा झाले आहेत, तसेच दोन हजार ३३८ कुटुंबांना तांदूळ, गहू, केरोसीन वाटप केले आहे. 

सातारा, जावळी, पाटण, महाबळेश्‍वर या तालुक्‍यांतील गावांमध्ये भूस्खलनाचे प्रकार घडले आहेत. परिणामी सातारा तालुक्‍यातील १५८, पाटण तालुक्‍यातील १०८, जावळी तालुक्‍यातील १७९ कुटुंबांचे तात्पुरते स्थलांतर केले. भूगर्भशास्त्रज्ञ संबंधित गावांचा अभ्यास करून प्रशासनास अहवाल देतील; परंतु काही गावांमध्ये धोकादायक परिस्थिती निर्माण झाल्याने तेथील कुटुंबांचे कायमस्वरूपी पुनर्वसन करण्याची आवश्‍यकता असल्याने शासनास संबंधित गावांचा प्रस्ताव पाठविलेला आहे, अशी माहिती जिल्हाधिकाऱ्यांनी दिली.

या वेळी अतिरिक्त जिल्हाधिकारी साहेबराव गायकवाड, आपत्ती व्यवस्थापन अधिकारी देविदास ताम्हाणे उपस्थित होते. 

इतर बातम्या
महाराष्ट्राप्रमाणे आम्हालाही विकसित...पुणे : महाराष्ट्रातील शेतकरी पीक उत्पादन...
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
कांदा खाणाऱ्यांचा विचार करता, मग...नाशिक : कांद्यातील भाववाढीला आळा घालण्यासाठी...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
चांद्रयान मोहिमेसाठी निधी देणार ः...आटपाडी ः भारतीय अवकाश संशोधन संस्थेला या पुढच्या...
द्राक्षपंढरीत गोड्या छाटण्यांना सुरवातनाशिक : चालू वर्षीच्या द्राक्ष हंगामाला सुरवात...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
युरियाशिवाय शेती विचार रुजला तरच...नागपूर ः सेंद्रिय शेतीचा विचार गेल्या अनेक...
...अखेर ऊसतोड कामगार महामंडळ स्थापनमुंबई ः गेल्या अनेक वर्षांपासून प्रलंबित असलेल्या...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
जलसमृद्धी बक्षीस योजनेतील चौथ्या आणि...पुणे : ॲग्रोवन जलसमृद्धी बक्षीस योजनेची सोडत...
नागपूर जिल्हा बॅंक घोटाळा निकाली...नागपूर ः नागपूर जिल्हा मध्यवर्ती बॅंकेतील...
शेतकरी कंपन्यांकडून हमीभावाने खरेदीची...पुणे : किमान हमीभाव खरेदीच्या कार्यक्रमात शेतकरी...
राज्यात उद्यापासून पावसाची शक्यतापुणे : राज्यात पावसासाठी पोषक हवामान होत असल्याने...