अमरावती येथे जिल्हा परिषद अधिकाऱ्यांना आता ड्रेसकोड

अमरावती येथे जिल्हा परिषद अधिकाऱ्यांना आता ड्रेसकोड
अमरावती येथे जिल्हा परिषद अधिकाऱ्यांना आता ड्रेसकोड

अमरावती ः जिल्हा परिषदेत आठवड्यातील दोन दिवस ड्रेसकोड लागू करण्यात आला आहे. सोमवार आणि शुक्रवारी अधिकारी, कर्मचाऱ्यांना ड्रेसकोड घालावा लागणार असून, सोमवार (ता.१७) पासून याची अंमलबजावणी होणार आहे.  जिल्हा परिषद कर्मचाऱ्यांना ड्रेसकोड असावा, या बाबत जिल्हा परिषदेचे अध्यक्ष बबलू देशमुख आग्रही आहेत. त्यांनी सातत्याने या संदर्भाने पाठपुरावा केला. त्यानंतर शिपाई आणि चालकांना गणवेश सक्‍ती करण्यात आली. सद्या चतुर्थश्रेणी कर्मचारी गणवेशातच कर्तव्य बजावतात. सोमवार (ता. १७) पासून अधिकारी ते कर्मचाऱ्यांपर्यंत साऱ्यांनाच ड्रेसकोड सक्‍ती करण्यात आली आहे. चतुर्थ श्रेणी कर्मचाऱ्यांना आठवडाभर असली तरी अधिकारी, कर्मचाऱ्यांना सोमवार आणि शुक्रवार असे दोनच दिवस ड्रेसकोड असणार आहे. याबाबत अधिकाऱ्यांना समन्वयक समिती सभेत सूचना देण्यात आल्या आहेत.  या निर्णयामुळे जिल्हा परिषदेचे अधिकारी व कर्मचारी पांढरा शर्ट व काळी पॅंट परिधान करून कार्यालयात येणार आहेत. ड्रेसकोडच्या माध्यमातून चांगला संदेश जाणार असल्याने कर्मचाऱ्यांनी देखील याबाबत सकारात्मकता दर्शविल्याची माहिती आहे. मुख्य कार्यकारी अधिकारी अमोल येडगे यांनी हा निर्णय घेतला आहे. साडी किंवा ड्रेस पुरुष अधिकारी, कर्मचाऱ्यांना पांढरा शर्ट व काळी पॅंट असा गणवेश राहणार आहे. महिला अधिकारी, कर्मचाऱ्यांना मात्र साडी किंवा ड्रेस यापैकी काहीही परिधान करता येणार असून, रंग ठरविण्याची मुभा देण्यात आली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com