सोलापूरात ‘कोरोना’बाबत माहितीसाठी नियंत्रण कक्ष

सोलापूर : ‘कोरोना’ विषाणूच्या प्रतिबंधासाठी जिल्हा स्तरावर नियंत्रण कक्ष स्थापन करण्यात आला असून, हा नियंत्रण कक्ष चोवीस तास सुरू राहणार आहे. संजय गांधी योजनेचे तहसीलदार किरण जमदाडे (९८५०७६२०३४) यांच्या पर्यवेक्षणाखाली या कक्षाचे कामकाज २४x७ सुरू राहणार आहे. जिल्हाधिकारी मिलिंद शंभरकर यांनी याबाबतचे आदेश जारी केले.

सोलापूर जिल्हा आणि शहर परिसरात ‘कोरोना’ विषाणू संसर्ग याबाबत नागरिकांना काही अडचणी अथवा तक्रार नोंदविण्याची असेल, तर या नियंत्रण कक्षाकडे संपर्क साधावा, असे आवाहन जिल्हा प्रशासनातर्फे करण्यात आले आहे. नियंत्रण कक्षाचा दूरध्वनी क्रमांक ०२१७-२७३१०१२ असा आहे.

या कक्षात सहा कर्मचाऱ्यांची नियुक्ती करण्यात आली असून तीन कर्मचारी राखीव ठेवण्यात आले आहेत. या कर्मचाऱ्यांनी आपले मोबाईल फोन बंद ठेवू नये, वेळेपूर्वी कामावर उपस्थित रहावे, असेही या आदेशात नमूद केले आहे. 

कर्मचारी आणि त्यांचा दूरध्वनी क्रमांक नियंत्रण कक्षातील कर्मचारी सकाळी सहा ते दुपारी दोन, दुपारी दोन ते रात्री दहा आणि पुन्हा रात्री दहा ते सकाळी सहा अशी तीन पाळीत हा नियंत्रण कक्ष सुरू राहील. या कक्षात ए. एम. शेख, वरिष्ठ लिपिक, (८८५५८३२८५४), आर. के. गुरव, वरिष्ठ सहायक (९८२२२०९२९३) पी. एस. बिराजदार, वरिष्ठ सहायक ( ९८९०६११६५६), एस. बी. पौळ, वरिष्ठ सहायक (९९६००९४३८९), डी. व्ही. राठोड, वरिष्ठ सहायक ( ९२८४२६३१३३) पी. के. देवळे, कनिष्ठ सहायक (८८८८४३०१२०) हे सहा कर्मचारी असतील. त्याशिवाय राजीव गाडेकर, कनिष्ठ लिपिक (९४२१०६०९४३), वि. या. आखाडे, कनिष्ठ लिपिक (९७६३९७५०३०) आणि  व्ही. सी. शेंडगे, कनिष्ठ लिपिक (८६२५९३१७१४) हे तीन राखीव कर्मचारीही या कक्षासाठी ठेवण्यात आले आहेत.