नगर जिल्ह्यामध्ये २४१ वैयक्तिक पाणी योजना बंद 

नगर जिल्ह्यामध्ये २४१ वैयक्तिक पाणी योजना बंद 
नगर जिल्ह्यामध्ये २४१ वैयक्तिक पाणी योजना बंद 

नगर ः वीस दिवस सतत पाऊस पडल्याने पाणीपातळी वाढली. काही भागांतून तर ओल्या दुष्काळाची मागणी झाली असली, तरी नगर जिल्ह्यामध्ये अजूनही स्रोताला पाणी आले नसल्याने जिल्ह्यामधील सात तालुक्यांत तब्बल २४१ वैयक्तिक पाणी योजना बंद आहेत. नगर जिल्ह्यामधील काही भागांत पुरेसा पाऊस नसल्याचे यावरून स्पष्ट होत आहे. 

नगर जिल्ह्यामध्ये चौदा तालुक्यांत गाव पातळीवर पाणीपुरवठा करण्यासाठी १४२६ वैयक्तिक पाणीपुरवठा योजना आहेत. गेल्यावर्षी पुरेसा पाऊस पडला नसल्याने दुष्काळ पडला. पाणी पातळी वाढीला मदत झाली नाही. त्यामुळे जलस्रोत कोरडे पडल्याने वैयक्तिक पाणी योजना बंद पडल्या होत्या. बंद योजनांचा आकडा थेट साडेसातशेवर गेला होता. यंदाच्या पावसाळ्यातही फारसा त्यात फरक पडला नाही. बहुतांश भागात जोरदार पाऊस झाला नसल्याने अगदी सप्टेंबरपर्यंत सुमारे साडेचारशे योजना बंद होत्या. मात्र, आक्टोबर महिन्यात परतीचा जोरदार पाऊस झाला. 

वीस दिवस सतत पाऊस पडत असल्याने शेतपिकांचे मोठ्या प्रमाणात नुकसान झाले. नद्या, तलाव, विहिरींना पाणी आले. चार दिवसांपासून पाऊस बंद झालेला असला तरी अजूनही अनेक ठिकाणी शेतात पाणी साचलेले आहे. ही भागातून तर ओला दुष्काळ जाहीर करावा, अशी मागणी केली जात आहे. मात्र, अजूनही काही भागांत जोरदार पाऊस नसल्याची बाब स्पष्ट झाली आहे. 

गाव पातळीवर पाणीपुरवठा करणाऱ्या वैयक्तिक योजनांपैकी बंद योजना चांगल्या पावसामुळे बऱ्याच ठिकाणी चालू झाल्या असल्या तरी सध्या बंद असलेल्या २९४ योजनांपैकी सात तालुक्यांत अजूनही तब्बल २४१ योजना केवळ उद्भवास पाणी नसल्याने बंद असल्याचे जिल्हा परिषदेच्या पाणी व स्वच्छता विभागातून सांगण्यात आले. त्यामुळे गेल्या महिनाभरापासून जोरदार पाऊस पडूनही काही भागांत मात्र पाणीटंचाई कायम असल्याचे दिसत आहे. दुष्काळाच्या झळा सोसलेल्या पाथर्डी, कर्जत, नगर, पारनेर तालुक्यांतील योजनाच पाणी नसल्याने बंद आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com