Agriculture news in Marathi Diwali bonus gift to government employees | Agrowon

केंद्राकडून सरकारी कर्मचाऱ्यांना ‘बोनस’ची दिवाळी भेट

सकाळ न्यूज नेटवर्क
गुरुवार, 22 ऑक्टोबर 2020

कोरोनासंकटामुळे महागाई भत्ता गोठविल्याने कोंडी झालेल्या सरकारी कर्मचाऱ्यांना केंद्र सरकारने बोनसची दिवाळी भेट जाहीर केली आहे. ३० लाखाहून अधिक सरकारी कर्मचाऱ्यांना दसऱ्यापूर्वी बोनसची रक्कम मिळेल.

नवी दिल्ली : कोरोनासंकटामुळे महागाई भत्ता गोठविल्याने कोंडी झालेल्या सरकारी कर्मचाऱ्यांना केंद्र सरकारने बोनसची दिवाळी भेट जाहीर केली आहे. ३० लाखाहून अधिक सरकारी कर्मचाऱ्यांना दसऱ्यापूर्वी बोनसची रक्कम मिळेल.

पंतप्रधान नरेंद्र मोदींच्या अध्यक्षतेखाली केंद्रीय मंत्रिमंडळ बैठकीमध्ये बुधवारी (ता.२१) केंद्रीय कर्मचाऱ्यांना बोनस देण्याच्या निर्णयावर शिक्कामोर्तब झाले. यानंतर माहिती व प्रसारणमंत्री प्रकाश जावडेकर यांनी पत्रकार परिषदेत या निर्णयाची माहिती दिली. यानुसार रेल्वे, टपाल, संरक्षण उत्पादन, भविष्य निर्वाह निधी, कर्मचारी विमा योजना यासारख्या व्यावसायिक आस्थापनांच्या १६.९७ लाख अराजपत्रित कर्मचाऱ्यांना उत्पादकतेशी निगडित बोनस मिळणार आहे. यासाठी सरकारी तिजोरीवर २७९१ कोटी रुपयांचा भार पडेल. त्याचप्रमाणे अॅडहॉक बोनस देखील अराजपत्रित कर्मचाऱ्यांना मिळणार असून याचा फायदा १३.७० लाख कर्मचाऱ्यांना मिळेल. त्यासाठी ९४६ कोटी रुपये खर्च होतील.

अशा प्रकारे एकूण ३०.६७ लाख कर्मचाऱ्यांना ३७३७ कोटी रुपये बोनस मिळणार असून दसरा आणि दुर्गापुजेआधी बोनसच्या रकमेचे वितरण केले जाईल, असे मंत्री प्रकाश जावडेकर यांनी स्पष्ट केले.  दरम्यान, मागील आठवड्यात (१६ आक्टोबर) जम्मू काश्मीरमध्ये त्रिस्तरीय पंचायत व्यवस्था (ग्राम पंचायत, पंचायत समिती आणि जिल्हा परिषद) लागू करण्याचा निर्णय सरकारने घेतला होता. या निर्णयावर केंद्रीय मंत्रिमंडळ बैठकीत शिक्कामोर्तब करण्यात आले. त्यामुळे जिल्हा विकास परिषदेच्या (जिल्हा परिषद) थेट निवडणुका होतील आणि लोकप्रतिनिधींच्या हातात सत्ता पोहचेल, असे मंत्री जावडेकर म्हणाले. देशभरात सर्वत्र लागू असलेले जनकल्याणाचे कायदे ३७० कलम हटविल्यानंतर जम्मू काश्मीरमध्येही लागू होणे सुरू झाले असल्याचेही मंत्री जावडेकर यांनी सांगितले.

सफरचंद खरेदीला मंजुरी
जम्मू-काश्मीरमध्ये बाजार हस्तक्षेप योजनेंतर्गत सफरचंद खरेदीलाही मंजुरी देण्यात आली. याअंतर्गत १२ लाख टन सफरचंद खरेदी केली जाईल आणि उत्पादकांना थेट हस्तांतरण योजनेद्वारे (डीबीटी) मोबदला चुकता केला जाईल. नाफेडद्वारे ही खरेदी केली जाणार असून त्यासाठी नाफेडला २५०० कोटी सरकारी हमीचा वापर करण्यासाठी केंद्राने होकार दर्शविला आहे.


इतर ताज्या घडामोडी
खानदेशात यात्रांअभावी अनेकांवर...सोनगीर, जि. धुळे  : खानदेशात पावसाळा वगळता...
नाशिक जिल्ह्यात रब्बीच्या पेरणीसाठी...गिरणारे, जि. नाशिक : खरीप हंगामातील भात, भुईमूग,...
खांबाळे, पडवणे येथील आंबा, काजूची ६००...सिंधुदुर्ग ः जिल्ह्यातील खांबाळे (ता....
बोडखा येथे ‘स्वाभिमानी’चे झाडावर...बुलडाणा : केंद्र सरकारने पारित केलेले शेतकरी...
औरंगाबादमध्ये केंद्राच्या कृषी...औरंगाबाद : केंद्र सरकारने पारित केलेले तीन कृषी...
खानदेशात सव्वा लाख हेक्टरवर पेरणीजळगाव : खानदेशात मक्याची लागवड सुरूच आहे. रब्बी...
परभणी जिल्ह्यात कापूस विक्रीच्या...परभणी : ‘‘राज्य सहकारी कापूस उत्पादक पणन...
नाशिक विभागात रोज एक लाख टन उसाचे गाळपनगर  ः नाशिक विभागातील ३२ पैकी २५ साखऱ...
औरंगाबाद, नगर जिल्ह्यात कापसाची ३४ हजार...औरंगाबाद : राज्य कापूस उत्पादक पणन महासंघाच्या...
कृषी कायद्यांविरोधात साताऱ्यात धरणेसातारा : शेतकरी विरोधी कायदे मागे घेण्यासाठी...
जालना जिल्ह्यात दहा हजार क्‍विंटलवर...जालना : ‘‘जिल्ह्यात मक्याची किमान आधारभूत...
महिनाभर जमीन आरोग्य सुधार अभियानऔरंगाबाद : जमिनीच्या सुपीकतेवर भर देण्याची गरज...
गहू, ज्वारी पिकांवरील खोडमाशीचे...बहुतांश ठिकाणी गहू व ज्वारी पिकाची पेरणी झाली आहे...
पिकाच्या संवेदनशील अवस्थेनुसार पाणी...रब्बी हंगामामध्ये घेतल्या जाणाऱ्या पिकांसाठी...
राज्यात लसूण ५००० ते १३००० रुपयेनाशिकमध्ये ६२०० ते ११५०० रुपये  नाशिक :...
उत्तम भाजीपाला उत्पादनासाठी पोषक हवामानवाटाणा वाटाणा हे थंड हवामानातील पीक असून या...
बहिरम यात्रा अखेर रद्दअमरावती : लाखो भाविकांचे कुलदैवत आणि विदर्भात...
महाद्वार काल्याने कार्तिकी यात्रेची...सोलापूर : कोरोनाच्या पार्श्वभूमीवर पंढरपुरात...
विधान परिषदेच्या सहा जागांचा आज निकालमुंबई : महाराष्ट्र विधान परिषदेच्या तीन पदवीधर,...
सरसकट पीकविम्यासाठी महाजनआंदोलन उभारणारनांदेड : खरिपातील पिकांचा सरसकट विमा...