Agriculture news in Marathi, Diwali Issue publication of Agrowon releases | Page 2 ||| Agrowon

‘ॲग्रोवन’च्या दिवाळी अंकाचे थाटात प्रकाशन

टीम अॅग्रोवन
शनिवार, 19 ऑक्टोबर 2019

सोलापूर : ‘सकाळ ॲग्रोवन’च्या यंदाच्या दिवाळी अंकाचे प्रकाशन शुक्रवारी (ता. १८) विरवडे बुद्रुक (ता. मोहोळ) येथील प्रयोगशील शेतकरी सचिन भोसले यांच्या द्राक्षाच्या मळ्यात मोठ्या दिमाखात झाले. 

सोलापूर : ‘सकाळ ॲग्रोवन’च्या यंदाच्या दिवाळी अंकाचे प्रकाशन शुक्रवारी (ता. १८) विरवडे बुद्रुक (ता. मोहोळ) येथील प्रयोगशील शेतकरी सचिन भोसले यांच्या द्राक्षाच्या मळ्यात मोठ्या दिमाखात झाले. 

‘सकाळ’चे मुख्य संपादक-संचालक श्रीराम पवार, ‘ॲग्रोवन’चे संपादक आदिनाथ चव्हाण, ‘सकाळ’चे मुख्य कार्यपालन अधिकारी महेंद्र पिसाळ, सोलापूर ‘सकाळ’चे सहयोगी संपादक अभय दिवाणजी, वितरण विभागाचे व्यवस्थापक दिनेश शेट्टी, पु. ना. गाडगीळ आणि सन्सचे आनंद दंतकाळे, ‘ॲग्रोवन’चे मुख्य वितरण व्यवस्थापक चंद्रशेखर जोशी, ‘ॲग्रोवन’चे उपवृत्तसंपादक रमेश जाधव आदी उपस्थित होते. यंदाच्या दिवाळी अंकाचे प्रेझेंटिंग स्पॉन्सर पु. ना. गाडगीळ आणि सन्स आहेत. 

श्री. पवार म्हणाले, ‘‘शेतकऱ्यांच्या बाजूने लिहणं, बोलणं, त्यांचे प्रश्न मांडण्याचं काम ॲग्रोवन नित्य करतं. पण, सरकारी धोरणावर, निर्णयावर शेतकऱ्यांच्या बाजूने हस्तक्षेपही ॲग्रोवन करतं. जेजे उत्तम, उदात्त ते देताना सकारात्मक ऊर्जाही शेतकऱ्यांना दिली जाते. ‘ॲग्रोवन’मधील यशकथेतले शेतकरी त्या दिवासाचे सेलिब्रिटीज होतात, असा अनुभव आहे. दिवाळी अंक या सगळ्यातला महत्त्वाचा भाग आहे, जो नवीन माहिती आणि संशोधनात्मक आशय देतो.’’

श्री. चव्हाण म्हणाले, ‘‘शेतीमध्ये नवनवीन तंत्रज्ञान येत आहे. सरकारी धोरणे, कायद्यात बदल होत आहेत. मॉडेल ॲक्ट, नियमनमुक्ती यासारख्या कायद्यात बदल झाले. पण, अंमलबजावणी पुरेशी नाही. आज शेतीत पिकवण्यपेक्षा विकायचं कसं हा मोठा प्रश्न आहे. यंदाचा दिवाळी अंक याच विषयाला केंद्रीभूत ठरवून करण्यात आला आहे. बाजारांच्या अनुषंगाने शेतकऱ्यांना नक्कीच त्यातून दिशा मिळेल.’’

शेतकरी सचिन भोसले म्हणाले, ‘‘ॲग्रोवन’ आमचा खऱ्या अर्थाने गुरू आहे. उत्पादन असेल किंवा द्राक्षासह अन्य बाजारातील नवीन बदल, धोरणे याची माहिती ॲग्रोवन आमच्यापर्यंत पोचवते. ‘ॲग्रोवन’मुळेच आम्हाला शेतीसाठी दिशा मिळाली.’’

 सूत्रसंचालन ‘ॲग्रोवन’चे बातमीदार सुदर्शन सुतार यांनी केले. ‘सकाळ’चे सहयोगी संपादक अभय दिवाणजी यांनी आभार मानले.

प्रगतशील, तरुण शेतकऱ्याच्या मळ्यात प्रकाशन
विरवडे बुद्रुक येथील सचिन भोसले हे प्रयोगशील, उच्चशिक्षित तरुण शेतकरी आहेत. सुमारे ७० एकर क्षेत्रावर त्यांच्याकडे द्राक्ष बाग आहे. वर्षाकाठी एक हजार टन द्राक्ष ते उत्पादित करतात, त्यापैकी १५० टन ते बेदाणा उत्पादित करतात. याच बेदाण्याचे महाफ्रुट या नावाने त्यांनी ब्रँड तयार केला आहे. देशभरातील शंभर मॉलमध्ये हा बेदाणा विक्री होतो आहे. शिवाय, ॲमेझॉन आणि फ्लिपकार्टसारख्या ऑनलाइन साइड्सवरही त्याची विक्री होते, यंदाचा दिवाळी अंक सचिन भोसले यांच्यासह प्रयोगशील १६ शेतकऱ्यांच्या यशकथा आणि अन्य पूरक विषयांनी सजला आहे. त्यामुळे थेट द्राक्षमळ्यात हा सोहळा पार पडला.

ग्रामीण अर्थव्यवस्था आणि संस्कृती ही भारतीयांच्या जीवनाचा गाभा आहे. आमची संस्थाही ग्रामीण संस्कृतीशी जोडलेली आहे. त्यामुळेच आम्ही ‘ॲग्रोवन’सारख्या ग्रामीण क्षेत्राशी नाते असलेल्या माध्यमाशी गेल्या तीन वर्षांपासून जोडलो आहोत.
- अमित मोडक, संचालक-सीईओ, पु. ना. गाडगीळ आणि सन्स लि.
 


इतर अॅग्रो विशेष
एक लाख शेतकऱ्यांची तूर विक्रीसाठी...अकोला ः राज्यात या हंगामात उत्पादित तूर खरेदीला...
कापूस उत्पादकतावाढीसाठी ‘सीआयसीआर’चा ॲ...नागपूर ः जगाच्या तुलनेत भारताची आणि त्यातही...
सांगली जिल्ह्यातील द्राक्ष हंगामास उशीरसांगली ः जिल्ह्यात अगदी क्वचितच आगाप छाटणी...
आजरा घनसाळसह तूरडाळ, घेवडा मिळणार...कोल्हापूर : पारंपरिक विक्री व्यवस्थेच्या पलीकडे...
थंडीत चढ-उतार सुरुच पुणे ः हिमालय आणि पश्चिम बंगालच्या परिसरात कमी...
खांबापासून ३० मीटरच्या आतील कृषिपंपांना...पुणे ः राज्यातील शेतकऱ्यांना कृषिपंपांसाठी...
गव्यांच्या कळपाकडून केळी बागांचे नुकसानसिंधुदुर्गनगरी ः जिल्ह्यातील विलवडे मळावाडी (ता....
भाजीपाला, कणगर, दुधातून उंचावले...सिंधुदुर्ग जिल्ह्यातील वेतोरे (ता.वेंगुर्ला)...
केंद्र सरकारकडून कृषी कायदांना...नवी दिल्ली ः दिल्लीच्या सीमांवर कृषी...
ग्रामसभांना ३१ मार्चपर्यंत परवानगी...अकोला : राज्यातील ग्रामपंचायतींमध्ये कोविड-१९च्या...
राज्यात साडेचार लाख क्‍विंटल मका...औरंगाबाद : बंद पडलेली मका खरेदी जवळपास एका...
शेतकऱ्यांच्या भूमिकेवर न्यायालयाची...नवी दिल्ली ः कृषी कायद्यांवरून निर्माण झालेल्या...
तूर खरेदीसाठी जिल्हानिहाय उत्पादकता...परभणी ः केंद्र शासनाच्या किमान आधारभूत किंमत...
कांदा निर्यातदारांसाठी आता ‘ओनियन नेट’ नागपूर : कांदा उत्पादनाच्या बाबतीत जागतीक स्तरावर...
खानदेशात गारठा वाढला पुणे ः उत्तर भारतातील काही राज्यात थंडीची लाट आली...
पावसाच्या पाण्यावर फुलवलेली दर्जेदार...निमगाव घाणा (ता. जि. नगर) येथील रामदास रघुनाथ...
पोतेकरांची देशी केळी वर्षभर खातेय भावसातारा जिल्ह्यातील शेंद्रे (ता. जि. सातारा) येथील...
अजून एक ‘बारामती पॅटर्न’कार्यालय आम्हाला घरच्यासारखे वागवते, कर्मचारी...
‘तारीख पे तारीख’ किती दिवस?देशाचे पंतप्रधान दमदार भाषणात जनतेला आश्‍वासन...
आधुनिक गुऱ्हाळाद्वारे केवळ चार गुंठ्यात...कोल्हापूर शहरापासून काही किलोमीटरवरील कणेरी...