Agriculture news in Marathi Diwali payment with balance sheet in mind: President Taware | Agrowon

बॅलन्सशीट डोळ्यांसमोर ठेवून दिवाळी पेमेंट ः अध्यक्ष तावरे

टीम अॅग्रोवन
मंगळवार, 27 ऑक्टोबर 2020

बॅलन्सशीट डोळ्यांसमोर ठेवून सभासद व कामगारांना दिवाळीसाठी समाधानकारक पमेंट केले जाईल. अर्थात तो आकडा बुधवारी (ता. २८) संचालक मंडळाच्या बैठकीत जाहीर केला जाईल, असा विश्वास अध्यक्ष बाळासाहेब तावरे यांनी व्यक्त केला.

माळेगाव, जि. पुणे ः माळेगाव कारखाना प्रशासनाने उत्तम व्यवस्थापनाच्या जोरावर यंदाच्या ऊस गळीत हंगामात प्रतिदिनी आठ हजार टनापर्यंत ऊस गाळप करून वीज, डिस्टिलरीसारख्ये प्रकल्प पूर्ण क्षमतेने चालविण्याचा प्रयत्न राहणार आहे. चालू हंगामात साखरेचे होणारे विक्रमी उत्पादन, त्यात गतवर्षीची साखर शिल्लक साठा. शिवाय विस्तारीकरण झालेल्या कारखान्यातील अनेक त्रुटी भरून काढण्यासाठी झालेला मोठा खर्च. ही प्रतिकूल स्थिती विचारात घेता बॅलन्सशीट डोळ्यांसमोर ठेवून सभासद व कामगारांना दिवाळीसाठी समाधानकारक पमेंट केले जाईल. अर्थात तो आकडा बुधवारी (ता. २८) संचालक मंडळाच्या बैठकीत जाहीर केला जाईल, असा विश्वास अध्यक्ष बाळासाहेब तावरे यांनी व्यक्त केला.

माळेगाव सहकारी साखर कारखान्याचा ६४ व्या ऊस गळीत हंगामाचा प्रारंभ रविवारी (ता. २५) उपाध्यक्ष तानाजी कोकरे व सुनंदा कोकरे या दांपत्यांच्या हस्ते झाला. याप्रसंगी अध्यक्ष बाळासाहेब तावरे बोलत होते.

श्री. तावरे म्हणाले, की संचालक मंडळाने प्रतिदिनी आठ हजार टन गाळप उरकण्यासाठी १० हजार टनांची ऊसतोडणी यंत्रणा भरली आहे. या प्रक्रियेत सभासदांच्या उसालाच अधिकचे प्राधान्य देले जाणार आहे. उत्तम माळेगावने यंदा १२ लाख टन गाळपाचे उद्दिष्ट ठेवले आहे. इंद्रसेन आटोळे, रामभाऊ तावरे या सभासदांनी दिवाळीसाठी प्रतिटन तीनशे रुपये जाहीर करावेत, असे आवाहन केले. तसेच सुरेश देवकाते यांनी बोनस देताना संचालक मंडळाने हात आकडता घेऊ नये, अशी मागणी केली.

यावेळी संचालक मदनराव देवकाते, अनिल तावरे, सुरेश खलाटे, राजेंद्र ढवाण, तानाजी देवकाते, प्रताप आटोळे, बन्सीलाल आटोळे, स्वप्नील जगताप, अलका पोंदकुले, सागर जाधव, संजय काटे, मंगेश जगताप, वसंत गावडे, विजय वाबळे, रवींद्र थोरात उपस्थित होते.

माळेगावची सर्वाधिक ऊस दर देण्याची परंपरा कायम ठेवण्यासाठी संचालक मंडळ प्रयत्नांची पराकष्ठा करेल. अर्थात त्याकामी माजी केंद्रीय कृषिमंत्री शरद पवार, उपमुख्यमंत्री अजित पवार यांचे सहकार्यही मोलाचे ठरणार आहे.
- बाळासाहेब तावरे, अध्यक्ष, माळेगाव साखर कारखाना


इतर बातम्या
एफआरपीप्रश्नी सोलापूर जिल्ह्यातील बैठक...सोलापूर : जिल्ह्यातील साखर कारखान्यांनी अद्यापही...
नांदेड जिल्ह्यात ढगाळ वातावरणाचा...नांदेड : खरिपातील नुकसानीनंतर शेतकऱ्यांनी...
शहीद नितीन भालेराव अनंतात विलीननाशिक : भारतीय निमलष्कराच्या केंद्रीय राखीव पोलिस...
डाळिंब, आंब्याच्या विम्यासाठी ३१...नाशिक : ‘‘राज्य शासनाच्या पुनर्रचित हवामान आधारित...
परभणी, पाथरी, गंगाखेडमधील कापसाची...परभणी : ‘‘राज्य सहकारी कापूस उत्पादक पणन...
परभणीतील अपात्र शेतकऱ्यांकडून ‘शेतकरी...परभणी : पंतप्रधान किसान सन्मान निधी (पीएम- किसान...
खानदेशात रब्बीसाठी आवर्तनांची प्रतीक्षाजळगाव : खानदेशात सर्वच प्रकल्पांमधील जलसाठे मुबलक...
औरंगाबाद, बीड जिल्ह्यात विशेष पथके...औरंगाबाद : औरंगाबाद व बीड जिल्ह्यात बिबट्याच्या...
जळगाव जिल्हा परिषदेत रिक्त पदांमुळे...जळगाव : ग्रामविकासाचा केंद्रबिंदू असलेल्या जिल्हा...
अंबड तालुक्यात चार ठिकाणी कापूस खरेदी...अंबड, जि. जालना : तालुक्यात चार ठिकाणी कापूस...
पपई उत्पादकांना खर्चही निघेनाअकोला : पारंपरिक पिकांची चाकोरी सोडत शेतकरी...
मराठवाड्यात तुरीवरच शेतकऱ्यांचे आर्थिक...औरंगाबाद : यंदा अतिपावसाने उडीद, सोयाबीनचे अतोनात...
खडकपूर्णा धरणाचे आवर्तन अखेर सुरूबुलडाणा : देऊळगावराजा तालुक्यातील शेतकऱ्यांना...
...तर महावितरणचे कार्यालय जाळणार :  आ....अमरावती :  वरुड, मोर्शी तालुक्यांत...
मक्यावर अमेरिकन लष्करी अळीनगर  : नगर तालुक्यातील पिंपळगाव वाघा परिसरात...
पुण्यात भात काढणी अंतिम टप्प्यातपुणे  : दिवाळी सणामुळे भात पट्यात अनेक...
टेंभूचे आवर्तन सुरू करण्याची मागणीकडेगाव, जि. सांगली  : रब्बी हंगामासाठी टेंभू...
केंद्राचा चर्चेचा प्रस्ताव नाकारला;...नवी दिल्ली (वृत्तसंस्था) : केंद्र सरकारच्या वतीने...
सांगलीत एफआरपीची प्रतीक्षासांगली : जिल्ह्यातील साखर कारखानदारांनी ऊस...
शेतकऱ्यांच्या अनुदानाबाबत ठाकरे सरकार...नांदेड : निवडणुकीच्या तोंडावर उद्धव ठाकरे यांनी...