शेतकऱ्यांची खत विक्री दरात फसवणूक करू नका

बुलडाणा ः या खरीप हंगामात शेतकऱ्यांना रास्त भावाने खते मिळावीत. त्यांची फसवणूक होऊ नये, यासाठी खतांच्या प्रति बॅग किमती जाहीर करण्यात आल्या आहेत. याच किमतीला शेतकऱ्यांना खत विक्री करावी. कुठलाही गैरप्रकार आढळल्यास नजीकच्या तालुका कृषी अधिकारी किंवा पंचायत समिती कृषी अधिकारी यांना माहिती द्यावी, असे आवाहन जिल्हा परिषद कृषी विभागाच्या वतीने करण्यात आले आहे.

जिल्ह्यात शेतकऱ्यांची खरीप हंगामासाठी तयारी पूर्ण होत आली आहे. मशागतीची कामेही वेगाने सुरू असून अंतिम टप्यात पोचली आहेत. यावर्षी खरीप हंगामात शेतकऱ्यांना रास्त भावाने खते मिळावीत, त्यांची फसवणूक होऊ नये, यासाठी खतांच्या प्रति बॅग किमती जाहीर करण्यात आल्या आहेत. याच किमतीला शेतकऱ्यांना खत विक्री करावी. कुठल्याही प्रकारचा गैरप्रकार आढळून आल्यास संबंधिताविरुद्ध कठोर कारवाई करण्याचा इशारा प्रशासनाने दिला आहे. प्रशासनाने शेतकऱ्यांसाठी बुलडाणा जिल्ह्यात कंपनीनिहाय दर जाहीर केले आहेत.