नाशिक : सटाणा तालुक्यातील नामपूर येथे जिल्हा सहकारी बँकेची गेल्या ३५ वर्षांपासून मार्केट यार्ड शाखा कार्यरत आहे. कृषी उत्पन्न बाजार समितीच्या आवारात शाखा असल्याने परिसरातील खातेदारांना आर्थिक व्यवहार करण्यासाठी सोयीस्कर आहे. ही शाखा ताहाराबाद ते मालेगाव रस्त्यालगत असल्याने ग्रामीण भागातून सोयीस्कर व्यवहार होत असतात. त्याचबरोबर बाजार समितीतील हमाल मापारी यांचे व्यवहारही याच शाखेतून होत असल्याने जिल्हा बँकेची नामपूर शाखा बंद करू नका, अशी मागणी रयत क्रांती संघटनेने बँकेचे मुख्य कार्यकारी अधिकाऱ्यांना पत्रद्वारे केली आहे.
जिल्हा बँकेच्या या शाखेत कृषी उत्पन्न बाजार समितीच्या ४० लाखांच्या ठेवी यासह २०० माथाडी कामगारांचे २०० खाते, तर वेअर हाउस खाते आहेत. या शाखेशी संलग्न विविध कार्यकारी सोसायटी ९ संस्था, बिगर शेती पतसंस्था ५ तर मजूर संस्था ९ आहेत. शाखेत १४ गावातील शेतकऱ्यांचे सर्व प्रकारचे अनुदान व विम्याची रक्कम या शाखेत येत असते. दैनंदिन बाजार समितीत येणाऱ्या शेतकऱ्याचे व्यवहार ह्याच शाखेत होत असतो. नामपूरमधील झेंडा चौक शाखेची जागा ही कमी आहे. त्या शाखेचा विस्तार अधिच मोठा आहे. त्यामुळे व वाहन पार्किंगची व्यवस्था त्या ठिकाणी येणाऱ्या वाहनांसाठी पुरेशी नाही. त्यामुळे मार्केट यार्ड शाखा या शाखेत विलीन करू नये,
ज्या ठिकाणी शाखा कार्यरत तेथे कामकाज नियमित करावे. त्याच ठिकाणी असू द्यावी. हि मोसम खोऱ्यातील शेतकऱ्यांची मागणी आहे. तिचा विचार करावा, नाहीतर रस्त्यावर उतरून अंदोलन करावे लागेल, असा इशारा संघटनेचे उत्तर-महाराष्ट्र प्रमुख दीपक पगार यांनी दिला.
‘नाबार्ड’च्या मार्गदर्शक सूचनांनुसार कार्यवाही
ज्या शाखा सलग तीन वर्षे तोट्यात आहेत. तसेच नजीकच्या शाखेपासून आठ किलोमीटर अंतराच्या आत आहेत. अशा शाखा बंद कराव्यात, अशा नाबार्डच्या मार्गदर्शक सूचना आहेत. त्यामुळे या मुद्द्यावर लक्ष केंद्रित केले आहे. बँकेचा तोटा वाढत चालल्याने बँकेच्या ऑडिटमध्ये ही बाब समोर आली. त्यामुळे शाखा चालू ठेवण्यासाठी येणाऱ्या खर्चात कपात करण्यासाठी ही शाखा बंद करण्याचा निर्णय संचालक मंडळाने घेतला होता. त्यानुसार ही कार्यवाही सुरू असल्याचे बँकेच्या अधिकृत सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.