‘सीना-माढा'मध्ये न भिजणाऱ्या क्षेत्राच्या सर्वेक्षणाची मागणी

‘सीना-माढा'मध्ये न भिजणाऱ्या क्षेत्राच्या सर्वेक्षणाची मागणी
‘सीना-माढा'मध्ये न भिजणाऱ्या क्षेत्राच्या सर्वेक्षणाची मागणी

सोलापूर : सीना-माढा सिंचन योजनेअंतर्गत माढा आणि उपळाई बुद्रुक भागातील न भिजणारे क्षेत्र सिंचन लाभक्षेत्रात आणण्यासाठी या भागाचे सर्वेक्षण करण्यात यावे, तातडीने प्रस्ताव पाठविण्यात यावा, अशी सूचना कृष्णा खोरे विकास महामंडळाचे मुख्य अभियंता व्ही. जी. रजपूत यांनी लाभक्षेत्र विकास प्राधिकरणाचे अधीक्षक अभियंता धीरज साळे यांना दिली, अशी माहिती माहिती आमदार बबनराव शिंदे यांनी दिली. 

सीना-माढा सिंचन योजनेच्या माढा, उपळाई बुद्रुक, रोपळे, वडाचीवाडी या परिसरातील गावांमध्ये बंद पाइपलाइन प्रणालीद्वारे (पीडीएन) लाभक्षेत्राला पाणीपुरवठा करण्यासाठी युद्ध पातळीवर काम सुरू आहे. या ठिकाणी डाव्या बाजूच्या लाभक्षेत्रातील शेतकऱ्यांना पाणी मिळते. परंतु उजव्या बाजूच्या शेतकऱ्यांना पाणी मिळत नसल्याने हे क्षेत्र पाण्यापासून वंचित राहत आहे. उजव्या बाजूच्या लाभक्षेत्रातील शेतकऱ्यांच्या शेतापर्यंत ग्रॅव्हिटीने (नैसर्गिक उताराने) पाणी पोचेल, तिथपर्यंतचे क्षेत्र ओलिताखाली आणण्यासाठी त्या भागाचा तातडीने सर्व्हे करावा, अशी मागणी शिंदे यांनी राज्याच्या जलसंपदा विभागाकडे केली होती. त्यानुसार रजपूत यांनी संबंधित अधिकाऱ्यांना सूचना दिल्या.

त्याचा प्रस्ताव सादर होताच त्यास तातडीने मंजुरी देण्यात येईल, असे मुख्य अभियंत्यांनी मान्य केले असल्याचे आमदार शिंदे यांनी सांगितले. या परिसरातील पाझर तलावामध्ये ग्रॅव्हिटीने (नैसर्गिक उताराने) पाणी जाते, त्या ठिकाणचा पाझर तलाव भरण्यासाठी सध्याच्या सुरू असलेल्या पाइपलाइनमधून व्हॉल्व्ह काढून पुढील काळात शेतीसाठी पाणी पुरवण्याची व्यवस्था करण्यात येणार असल्याचेदेखील शिंदे यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com