जीआय टॅगिंगयुक्त हापूसला दीड लाखापर्यंत अनुदान : सुनील पवार

Donations up to one and a half lakh to GI tagging hapus : Sunil Pawar
Donations up to one and a half lakh to GI tagging hapus : Sunil Pawar

रत्नागिरी : ‘‘निर्यातीत हापूसचा टक्के घसरत असून तो वाढविण्यासाठी जीआय मानांकन महत्त्वाचे ठरू शकते. त्यासाठी जीआय नोंदणीपासून ते जीआय टॅगिंग झालेला हापूस विक्री करण्यासाठी किंवा निर्यातीसाठी पणन मंडळाकडून आठशे रुपयांपासून दीड लाखापर्यंत विविध योजनांद्वारे अनुदान देण्याची तयारी केली आहे’’, असे प्रतिपादन ‘पणन’चे कार्यकारी संचालक सुनील पवार यांनी केले.

आंबा उत्पादक संघ आणि पणन मंडळाने आयोजित केलेल्या ‘हापूस आंबा भौगोलिक मानांकन उपयुक्तता कार्यपद्धती यावरील कार्यशाळेत पवार बोलत होते. डॉ. विवेक भिडे, दापोली उद्यानविद्या महाविद्यालयाचे संचालक डॉ. बी. आर. साळवी, अभिलाष गोऱ्हे, डॉ. संजय भावे, ‘पणन’चे उपसरव्यवस्थापक डॉ. भास्कर पाटील, मिलिंद जोशी, बाजार समिती सभापती संजय आयरे आदी उपस्थित होते. या वेळी जीआय मानांकन घेतलेल्या १५० आंबा बागायतदारांना प्रमाणपत्र देण्यात आले. 

पवार म्हणाले, ‘‘एका आंब्याच्या निर्यातीचा खर्च दोनशे रुपये आहे. ७५ टक्के सबसिडी मिळाली, तर तो खर्च पन्नास रुपयांपर्यंत येतो. खर्च कमी करण्यासाठी गतवर्षी जहाजामार्गे आंबा पाठविण्यात आला. त्याचा खर्च एका नगाला २५ ते २६ रुपये इतका आला. निर्यातवाढीसाठी नवनवीन प्रयोग पणनामार्फत सुरू आहेत. शासन निर्यात धोरण तयार करत आहे. त्यासाठी आंबा, काजूचे क्लस्टर तयार करण्याचा मानस आहे.’’

‘‘जीआय देणाऱ्या संस्थांना पणनकडून प्रत्येक कार्यशाळेमागे दहा हजार रुपये आयोजनासाठी दिले जाणार आहेत. जेणेकरून जीआयचा प्रचार व प्रसार करणे शक्य होईल. जीआयला कमी प्रतिसाद मिळत आहे. तो वाढविण्यासाठी नोंदणीसाठी लागणाऱ्या १५०० रुपयांपैकी ८०० रुपये पणन देईल. तर,  उर्वरित रक्कम बागायतदार भरेल. जीआयप्रमाणे पॅकेजिंग, लेवलिंग, मार्केटिंगसाठी वेबसाइट करणाऱ्या संबंधित संस्थेला तीन लाख रुपये दिले जातील,’’ असेही पवार यांनी सांगितले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com