Agriculture news in marathi Don't bring time to hit the leaves | Agrowon

पत्र्या ठोकण्याची वेळ आणू नका : राजू शेट्टी

टीम अॅग्रोवन
मंगळवार, 26 जानेवारी 2021

 कृषी कायदे रद्द केले नाही, तर सरकारला सळो की पळो करून सोडू. सरकारला पत्र्या ठोकण्याची वेळ आणू नका, अशा इशारा स्वाभिमानी शेतकरी संघटनेचे नेते माजी खासदार राजू शेट्टी यांनी दिली.

सांगली : केंद्र सरकार कृषी कायदे शेतकऱ्यांवर लादण्याचा प्रयत्न करीत आहे. हा प्रयत्न आम्ही उलटून लावू. राजकीय पक्षांना गुलाम केले आहे. कायदे रद्द करण्यासाठी शेतकऱ्यांनी आक्रमक भूमिका घेतली पाहिजे. वेळ प्रसंगी बळीराजाची फौज घेऊन दिल्लीवर चाल करू. कृषी कायदे रद्द केले नाही, तर सरकारला सळो की पळो करून सोडू. सरकारला पत्र्या ठोकण्याची वेळ आणू नका, अशा इशारा स्वाभिमानी शेतकरी संघटनेचे नेते माजी खासदार राजू शेट्टी यांनी दिली.

 कृषी कायदे रद्द करावेत, वीजबिल माफ करा, यासाठी सोमवारी (ता. २५) येथील विश्रामबाग चौकातील क्रांतिसिंह नाना पाटील यांच्या पुतळ्याला हार घालून मोर्चा सुरू झाला. शेतकरी संघटनेचे कार्यकर्ते मोठ्या संख्येने उपस्थित होते. हा मोर्चा सांगलीहून जयसिंगपूर, हातकणंगले या मार्गे कोल्हापूर येथील दसरा चौकात जाणार आहे. या मार्गे जाताना दोन्ही जिल्ह्यातील शेतकरी या मोर्चात सहभागी होणार आहे. सांगली जिल्ह्यातील सुमारे २८ हून अधिक ट्रॅक्टर मोर्चामध्ये सामील झाले आहेत.

 या वेळी माजी खासदार राजू शेट्टी म्हणाले, ‘‘दिल्लीत कृषी कायद्याला विरोध करण्यासाठी मंगळवारी (ता. २६) शेतकरी ट्रॅक्टर परेड करणार आहेत. आम्हालाही दिल्लीला जायचे होते, पण रेल्वेचा मार्ग बंद केला आहे. त्याचप्रमाणे दक्षिणेकडील शेतकरी येऊ नयेत, यासाठी वाहने रोखून ठेवली आहेत. त्यामुळे आम्ही इथे ट्रॅक्टर मोर्चा काढला आहे. केंद्र सरकार कृषी कायदे शेतकऱ्यांवर लादू लागले आहे.

कृषी कायद्यांना विरोध करणारे शेतकरी मूठभर असल्याचे सरकार भासवीत आहे. राजकीय पक्षांना गुलाम केले आहे. हे कायदे रद्द करण्यासाठी शेतकरी आक्रमक भूमिका घेत आहेत. पूर्ण देशभरातील शेतकरी या कायद्यांना विरोध करीत आहेत. केंद्र सरकार बाजारपेठा उद्ध्वस्त करण्याचे काम करीत आहेत.’’

 गोऱ्या इंग्रजांप्रमाणे केंद्र सरकार वागू लागले आहे. आमच्याकडून कवडीमोलाने शेतीमाल खरेदी करून चौपट पटीने त्याची विक्री करणार आहे. शेतकऱ्यांचे वीजबिल माफ करावे, अन्यथा बळीराजाची फौज घेऊन दिल्लीवर चाल करून हे कायदे रद्द करण्यास केंद्र सरकारला भाग पाडू, असा इशाराही माजी खासदार राजू शेट्टी यांनी दिला आहे.


इतर बातम्या
थंडीचा प्रभाव घटण्यास प्रारंभ पुणे ः अरबी समुद्राच्या परिसरात चक्रीय स्थिती...
केंद्र सरकारकडून ‘पीजीआर’ला मान्यता पुणे : शेतीसाठी वापरल्या जाणाऱ्या जैव उत्तेजकांना...
शासकीय हरभरा खरेदीच्या ऑनलाइन नोंदणीला...जळगाव : खानदेशातील प्रमुख बाजार समित्यांमध्ये...
बंद आठवडी बाजाराचा कांदा उत्पादकांना...जळगाव ः जळगाव जिल्ह्यात आठवडी बाजार ६ मार्चपर्यंत...
बत्तीसशे चौरस फुटांपर्यंतच्या ...मुंबई : राज्यातील ग्रामीण भागातील सुमारे ३,२००...
महिलांना रोजगार मिळवून देण्यासाठी ‘...रत्नागिरी ः पर्यटन व्यवसायातून महिलांना रोजगार...
कापडण्यात कांद्याला फटकाकापडणे, जि. धुळे : पावसाळ्यात सलग तीन महिने पाऊस...
परभणी जिल्ह्यात अवकाळीने हरभरा, ज्वारी...परभणी ः जिल्ह्यात या महिन्यात झालेला अवकाळी पाऊस...
मारुती माळ येथे टस्कराचे दर्शनकोल्हापूर ः बाळेघोल (ता. कागल) येथील जंगलातून...
मराठवाड्यात अवकाळीने ३३ टक्के पिकांचे...औरंगाबाद : अठरा व १९ फेब्रुवारी रोजी झालेल्या...
नांदेड जिल्ह्यात नुकसानग्रस्तांसाठी...नांदेड : जिल्ह्यात फेब्रुवारी ते मे २०२० या...
निम्न पेढी प्रकल्पाचे काम वेळेत पूर्ण...अमरावती : निम्न पेढी प्रकल्प हा अमरावती व अकोला...
...तर खंडणीचे गुन्हे दाखल करा ः गरडपुणे ः ‘‘पुणे कृषी उत्पन्न बाजार समितीमध्ये हमाली...
सहकारी संस्थांच्या निवडणुकांना पुन्हा...कोल्हापूर ः राज्याच्या राजकीय पटलाचे लक्ष लागून...
बाजार समित्यांनी पेट्रोल, सीएनजी पंप...परभणी ः उत्पन्नात वाढ होण्याच्या दृष्टीने जिल्हा...
जैन यांच्या मोजेक पोर्ट्रेटची ‘गिनेस...जळगाव :  जैन उद्योग समूहाचे संस्थापक अध्यक्ष...
सातारा जिल्ह्यात ५५ टक्के क्षेत्रावर...सातारा ः जिल्ह्यात २५ फेब्रुवारीअखेर तीन हजार १५४...
राज्यात ७ कोटी ९७ लाख क्विंटल साखरेचे...नगर ः राज्यात यंदाही उसाचे जोरदार गाळप सुरू आहे....
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...