‘कोयना’चे दरवाजे तीन फुटांवर स्थिर

सातारा  : गेल्या पंधरा दिवसांपासून कोयना धरणासह इतर प्रमुख धरणाच्या पाणलोट क्षेत्रात मुसळधार पाण्याची मोठ्या प्रमाणात आवक झाली. गेल्या दोन दिवसांपासून पावसाचा जोर ओसरल्याने सर्वच धरणातील विसर्ग कमी करण्यात आला आहे. कोयना धरणाचे दरवाजे चार फुटांवर आणण्यात आले आहेत. यातून धरणात २७ हजार १७ क्युसेक पाण्याचा विसर्ग केला जात आहे. 

कोयना धरण क्षेत्रात मुसळधार पाऊस झाल्याने धरणात पाण्याची आवक मोठ्या प्रमाणात होती. धरणातील जलपातळी नियंत्रित राहण्यासाठी त्यातून पाण्याचा विसर्ग नदीपात्रात  करण्यात आला. पाण्याची आवकेत वाढ होत असल्याने धरणाचे दरवाजे १६ फुटांवर नेण्यात आले होते. यातून प्रतिसेकंद एक लाख २२ हजार क्युसेक पाण्याचा विसर्ग केला जाता होता. यामुळे कराड व पाटण तालुक्यांतील अनेक गावांत पाणी शिरल्याने मोठ्या नुकसानीला सामोरे जावे लागले आहे.

सध्या कोयना धरणाच्या पाणलोट क्षेत्रातील पावसाचा जोर ओसरला आहे. सध्या धरणात पाण्याची १६ हजार ९९८ क्युसेक आवक होत आहे. धरणाचे सहा वक्र दरवाजे तीन फुटांवर स्थिर ठेवण्यात आले आहेत. २७ हजार १७ क्युसेक विसर्ग केला जात आहे. कोयना धरणात बुधवारी (ता. १४) सकाळी आठपर्यंत १००.९३ टीएमसी म्हणजेच ९५.८९ टक्के पाणीसाठा झाला आहे.

धरणातील उपयुक्त पाणी (टीएमसी)