agriculture news in Marathi double profit from direct fish selling Maharashtra | Agrowon

थेट बांधावर माशांची विक्री करत मिळवला दुप्पट नफा 

गोपाल हागे
बुधवार, 29 एप्रिल 2020

अडचणीच्या काळात पायघन यांनी शेततळ्यातील मासे व्यापाऱ्यांना विक्री न करता थेट ग्राहकांना विकण्यास सुरवात केली आहे. लॉकडाऊनच्या एक महिन्याच्या काळात सुमारे ७८ हजारांची मासे विक्री त्यांनी केली असून दुप्पट दरही मिळविला. 

अकोला ः लॉकडाऊनमुळे शेती आणि पूरक उद्योगातील कामांना चांगलाच फटका बसला आहे. शेतमाल विक्रीची मोठी अडचण असल्याने अनेकांपुढे आर्थिक अडचणी उभ्या राहिल्या. मात्र अशा परिस्थितीतही बाजारपेठेतील संधी हेरून उत्पन्नाचा नवीन स्त्रोत काही शेतकऱ्यांनी तयार केला. यापैकीच एक आहेत, कवठा (ता. रिसोड,जि. वाशिम) येथील केशव पायघन.

कवठा येथील केशव गोविंदा पायघन हे प्रयोगशील शेतकरी. त्यांची पाच एकर शेती आहे. त्यामध्ये दोन एकरावर दशहरी आंबा लागवड आहे. शाश्वत पाणी पुरवठ्यासाठी २४ बाय ३० बाय ४ मीटर आकाराचे शेततळे केले आहे. मागील तीन वर्षांपासून शेततळ्यात पायघन हे रोहू, कटला, मृगल माशांचे संगोपन करीत आहेत. गेली दोन वर्षे ते ठरलेल्या व्यापाऱ्यास माशांची विक्री करून मोकळे व्हायचे. व्यापारी प्रति किलोस ८० रुपये दर द्यायचा. यातून सरासरी साठ हजारांची मिळकत व्हायची. परंतु कष्टाच्या मानाने ही मिळकत कमी असायची.

यंदा केशव यांनी शेतीतील बहुतांश कामे मार्चमध्ये आटोपली. केशव यांचा लग्न समारंभासाठी मंडप डेकोरेशनचा व्यवसाय आहे. लग्नसराईत हा व्यवसाय जोरात असतो. लॉकडाऊनमुळे लग्नसोहळ्यावर बंदी असल्याने हा व्यवसाय पूर्णतः कोलमडला. अशा परिस्थितीत केशव तसेच त्यांचा चुलत भाऊ संजय आणि भागवत यांनी निर्णय घेतला की, आपापल्या शेततळ्यातील मासे स्वतःच विकूयात. 

मासे विक्रीला सुरवात ः 
पायघन बंधुंकडे प्रत्येकाची शेततळी असून त्यात मत्स्यपालन केले आहे. प्रत्येकाने एक आठवडा मत्स्य विक्रीचा ठरविला. या काळात प्रत्येकजण एकमेकाला मासे विक्रीसाठी मदत करतात. याबाबत केशव पायघन म्हणाले की, मी २४ मार्चपासून शेततळ्याच्या बांधावरून परिसरातील ग्राहकांना थेट मासे विक्री सुरु केली. या काळात चिकन, मटण मिळणे बंद झाले होते. अशा परिस्थितीत मांसाहारींना माशांचा आधार होता. हीच संधी मी साधली. दररोज मागणीचा अंदाज घेत शेततळ्यातील माशांची विक्री सुरु केली.

सध्या दररोज १५ ते २० किलो माशांची विक्री होते. माशाच्या आकारानुसार सरासरी १५० ते २०० रूपये प्रति किलोस दर मिळतो. आत्तापर्यंत मी चार क्विंटल मासे विक्री केली आहे. या कालावधीत मला ७८ हजार रुपयांची मिळकत झाली. अजून शेततळ्यात किमान तीन क्विंटल मासे मिळतील असा अंदाज आहे. या माशांची देखील मी थेट विक्री करणार आहेत. त्यामुळे यंदा मासे विक्रीतून एक लाखांच्यावर मिळकत जाईल, असा अंदाज आहे. माशांच्या खाद्य व्यवस्थापनासाठी तीस हजारांचा खर्च आला आहे. थेट विक्रीमुळे मला व्यापाऱ्याच्या दरापेक्षा दुप्पट दर मिळाला. 

तज्ज्ञांचे मार्गदर्शन ः 
करडा (जि. वाशीम) कृषी विज्ञान केंद्राचे प्रमुख डॉ. रविंद्र काळे यांच्या मार्गदर्शनाखाली कवठा गावात पायघन बंधुंनी शेततळ्यात रोहू, कटला, मृगल या माशांचे संवर्धन सुरू केले. हैद्राबाद येथील राष्ट्रीय मत्‍स्य विकास मंडळामार्फत त्यांना मत्स्यपालनाचे प्रात्यक्षिक देण्यात आले होते. यंदा लॉकडाऊनच्या काळात थेट ग्राहकांना माशांची विक्री करून केशव पायघन यांनी मिळकतीचा नवा पर्याय उभा केला आहे. 

संपर्क ः केशव पायघन, ९०४९१२८६१० 
 


इतर अॅग्रो विशेष
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...
बाजार स्वातंत्र्यांची मागणी पूर्ण पुणेः केंद्र सरकारने सादर केलेल्या शेती आणि पणन...
गुणवत्तापूर्ण हळद, डाळींची थेट...सनपुरी (जि. परभणी) येथील प्रयोगशील शेतकरी नरेश...
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
कांदा, लसूण शेतीत बहिरवाडीने मिळवली...बहिरवाडी (ता. जि. नगर) हे छोटे गाव कांदा व लसूण...
स्पर्धेत टिकण्यासाठी ‘ई-नाम’केंद्र सरकारने कृषी, पणन व्यवस्थेत सुधारणा घडवून...
बाजार सुधारणांत नको राजकीय धुळवडकोरोनाच्या पार्श्वभूमीवर होत असलेल्या संसद...