agriculture news in Marathi, Dr. Anil Bonde says, | Agrowon

मातीची सुपीकता टिकविणे आव्हानात्मक: डॉ. अनिल बोंडे

टीम अॅग्रोवन
शुक्रवार, 19 जुलै 2019

कोल्हापूर : कोल्हापूर विभागात मातीची सुपीकता टिकविणे हे आव्हान बनत आहे. येथून पुढील काळात कृषी विभागाच्या अधिकाऱ्यांनी या कामावर जास्तीत जास्त लक्ष देऊन शेतकऱ्यांमध्ये जागृती घडवावी. नावीन्यपूर्ण उपक्रमातून मृदसंधारणासाठी वैविध्यपूर्ण प्रयत्न करावेत यासाठी शासन संपूर्णपणे अर्थसाहाय्य करेल, असे आश्‍वासन कृषिमंत्री डॉ. अनिल बोंडे यांनी गुरुवारी (ता. १८) येथे दिले. 

कोल्हापूर : कोल्हापूर विभागात मातीची सुपीकता टिकविणे हे आव्हान बनत आहे. येथून पुढील काळात कृषी विभागाच्या अधिकाऱ्यांनी या कामावर जास्तीत जास्त लक्ष देऊन शेतकऱ्यांमध्ये जागृती घडवावी. नावीन्यपूर्ण उपक्रमातून मृदसंधारणासाठी वैविध्यपूर्ण प्रयत्न करावेत यासाठी शासन संपूर्णपणे अर्थसाहाय्य करेल, असे आश्‍वासन कृषिमंत्री डॉ. अनिल बोंडे यांनी गुरुवारी (ता. १८) येथे दिले. 

कोल्हापूर विभागांतर्गत येणाऱ्या कोल्हापूर, सांगली व सातारा जिल्ह्यातील कृषी अधिकाऱ्यांची आढावा बैठक डॉ. बोंडे यांच्या प्रमुख उपस्थितीत झाली. त्या वेळी ते बोलत होते. जिल्हाधिकारी दौलत देसाई, आमदार शिवाजीराव नाईक, अमल महाडिक, सौ. शौमिका महाडिक आदी या वेळी उपस्थित होते.

विभागीय कृषी सहसंचालक दशरथ तांभाळे यांनी जिल्हावार कामाचा आढावा डॉ. बोंडे यांना सादर केला. सध्या तिन्ही जिल्ह्यांत लष्करी अळी व हुमणी किडीचा प्रादुर्भाव आहे. यावर कृषी विभागाने कारखान्यांची मदत घेऊन मोहीम स्वरूपात हुमणी किडे पकडल्याचे सांगितले. ‘‘लष्करी अळीच्या प्रादुर्भावाबद्दल माहिती घेतली. याचबरोबर राज्यात विविध ठिकाणी लष्करी
अळीचा प्रादुर्भाव आहे. कोल्हापूर विभागात याबाबतचा पायलट प्रोजेक्‍ट राबवून तो राज्याला आदर्शवत ठरेल असा सक्षम पर्याय निवडा,’’ अशा सूचना डॉ. बोंडे यांनी दिल्या.

यासाठी लवकरच मंत्रालयात बैठका बोलावू. त्यासाठी तज्ज्ञांना पाचारण करून विविध पातळीवर कार्यशाळांचेही आयोजन करावे, अशा सूचना त्यांनी अधिकाऱ्यांना दिल्या.
‘‘अतिरिक्त पाणी व रासायनिक खतांमुळे तिन्ही जिल्ह्यांमध्ये क्षारपड जमिनी झाल्या आहेत. सेंद्रिय कर्ब कमी झाल्याने शेतजमिनी नापिक होत आहेत. यासाठी गांभीर्याने प्रयत्न करावेत. माती परीक्षणासारख्या प्रयोगशाळा गावातच होण्यासाठी नावीन्यपूर्ण काम करावे. कृषी पदवीधर युवकांना यात सहभागी करून घ्यावे. सेंद्रिय शेती, गुळाबाबत नावीन्यपूर्ण उपक्रम राबवावेत याबाबतचा प्रस्ताव शासनाकडे त्वरीत पाठवून द्यावा. शासन याला मंजुरी देइल,’’ असे डॉ. बोंडे यांनी या वेळी सांगितले. 

या वेळी कोल्हापूरचे जिल्हा अधीक्षक कृषी अधिक्षक अधिकारी ज्ञानदेव वाकुरे, कृषी अधिकारी उमेश पाटील, साताऱ्याचे जिल्हा अधीक्षक कृषी अधिकारी श्री. बोरकर, सांगलीचे जिल्हा अधीक्षक कृषी अधिकारी श्री. साबळे, जिल्हा परिषदेचे कृषी विकास अधिकारी चंद्रकांत सूर्यवंशी आदींसह तिन्ही जिल्ह्यांतील कृषी विभागाचे अधिकारी उपस्थित होते.

कृषी सहायकांनी ग्रामपंचायतीत हजर राहावे
अद्यापही कृषी सहायक ग्रामपंचायतीत उपस्थित राहात नसल्याचे सांगताच डॉ. बोंडे यांनी याबाबत आक्षेप नोंदवला. सूचना देऊनही याबाबत कार्यवाही होत नसल्याबाबत नाराजी व्यक्त केली. कृषी सहायकाने गावात येताना व जातानाही समजावे यासाठी ट्रॅकिंग यंत्रणा राबवावी. कोल्हापुरातून याबाबतचे प्रयत्न प्राधान्याने अपेक्षित आहेत. कोल्हापूर विभागात होणारे नावीन्यपूर्ण प्रकल्प राज्यासाठी लागू करणे शक्‍य आहे. या विभागातील अधिकाऱ्यांनी राज्यातील इतर विभागांतील अधिकाऱ्यांशी समन्वय ठेवावा तरच संपूर्ण राज्याचा विकास होऊ शकेल, असे डॉ. बोंडे म्हणाले.


इतर बातम्या
नांदेड, परभणी, हिंगोलीत जून, जुलैमध्ये...नांदेड : नांदेड, परभणी, हिंगोली जिल्ह्यातील ६९...
औरंगाबाद, जालन्यातील दोन मंडळांत...औरंगाबाद : औरंगाबाद व जालना जिल्ह्यातील दोन...
नांदेडमधील आठ केंद्रांत अडीच लाख...नांदेड : जिल्ह्यातील सात केंद्रांवरील शेतकऱ्यांची...
सोयाबीनमध्ये एकात्मिक कीड व्यवस्थापनाचा...अंबड, जि. जालना  ः ‘‘सर्व शेतकऱ्यांनी...
नगर जिल्ह्यात १३२ टक्के पेरणीनगर ः नगर जिल्ह्यात यंदा चांगला पाऊस झाला....
खानदेशात ‘किसान सन्मान’चे अर्ज प्रलंबित...जळगाव  ः खानदेशात सुमारे सव्वालाख शेतकरी...
शेतकऱ्यांची कृषिमंत्र्यांना दोन हजार...जळगाव : केंद्र सरकारच्या हवामानावर आधारित फळ...
खानदेशात हलक्या जमिनीतील पिके संकटातजळगाव  ः खानदेशात मागील आठ ते १० दिवसांपासून...
जळगाव जिल्ह्यातील मका, ज्वारीची खरेदी...जळगाव : शासकीय मका, ज्वारी खरेदी पुन्हा सुरू...
माळेगाव कारखान्याचे अकरा लाख टन ऊस...माळेगाव, जि. पुणे ः माळेगाव सहकारी साखर...
अकोला कृषी विद्यापीठातील क्वारंटाइन...अकोला ः डाॅ. पंजाबराव देशमुख कृषी विद्यापीठातील...
नाशिक जिल्ह्यात चार हजारांवर शेतकरी मका...नाशिक : बाजारात व्यापाऱ्यांकडे खरेदी होणाऱ्या...
वीज बिल माफीसाठी सोमवारी राज्यभर धरणेकोल्हापूर : दरमहा ३०० युनिटसच्या आत वीज वापर...
कोल्हापूर जिल्ह्यात पुरेशा पावसाअभावी...कोल्हापूर : जिल्ह्यात गेल्या दोन महिन्यांपासून...
पीकविमा भरण्यासाठी मुदतवाढीची मागणीअकोला ः पीकविमा पोर्टल व्यवस्थित न चालल्याने अनेक...
पशुवैद्यकीय दवाखान्यांमध्ये कृत्रिम...रत्नागिरी : उच्च प्रतीची वंशावळ तयार करण्यासाठी...
सेंद्रिय शेतीबाबत शरद पवार घेणार बैठकपुणे ः राज्यातील सेंद्रिय व रासायनिक अवशेषमुक्त...
यवतमाळ जिल्ह्यात चार लाख शेतकऱ्यांनी...यवतमाळ : कोरोनाच्या पार्श्वभूमीवर पीक विमा...
नाशिक विभागात चाळीस लाख टन कापसाची खरेदीनगर ः नाशिक विभागात यंदा १ लाख ३७ हजार ३४५...
सोलापुरात दोन लाख ५९ हजार शेतकऱ्यांनी...सोलापूर ः यंदाच्या खरीप हंगामासाठी पीक विमा...