agriculture news in Marathi, Dr. Anil Bonde says, will help to Agriculture university, but not compromise with education, Maharashtra | Agrowon

कृषी विद्यापीठांना मदत करू; पण गुणवत्तेत तडजोड नको : अनिल बोंडे

टीम अॅग्रोवन
शुक्रवार, 12 जुलै 2019

पुणे: कृषी विद्यापीठांमधील अडचणी सोडविण्यासाठी शासन तयार आहे. मात्र शिक्षण देताना गुणवत्तेत अजिबात तडजोड करू नका, अशी सूचना कृषिमंत्री डॉ. अनिल बोंडे यांनी केली. 

विद्यापीठांच्या कामांचा आढावा घेण्यासाठी महाराष्ट्र कृषी शिक्षण व संशोधन परिषदेत आयोजित केलेल्या बैठकीत ते बोलत होते. साडेचार तास चाललेल्या या मॅरेथॉन बैठकीत कृषिमंत्र्यांनी विद्यापीठांची बारकाईने माहिती घेतली. “विद्यापीठांना मनुष्यबळ कमी पडत असल्यास कंत्राटी पद्धतीचा वापर करावा. त्यासाठी शासन मदत करेल. 

पुणे: कृषी विद्यापीठांमधील अडचणी सोडविण्यासाठी शासन तयार आहे. मात्र शिक्षण देताना गुणवत्तेत अजिबात तडजोड करू नका, अशी सूचना कृषिमंत्री डॉ. अनिल बोंडे यांनी केली. 

विद्यापीठांच्या कामांचा आढावा घेण्यासाठी महाराष्ट्र कृषी शिक्षण व संशोधन परिषदेत आयोजित केलेल्या बैठकीत ते बोलत होते. साडेचार तास चाललेल्या या मॅरेथॉन बैठकीत कृषिमंत्र्यांनी विद्यापीठांची बारकाईने माहिती घेतली. “विद्यापीठांना मनुष्यबळ कमी पडत असल्यास कंत्राटी पद्धतीचा वापर करावा. त्यासाठी शासन मदत करेल. 

 विद्यापीठांना परिषद किंवा शासन स्तरावरून काही मान्यता हवी असल्यास तसे प्रस्ताव तातडीने सादर करावेत. यापूर्वीचे मुद्दे अजून प्रलंबित न ठेवता त्रुटींची पूर्तता करून शासनाला सादर करा,” असे ते म्हणाले. विद्यापीठांमधील कंत्राटी तसेच रोजंदारी मजुरांना कायम करण्याबाबत सध्या सुरू असलेल्या वादाची सविस्तर माहिती बैठकीत सादर करण्यात आली.

सातवा वेतन आयोग अद्यापही लागू न झाल्यामुळे कर्मचारी नाराज असल्याचा मुद्दा विद्यापीठांनी उपस्थित केला. “विद्यापीठे वेळेत माहिती सादर करीत नसतील तर त्याला काय इलाज आहे, तुम्हाला तुमच्याच पगाराची काळजी नाही का,” असे सवाल कृषिमंत्र्यांनी केले. वेतन आयोगाचा मुद्दा शासनाकडून वेळेत निकाली काढला जाईल, असा दिलासादेखील त्यांनी दिला. 

कृषी शिक्षण बळकटीकरणासाठी विविध श्रेणींतील पदनिर्मिती तसेच बांधकाम उभारणीचे प्रस्ताव शासनाकडे लवकर पाठविण्याच्या सूचनाही विद्यापीठांना देण्यात आल्या. दरम्यान, आपत्कालीन स्थितीत कामे करण्याबाबत कुलगुरूंना असलेले तीन लाखापर्यंतच्या खर्चाचे अधिकार २५ लाख रुपये करण्याचा मुद्दा अजूनही प्रलंबित आहे. कुलगुरूंना किमान दहा लाखांपर्यंतचे खर्च करण्याचे अधिकार देण्याबाबत शासनाकडून हालचाली होण्याची शक्यता आहे. 

राहुरी येथील महात्मा फुले कृषी विद्यापीठाचे कुलगुरू डॉ. के. पी. विश्‍वनाथा, परभणीतील वसंतराव नाईक मराठवाडा कृषी विद्यापीठाचे कुलगुरू डॉ. अशोक ढवण, अकोला येथील डॉ. पंजाबराव देशमुख कृषी विद्यापीठाचे कुलगुरू डॉ. व्ही. एम. भाले या वेळी उपस्थित होते.  

कृषिमंत्री म्हणाले...

  • विद्यापीठांना पगाराची काळजी नाही का? माहिती वेळेत सादर करा
  • वेतन आयोगाचा मुद्दा शासनाकडून वेळेत निकाली निघेल
  • मनुष्यबळ कमी पडत असल्यास कंत्राटी पद्धतीचा अवलंब करा
  • विविध श्रेणींतील पदनिर्मितीचे प्रस्ताव लवकरच सादर करा

इतर बातम्या
जंगलातील वणव्यांचाही वटवाघळांना होतो...वटवाघळांसाठी रहिवासाचा ऱ्हास, वातावरणातील...
मराठवाड्यात साडेदहा हजार एकरांवर तुतीऔरंगाबाद : मराठवाड्यात यंदा ३० नोव्हेंबर...
जालना जिल्ह्यात रब्बी सिंचनाची वाट अवघडचजालना :  जायकवाडी प्रकल्पावरून...
नांदेड, परभणी, हिंगोली जिल्ह्यांत केळी...नांदेड : सप्टेंबर-ऑक्टोबर महिन्यातील पावसामुळे...
आटपाडीत तीनशे हेक्‍टरवर फुलणार डाळिंब...आटपाडी, जि. सांगली : पांडुरंग फुंडकर फळबाग लागवड...
गांडूळ खतनिर्मितीस प्रोत्साहन द्या : डॉ...कोल्हापूर  : ‘‘शेतकऱ्यांनी जमिनीचा पोत...
बुलडाणा जिल्ह्यात रब्बीच्या ४०...बुलडाणा ः यंदाच्या हंगामात जिल्ह्यात रब्बीसाठी...
अधिकारी कार्यालयात घुसवल्या बैलजोड्याअमरावती ः वारंवार अर्ज, विनंत्या करूनसुद्धा पांदण...
नाशिक जिल्ह्यातील बंद उपसा जलसिंचन...नाशिक : जिल्ह्यात सन १९९५ ते २००० या कालावधीत...
सातारा जिल्ह्यात ऊसदराची कोंडी फोडणार...सातारा  ः साखर कारखान्यांची धुराडी पेटली...
प्रतिकूल हवामानामुळे पुणे जिल्ह्यात...पुणे  ः दर वाढल्याने पुणे जिल्ह्यातील अनेक...
प्रतिकूल हवामानाचा नगर जिल्ह्यातील गहू...नगर  ः जिल्ह्यामध्ये गेल्या दोन दिवसांपासून...
चंद्रपूर जिल्ह्यात ११ महिन्यांत ५०...चंद्रपूर  ः नापिकी, कर्जबाजारीपणा यातून...
हवामानाच्या पूर्व अंदाजासाठी पाषाण,...पुणे  ः पुणे शहरातील विविध ठिकाणी अनेकदा कमी...
बुलडाणा जिल्ह्याच्या भूजलपातळीत १.३९...बुलडाणा ः मागील काही वर्षांपासून जिल्हा सातत्याने...
पुण्यात १७ जानेवारीपासून पुष्प...पुणे  ः ॲग्री हार्टिकल्चर सोसायटी ऑफ...
नवी दिल्लीतील प्रदर्शनात जैविक खते,...पुणे  ः सावित्रीबाई फुले पुणे विद्यापीठाचे...
शिरोळ, हातकणंगले तालुक्यातील ऊस...कोल्हापूर : शिरोळ, हातकणंगले तालुक्यांतील...
विधीमंडळाचे हिवाळी अधिवेशन सहा दिवस...मुंबई : राज्य विधिमंडळाचे हिवाळी अधिवेशन येत्या...
विठ्ठल मंदिरात मोबाईल बंदीपंढरपूर, जि. सोलापूर ः श्री विठ्ठल मंदिराच्या...