agriculture news in Marathi, Dr. Anil Kakodkar says, give support of new technology for animal treatment, Maharashtra | Agrowon

पारंपरिक पशू उपचाराला नवतंत्राची जोड द्या: डाॅ. काकोडकर

टीम अॅग्रोवन
शुक्रवार, 1 मार्च 2019

पुणे ः ग्रामीण भागात आजही जनावरांच्या उपचारासाठी स्थानिक वैदूंची मदत घेतली जाते. औषधी वनस्पतींद्वारे करण्यात येणारे उपचार चांगले आहेत. या पारंपरिक उपचार पद्धतीला नवीन तंत्रज्ञानाची जोड दिली तर उपचार पद्धतीत सुधारणा होईल. त्याचे प्रमाणीकरण होईल, त्याचबरोबरीने ही उपचार पद्धती सर्वांना उपयुक्त ठरेल, असा सल्ला राजीव गांधी विज्ञान आणि तंत्रज्ञान आयोगाचे अध्यक्ष डॉ. अनिल काकोडकर यांनी दिला. 

पुणे ः ग्रामीण भागात आजही जनावरांच्या उपचारासाठी स्थानिक वैदूंची मदत घेतली जाते. औषधी वनस्पतींद्वारे करण्यात येणारे उपचार चांगले आहेत. या पारंपरिक उपचार पद्धतीला नवीन तंत्रज्ञानाची जोड दिली तर उपचार पद्धतीत सुधारणा होईल. त्याचे प्रमाणीकरण होईल, त्याचबरोबरीने ही उपचार पद्धती सर्वांना उपयुक्त ठरेल, असा सल्ला राजीव गांधी विज्ञान आणि तंत्रज्ञान आयोगाचे अध्यक्ष डॉ. अनिल काकोडकर यांनी दिला. 

 बाएफ संस्था आणि राजीव गांधी विज्ञान आणि तंत्रज्ञान आयोगाच्या संयुक्त विद्यमाने पारंपरिक पशू औषधी उपचाराची सद्यस्थिती, संधी आणि आव्हाने याविषयी कार्यशाळेचे आयोजन करण्यात आले होते. या वेळी प्रमुख  पाहूणे म्हणून डॉ. अनिल काकोडकर यांनी मार्गदर्शन केले. कार्यशाळेला राजीव गांधी विज्ञान आणि तंत्रज्ञान आयोगाचे सचीव डॉ. अरुण सप्रे, बाएफचे अध्यक्ष गिरीश सोहनी तसेच भरत काकडे, डॉ. अशोक पांडे आणि विविध राज्यांतील पशुतज्ज्ञ उपस्थित होते.

 डॉ. काकोडकर म्हणाले, की पारंपरिक उपचार पद्धतींचा शास्त्रीय पद्धतीने अभ्यास करून त्यांचे प्रमाणीकरण करावे. यासाठी ग्रामीण भागात जनावरांवर उपचार करणारे वैदू तसेच पशुतज्ज्ञांच्या समन्वयातून पशू उपचार पद्धतीमध्ये औषधी वनस्पतींचा वापर योग्य पद्धतीने करणे शक्य आहे. यातून स्थानिक पातळीवर कमी खर्चात योग्य उपचार करणे शक्य होईल. परंपरागत उपचार पद्धतींविषयी जगभरातील तज्ज्ञ अभ्यास करत आहेत. यातून नवीन औषधे विकसित होत आहेत. आपणही नवीन तंत्रज्ञानाची जोड परंपरागत उपचार पद्धतीला दिली पाहिजे. 

उपस्थितांना मार्गदर्शन करताना गिरीश सोहनी म्हणाले, की आपल्या देशात  पुरातन काळापासून उपचारासाठी औषधी वनस्पतींचा वापर होत आहे. त्यातून आयुर्वेद, युनानी पद्धती विकसित झाल्या. याचबरोबरीने आजही ग्रामीण भागात औषधी वनस्पतींच्या पशू उपचारासाठी वापर करणारे वैदू आहेत. त्यांच्याकडे असलेल्या परंपरागत ज्ञानाचे संकलन आणि अभ्यास करण्यासाठी बाएफने उपक्रम हाती घेतला आहे.

वैदू आणि पशुतज्ज्ञांच्या समन्वयातून पशू उपचार पद्धतीचे प्रमाणीकरणही केले आहे. या किफायतशीर उपचार पद्धतीचा फायदाही होताना दिसतो. परंपरागत ज्ञान आणि आधुनिक पशू उपचार पद्धतीची सांगड घालण्याचा आमचा प्रयत्न आहे. या कार्यशाळेमध्ये विविध राज्यातील पशूतज्ज्ञांनी पशू उपचार पद्धतीविषयी अनुभव मांडले. कार्यक्रमाचे सूत्रसंचालन डॉ.आवारे यांनी केले.


इतर ताज्या घडामोडी
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...
जळगाव जिल्ह्यात मका, ज्वारी खरेदीसाठी...जळगाव : जिल्ह्यात शासकीय केंद्रात हमीभावात मका व...
कापूस खरेदीसाठी केंद्रांची संख्या वाढवा...जळगाव : शासकीय कापूस खरेदीला गती देण्यासाठी...
शेतकऱ्यांनो पीक कर्जाबाबत निश्चित राहा...नाशिक : ‘‘महात्मा फुले शेतकरी कर्जमुक्ती योजनेत...
नांदेड, परभणी, हिंगोली जिल्ह्यात १७ लाख...नांदेड : नांदेड, परभणी, हिंगोली जिल्ह्यात...
नांदेडमध्ये पीककर्जाच्या ऑनलाइन...नांदेड : यंदाच्या खरीप हंगामात जिल्ह्यातील...
इंदापुरात मका खरेदीसाठी ऑनलाइन नोंदणी...पुणे ः इंदापूर तालुका कृषी उत्पत्र बाजार...
थकीत एफआरपी द्या ः बळीराजा शेतकरी संघटनासातारा : कोरोनामुळे शेतकऱ्यांचे मोठे नुकसान झाले...
जालन्यातील ७६२ तूर उत्पादकांना...जालना : जिल्ह्यातील सहा हमी दर खरेदी केंद्रांवरून...
अमरावतीत २५ जिनींगव्दारे कापूस खरेदीअमरावती ः खरिपाच्या पार्श्‍वभूमीवर कापूस खरेदीला...
सोलापुरात खते, बियाणे थेट शेतकऱ्यांच्या...सोलापूर : यंदाच्या खरिपासाठी शेतकऱ्यांना थेट...
पुणे बाजार समिती उद्यापासून सुरू होणारपुणे ः कोरोना टाळेबंदीमुळे गेली सुमारे दीड...
चांदोरीत शॉर्टसर्किटमुळे १० एकर ऊस खाक चांदोरी, जि. नाशिक : निफाड तालुक्यातील चांदोरी...
बाजार समित्यांनी सीसीआयला मनुष्यबळ...वर्धा ः सीसीआयकडे आवश्‍यक ग्रेडर कमी आहेत....
औरंगाबादमध्ये खरिपातील बियाणे विक्री...औरंगाबाद : वसंतराव नाईक मराठवाडा कृषी...
मुख्यमंत्री अन्नप्रक्रिया योजना सुरूच...पुणे : गटशेती तसेच फार्मर प्रोड्युसर कंपनीच्या...
कृषी निविष्ठा बांधावर उपलब्ध करुन द्या...पुणे ः खरीप हंगामासाठी शेतकऱ्यांना बियाणे व खते...
माॅन्सूनपूर्वी करा कापसाची खरेदी ः...अमरावती ः वरुड तालुक्‍यात लॉकडाऊनमुळे सीसीआय तसेच...
टोळधाडबाधीत क्षेत्रातील मदतीचे प्रस्ताव...अमरावती ः जिल्ह्यात टोळधाडीच्या झुंडीने केलेल्या...
ताकारी योजनेचे पाणी चिखलगोठणला पोहोचलेसांगली ः ताकारी उपसा जलसिंचन योजनेच्या सुरू...