agriculture news in Marathi Dr. basavraj khadi says indigenous cotton will importance in future Maharashtra | Agrowon

भविष्यात देशी कपाशीला गतवैभव प्राप्त होईल ः डॉ. बसवराज खादी

टीम अॅग्रोवन
रविवार, 8 डिसेंबर 2019

परभणी: देशी कपाशीचे वाण रसशोषण करणाऱ्या किडीसाठी प्रतिकारक्षम आहेत. उत्पादनात बीटी कपाशीपेक्षा सरस आहेत. देशी कपाशीचे सघन लागवड पद्धतीने बीटी कपाशीपेक्षा जास्त उत्पादन शक्य आहे. कापड उद्योगात देशी कापसाला मागणी आहे, त्यामुळे भविष्यात देशी कपाशीला मागणी राहिल्याने निश्चित गतवैभव प्राप्त होईल. परंतु या वाणांच्या कापसाच्या वेचणीसाठी यंत्र विकसित करणेदेखील आवश्यक आहे, असे प्रतिपादन नागपूर केंद्रीय कापूस संशोधन संस्थेचे माजी संचालक डॉ. बसवराज खादी यांनी केले.

परभणी: देशी कपाशीचे वाण रसशोषण करणाऱ्या किडीसाठी प्रतिकारक्षम आहेत. उत्पादनात बीटी कपाशीपेक्षा सरस आहेत. देशी कपाशीचे सघन लागवड पद्धतीने बीटी कपाशीपेक्षा जास्त उत्पादन शक्य आहे. कापड उद्योगात देशी कापसाला मागणी आहे, त्यामुळे भविष्यात देशी कपाशीला मागणी राहिल्याने निश्चित गतवैभव प्राप्त होईल. परंतु या वाणांच्या कापसाच्या वेचणीसाठी यंत्र विकसित करणेदेखील आवश्यक आहे, असे प्रतिपादन नागपूर केंद्रीय कापूस संशोधन संस्थेचे माजी संचालक डॉ. बसवराज खादी यांनी केले.

वसंतराव नाईक कृषी विद्यापीठाच्या परभणी येथील महेबूब बाग कापूस संशोधन केंद्राच्या शताब्दीपूर्ती सोहळा कार्यक्रमामध्ये शनिवारी (ता. ७) डॉ. खादी बोलत होते. कुलगुरू डॉ. अशोक ढवण अध्यस्थानी होते. राहुरी येथील महात्मा फुले कृषी विद्यापीठातील माजी संचालक संशोधन डॉ. दत्तात्रेय बापट, विद्यापीठ कार्यकारी परिषदेचे कार्यकारी परिषद सदस्‍य डॉ. सुभाष बोरीकर, संशोधन संचालक डॉ. दत्तप्रसाद वासकर, माजी कापूस पैदासकार डॉ. सुबराव माने, कापूस विशेषज्ञ डॉ. खिजर बेग, संशोधन केंद्राचे प्रमुख शास्‍त्रज्ञ डॉ. विजयकुमार चिंचाणे, महाबीजचे व्यवस्थापक प्रफुल्ल लहाने, शिक्षण संचालक डॉ. डी. एन. गोखले आदी उपस्थित होते.

डॉ. खादी पुढे म्हणाले, की शताब्दीपूर्ती करणाऱ्या सुरत, हुबळी येथील केंद्रांनंतर महेबूब देशी कापूस संशोधन केंद्र हे देशातील तिसरे केंद्र आहे. लांब धाग्याचे देशी कपाशीचे वाण विकसित करण्यात या केंद्राचे तत्कालीन पैदासकार डॉ. ललितादास देशपांडे यांचा सिंहाचा वाटा आहे.
डॉ. बापट म्हणाले, की शेतकऱ्यांची कोरडवाहू क्षेत्रातील कपाशीची उत्पादकता वाढविण्यासाठी प्रयत्नाची गरज आहे.

डॉ. बोरीकर म्हणाले, की देशी कपाशीच्या वाणांबाबत जगात परभणीचा नावलौकिक आहे. देशी वाणांच्या डीएनएचे जतन करणे आवश्यक आहे. डॉ. ढवण म्हणाले, की देशी कपाशीचा उत्पादन खर्च कमी आहे, त्यामुळे येत्या काळात लहान, मध्यम शेतकरी केंद्रस्थानी ठेवून देशी कपाशीवर संशोधन केले जाईल. कापड उद्योगात देशी कापसाला मागणी आहे. शेतकऱ्यांचे उत्पन्न दुप्पट करण्यासाठी उत्पादन खर्च किमान पातळीवर आणावा लागेल, त्यासाठी देशी कपाशीचा निश्चित उपयोग होईल.

या वेळी देशी कापूस संशोधनात महत्त्वपूर्ण योगदान देणारे ज्येष्ठ कापूस पैदासकार डॉ. एस. एस. माने, डॉ. खिजर बेग, डॉ. विजयकुमार चिंचाणे, डॉ. संतोष बोरगावकर, डॉ. अविनाश राठोड, तसेच सातत्याने देशी कपाशीच्या वाणांची लागवड करणारे शेतकरी वसंत फुटाणे (वर्धा), राहुल बोले (यवतमाळ), श्री. स्वामिनाथन (चेन्नई), नरेश शिंदे (सनपुरी, परभणी) यांचा सत्कार करण्यात आला. या वेळी देशी कापूस लागवड व्यवस्थापन, देशी कापसापासून निर्मित कापडी पिशव्या, तसेच शताब्दीपूर्ती स्मरणिकेचे प्रकाशन करण्यात आले. 

प्रास्ताविक डॉ. वासकर यांनी केले. प्रा. अरविंद पंडागळे यांनी सूत्रसंचालन केले, तर डॉ. चिंचाणे यांनी आभार मानले. या वेळी कृषी विद्यापीठ विकसित प्रसारित वाण, देशी कपाशीचे विविध प्रयोग, विविध वाणांचा बीजोत्पादन कार्यक्रम यांच्या प्रक्षेत्र भेटीचे आयोजन करण्यात आले होते. शेतकरी, शास्त्रज्ञ उपस्थित होते.


इतर अॅग्रो विशेष
शेतकरीहितालाच हवे सर्वोच्च प्राधान्यसहकार क्षेत्रात पूर्वीपासूनच काँग्रेस,...
सोशल मीडिया आणि बॅंकिंग जगात आज कोट्यवधी लोक संवाद करणे आणि माहिती...
बीड जिल्ह्यातील चिंचवडगावमध्ये...बीड: थंड प्रदेशात घेतले जाणारे स्ट्रॉबेरीचे...
राज्यातील ५०० कार्यालयांत शेतकरी...मुंबई : शेतकरी बांधवांना अडचणी मांडण्यासाठी,...
ढगाळ हवामानामुळे गारठा कमीचपुणे : उत्तरेकडील थंड वाऱ्यांचा अभाव, ढगाळ...
राज्य खत समितीचा ‘रिमोट’ कोणाकडे?पुणे : शेतकऱ्यांची फसवणूक टाळण्यासाठी ‘...
महारेशीम अभियानांतर्गत पाच हजार एकरची...औरंगाबाद: रेशीम विभागाच्यावतीने राबविल्या जात...
शेतकरी आत्महत्या थांबविण्यासाठी सामूहिक...नाशिक : देशातील कृषी व ऋषी संस्कृतीमध्ये काळ्या...
हार्वेस्टर मालकांकडून ऊस उत्पादकांची...सोलापूर ः ऊसतोडणीसाठी शेतकरी हार्वेस्टर मशिनला...
कुऱ्हा गावाने तयार केली भाजीपाला पिकांत...अमरावती जिल्ह्यातील वरुड, मोर्शी हे तालुके संत्रा...
बदनापूर येथे कडधान्य पिकांचे आदर्श ‘...वसंतराव नाईक मराठवाडा कृषी विद्यापीठांतर्गत...
बोराच्या दोनशे झाडांची उत्कृष्ट बागढवळपुरी (जि. नगर) येथील सुखदेव कचरू चितळकर यांनी...
खानदेशात साखर कारखान्यांना भासतोय उसाचा...जळगाव  : खानदेशातील जळगाव, नंदुरबार चार साखर...
हापूस आंब्याची पहिली पेटी कोल्हापूरला...सिंधुदुर्ग ः जिल्ह्यातील कुंभारमाठ (ता. मालवण)...
बाजार समित्यांत शेतकऱ्यांना थेट मतदान...मुंबई : राज्यातील कृषी उत्पन्न बाजार समित्यांच्या...
नीरेपासून साखरनिर्मितीचा रत्नागिरीत...रत्नागिरी ः नारळाच्या झाडातून काढल्या जाणाऱ्या...
परवाना निलंबनातही बिनदिक्कत खतविक्रीपुणे : ‘नियमांची पायमल्ली करून विदेशातून...
शेतकरी प्रश्न सुटण्यासाठी...मुंबई : राज्यात तालुकास्तरावर उद्यापासून...
शनिवारपासून किमान तापमानात घट होण्याची...पुणे : उत्तरेकडून येणाऱ्या थंड वाऱ्यांचे प्रवाह...
विमाभरपाई प्रक्रिया रिमोट सेन्सिंगशी...पुणे : पीककापणी प्रयोगाच्या आधारावर पंतप्रधान...