agriculture news in Marathi, Dr. bhale says, produce that witch has demand, Maharashtra | Agrowon

शेतकऱ्यांनो विकते ते पिकवाः डॉ. भाले

टीम अॅग्रोवन
शनिवार, 25 मे 2019

अकोला ः येत्या हंगामात पीक लागवड करताना शेतकऱ्यांनी अधिक सजगतेने पेरणी करावी. हवामान खात्याने दिलेला अंदाज, आपल्या भागातील परिस्थिती याचा विचार करून योग्य पिकाची लागवड करावी. बाजारात जे विकते ते पिकविण्यासाठी पुढाकार घ्यावा, असे आवाहन डाॅ. पंजाबराव देशमुख कृषी विद्यापीठाचे कुलगुरू डॉ. व्ही. एम. भाले यांनी केले.
 

अकोला ः येत्या हंगामात पीक लागवड करताना शेतकऱ्यांनी अधिक सजगतेने पेरणी करावी. हवामान खात्याने दिलेला अंदाज, आपल्या भागातील परिस्थिती याचा विचार करून योग्य पिकाची लागवड करावी. बाजारात जे विकते ते पिकविण्यासाठी पुढाकार घ्यावा, असे आवाहन डाॅ. पंजाबराव देशमुख कृषी विद्यापीठाचे कुलगुरू डॉ. व्ही. एम. भाले यांनी केले.
 

आगामी खरीप हंगामाच्या अनुषंगाने डॉ. पंजाबराव देशमुख कृषी विद्यापीठात शुक्रवारी (ता. २४)  ‘खरीपपूर्व कृषी मेळावा’ आयोजित करण्यात आला होता. या वेळी अध्यक्षस्थानावरून डॉ. भाले बोलत होते. व्यासपीठावर विद्यापीठाचे संशोधन संचालक डॉ. व्ही. के. खर्चे, कृषी अभियांत्रिकी अधिष्ठाता डाॅ. महेंद्र नागदेवे, उद्यानविद्या शाखेचे अधिष्ठाता डॉ. पी. के. नागरे, विस्तार शिक्षण संचालनालयाचे डाॅ. काळे, प्रयोगशील शेतकरी तथा उद्योजक अप्पाजी गुंजकर (रा. उंद्री), शेतकरी विजय इंगळे (चितलवाडी) उपस्थित होते. 

डॉ. भाले पुढे म्हणाले, आज काळानुरूप शेती करण्याची गरज तयार झाली आहे. वातावरणात झालेले बदल लक्षात घेऊन शेतकऱ्यांनी पिकांची निवड करावी. विद्यापीठाचे बीटी कपाशी बियाणे या हंगामात महाबीजने उपलब्ध करून दिले आहे. त्याची लागवड करावी. कपाशीवर येणाऱ्या बोंड अळी तसेच इतर कीड-रोगांचा प्रादुर्भाव आटोक्यात आणण्यासाठी सजग राहावे. सोलर ट्रॅप, फेरोमोन ट्रॅपचा वापर केल्यास नियंत्रण मिळवू शकतो हे यापूर्वीच्या हंगामात दिसून आले. त्यामुळे विद्यापीठाचे कमी खर्चाचे व्यवस्थापन तंत्र वापरावे.

सध्या ज्वारीसारखे पीक चांगला पर्याय निर्माण झाला आहे. ज्वारीचे उत्पादन चांगले येते. शिवाय जनावरांसाठी चाराही मिळतो. आंतरपीक पद्धतीसुद्धा काळाची गरज बनली आहे. आपण जे पिकवतो त्यावर प्रक्रीया केली तर त्याचा दर अधिक मिळू शकतो. विविध पिकांचे पर्याय निर्माण झाले असून शेतकऱ्यांनी या पीक बदलाचाही विचार करणे काळ सुसंगत ठरेल, असेही डॉ. भाले म्हणाले.

मेळाव्यात इतर मान्यवरांनी आपले मनोगत व्यक्त करीत हंगामासाठी शेतकऱ्यांना शुभेच्छा दिल्या. या मेळाव्यात शेतकऱ्यांना खरीप हंगामातील संभाव्य पाऊसमान, खरीप पिकांच्या जाती, नवीन संशोधित पीकपद्धती, आंतरपीक पद्धती, मृद व जलसंधारण व्यवस्थापन, एकीकृत कीड व रोग व्यवस्थापन, सुधारित अवजारे याबाबत तज्ज्ञांमार्फत मार्गदर्शन करण्यात आले. शिवाय शेतकऱ्यांनी विचारलेल्या प्रश्नांची उत्तरे तज्ज्ञांमार्फत देण्यात आली. मेळाव्याच्या ठिकाणी कृषी विद्यापीठाने तयार केलेले व उपलब्ध असलेले बी-बियाणे, जैविक खते, विद्यापीठ प्रकाशने, निविष्ठा शेतकऱ्यांसाठी विक्रीसाठी ठेवण्यात आल्या होत्या. यासाठी शेतकऱ्यांनी सकाळपासूनच या ठिकाणी गर्दी केली होती. 


इतर अॅग्रो विशेष
व्यवसाय स्वातंत्र्यावर गदा नकोचशेतकरीविरोधी कायदे रद्द करण्याबाबतची एक चळवळ...
क्रयशक्ती वाढविणारा हवा अर्थसंकल्पकेंद्रीय अर्थमंत्री निर्मला सीतारामण १ फेब्रुवारी...
कमी फॅटचे दुध पिल्यास म्हतारपण कमी होतं...कमी फॅट(मेद)युक्त दुधाचा आहारामध्ये वापर केल्यास...
विदर्भ, कोकणात आज हलक्या पावसाचा अंदाज पुणे : उत्तरेकडील थंड वाऱ्यांअभावी राज्यात थंडी...
नाशिक जिल्ह्यातील द्राक्ष निर्यातीत ५७...नाशिक : राज्यातून होणाऱ्या द्राक्ष निर्यातीत...
दूध उत्पादक महत्त्वाचा दुवा: हरिभाऊ...औरंगाबाद : जिल्हा दूध संघाच्या एकूणच...
अर्जेंटिनाला होणार आंबा निर्यात पुणे : कोकणातील हापूस आणि मराठवाड्यातील केशर...
गावरान अळूची फायदेशीर व्यावसायिक शेतीसुमारे पंधरा गुंठ्यांत देशी गावरान अळूची शेती...
व्यवस्थापनाला मार्केटिंगची जोड देत...पॅालिहाउसमधील फूलशेतीसाठी एकेकाळी प्रसिद्ध असलेले...
‘पोकरा’ प्रकल्पात कृषी यांत्रिकीकरणाचे...अकोला  ः नानाजी देशमुख कृषी संजीवनी...
पोपटराव पवार, राहिबाई पोपेरे यांना...नवी दिल्ली : केंद्र सरकारकडून शनिवारी (ता. २५)...
कोयना धरणाच्या पोटात होणार आणखी एक धरणकोयनानगर, जि. सातारा ः येथील कोयना धरणाची...
मराठवाड्यातील चार जिल्ह्यांत केवळ १४...औरंगाबाद : संकटांशी दोन हात करून आपली शेती जिवंत...
खानदेशात रब्बीत अत्यल्प पीक कर्जवाटपजळगाव ः खानदेशात रब्बी हंगामातील पेरण्या जवळपास...
वटवाघळांचा मोर्चा आता द्राक्ष बागांकडेपुणे: वटवाघळांची वस्तीस्थाने आणि अधिवास...
गटाने तयार केला `कोकणरत्न' ब्रॅंडकुर्धे (जि. रत्नागिरी) गावातील श्री नवलाई देवी...
रासायनिक अवशेषमुक्त शेती हेच भवितव्य:...नाशिक : रासायनिक खते व कीटकनाशकांच्या...
विदर्भ, कोकणात उद्यापासून पावसाचा अंदाजपुणे : राज्याच्या किमान तापमानात चढ-उतार सुरूच...
कौशल्य, कृषी, उद्योग विभाग देतील...परभणी: पंतप्रधान कौशल्य विकास योजना आणि...
शेतकरीविरोधी कायद्यांबाबत सहा महिन्यांत...पुणे : शेतकरी आत्महत्यांना पूरक ठरणारे कायदे रद्द...