agriculture news in marathi, dr. sudhirkumar goayal says, be intermediate between farmer and industry, Maharashtra | Agrowon

शेतकरी-इंडस्ट्रींमधील दुवा बना ः डॉ. सुधीरकुमार गोयल

टीम अॅग्रोवन
मंगळवार, 24 जुलै 2018

पुणे ः शेतकरी आणि इंडस्ट्री यांच्यात मागणी आणि पुरवठा या दोन महत्त्वाच्या बाबींसंदर्भातील दरी ही मुख्य समस्या आहे. इंडस्ट्रींना ज्या गुणवत्तेचा शेतमाल लागतो, तो पीकविण्याबाबत तसेच पुरवठा करण्याबाबत शेतकऱ्यांना योग्य ती माहिती नसल्याने शेतकऱ्यांसोबत काम करायला मोठा वाव आहे. ‘एसआयएलसीचा ‘ॲग्री बिझनेस मॅनेजमेंट हा अभ्यासक्रम पूर्ण केल्यानंतर नोकरीच्या मागे न लागता शेतकरी व इंडस्र्टी यांच्यातील दुवा बनण्याचे ध्येय ठेवा, असा मोलाचा सल्ला माजी अतिरिक्त मुख्य कृषी सचिव डॉ. सुधीरकुमार गोयल यांनी विद्यार्थ्यांना दिला.

पुणे ः शेतकरी आणि इंडस्ट्री यांच्यात मागणी आणि पुरवठा या दोन महत्त्वाच्या बाबींसंदर्भातील दरी ही मुख्य समस्या आहे. इंडस्ट्रींना ज्या गुणवत्तेचा शेतमाल लागतो, तो पीकविण्याबाबत तसेच पुरवठा करण्याबाबत शेतकऱ्यांना योग्य ती माहिती नसल्याने शेतकऱ्यांसोबत काम करायला मोठा वाव आहे. ‘एसआयएलसीचा ‘ॲग्री बिझनेस मॅनेजमेंट हा अभ्यासक्रम पूर्ण केल्यानंतर नोकरीच्या मागे न लागता शेतकरी व इंडस्र्टी यांच्यातील दुवा बनण्याचे ध्येय ठेवा, असा मोलाचा सल्ला माजी अतिरिक्त मुख्य कृषी सचिव डॉ. सुधीरकुमार गोयल यांनी विद्यार्थ्यांना दिला.

‘सकाळ इंटरनॅशनल इंटरडिस्प्लीनरी लर्निंग सेंटर (एसआयआयएलसी) आणि देशातील अग्रगण्य विद्यापीठ ‘टाटा इन्स्टिट्यूट ऑफ सोशल सायन्स (टीस) यांच्या संयुक्त विद्यमाने पोस्ट ग्रॅज्युएट डिप्लोमा इन ‘ॲग्री बिझनेस मॅनेजमेंट’ या कोर्सच्या पाचव्या बॅचला दिमाखात सुरवात झाली. कार्यक्रमाच्या उद्‌घाटनप्रसंगी प्रमुख पाहुणे म्हणून डॉ. गोयल बोलत होते. या वेळी एसव्ही ग्रुपचे व्यवस्थापकीय संचालक विकास दांगड, ‘एसआयआयएली’चे  सहसरव्यवस्थापक अमोल बिरारी या वेळी उपस्थित होते. 

‘‘शेतकऱ्यांची व इंडस्ट्रीची अडचण काय आहे ती जाणून घेऊन मी त्यासाठी काय योगदान देऊ शकतो, याविषयी विद्यार्थ्यांनी समजून घेतले पाहिजे. ॲग्री बिझनेस याची सुरवातच मार्केटींगपासून होते म्हणून ‘एबीएम’ कोर्स केल्यानंतर शेतकऱ्यांना निविष्ठा पुरविणारे पुरवठादार व शेतकरी ज्यांना आपला माल विकतात ते खरेदीदार यांच्यात समन्वय साधून या दोन्ही घटकांना कसा फायदा होईल यावर काम करण्याला मोठा वाव आहे. 

ॲग्री बिझनेस ही खूप मोठी मूल्यवर्धित साखळी असून तुम्ही प्रवर्तक (फॅसिलिटेटर) बना व याकामात चांगले योगदान द्या,’’ असेही डॉ. गोयल म्हणाले. ‘एसव्ही’ ग्रुपचे व्यवस्थापकीय संचालक विकास दांगट यांनी उद्योजकता, त्यासाठी आवश्यक दृष्टिकोन, नवीनवीन कल्पना, त्यांची अंमलबजावणी करण्याची आवड, क्षमता, फूड इंडस्ट्रींमधील फॉरवर्ड लिंकेजेस, टेक्नॉलॉजी 
इत्यादी संदर्भात विद्यार्थ्यांना मार्गदर्शन केले.

एबीएमच्या पाचव्या बॅचला सुरवात झाली असून सात दिवसांचा इंडक्शन कार्यक्रम आय़ोजिला आहे. ज्यात व्यक्तिमत्त्व विकास, संवाद कौशल्य इ. विविध विषयांवर मार्गदर्शन होणार आहे. मार्केटींग व्यवस्थापक वसीम शेख, विशाल नाईक यांचे यासाठी योगदान लाभले. कार्यक्रम समन्वयक सायली भांगरे यांनी प्रास्ताविक केले. कार्यक्रम प्रमुख अमोल बिरारी यांनी आभार मानले.    

नवीन बॅचसाठी नोंदणी सुरू  
एबीएमच्या नवीन बॅचसाठी नोंदणी सुरू झाली असून, या कोर्सविषयी सविस्तर माहिती हवी असल्यास पुढील क्रमांकावर संपर्क साधावा. संपर्क : ९१४६०३८०३२.


इतर अॅग्रो विशेष
सोशल मिडीयावर ‘#ओला_दुष्काळ’ ट्रेंडनांदेड : राज्यात अतिवृष्टीमुळे उद्भवलेल्या पूर...
`समृद्धी`वर उभारणार गोदामे, शीतगृहे पुणेः मराठवाडा आणि विदर्भातील शेतकऱ्यांना शेतमाल...
पुण्यातील फूल बाजाराच्या कामाला गती पुणे: पुणे कृषी उत्पन्न बाजार समितीच्या वतीने...
राज्यात ठिकठिकणी जोरदार पाऊस पुणेः राज्यातील पावसाचा प्रभाव कमी...
केळी निर्यातीसाठी ‘बनानानेट’च्या...नागपूर: राज्यातून केळीची निर्यात वाढल्यानंतर आता...
देशातील सूतगिरण्या ९५ टक्के क्षमतेने...जळगाव ः देशातील सुमारे ७१५ सूतगिरण्या ९५ टक्के...
जिल्हानिहाय ऑनलाइन निविष्ठा परवाने वाटप...पुणे: राज्यात खते, बियाणे व कीडनाशकांच्या...
ओतूरमध्ये कांद्याला किलोला कमाल ८०...पुणे: पुणे जिल्ह्यातील जुन्नर बाजार समितीच्या...
जोरदार पावसाचा अंदाज पुणे ः राज्यात पुढील पाच ते सहा दिवस काही ठिकाणी...
राज्यांचा निर्धार नि केंद्राची माघार‘जीएसटी’ अंतर्गत राज्यांना द्यावयाच्या...
भुकेला भारतजागतिक भूक निर्देशांक-२०२० नुकताच प्रसिद्ध झाला...
बिजोत्पादनातून ‘गौरीनंदन’ची उलाढाल...नगर जिल्ह्यातील शनी शिंगणापूर (ता. नेवासा) येथील...
पाऊस ओसरला; शेतीकामांत अडथळे पुणे ः गेल्या दोन दिवसांत पावसाने काहीशी...
स्वाभिमानी शेतकरी संघटनेची ऊस परिषद २...कोल्हापूर: ‘स्वाभिमानी’ची यंदाची व १९ वी ऊस परिषद...
ओला दुष्काळ जाहीर करुन तातडीने मदत द्या...मुंबई: परतीच्या पावसाने मराठवाडा आणि पश्चिम...
बढत्या देताना गैरव्यवहाराकडे दुर्लक्ष पुणे: राज्याच्या कृषी खात्यातील अधिकाऱ्यांना...
उन्हाळ कांद्याची आवक घटली; दरात सुधारणा नाशिक: उन्हाळ कांद्याच्या मागील वर्षी मोठ्या...
`विकेल ते पिकेल’ संकल्पनेत भरिताची...जळगाव ः ‘विकेल ते पिकेल’ संकल्पनेत जिल्ह्यात...
‘जॉईंट ॲग्रेस्को’ ऑनलाइन होणार अकोला ः खरीप हंगामापूर्वी होणारी राज्यातील चार...
किसान रेल्वेने शेतमाल वाहतुकीवर ५०...नागपूर ः किसान रेल्वेच्या माध्यमातून...