agriculture news in marathi, Dr. in town Sujay Vikey, Shirdit Lokhandeini Marli Baji | Agrowon

नगरमध्ये डॉ. सुजय विखे, शिर्डीत लोखंडेंनी मारली बाजी
टीम अॅग्रोवन
शुक्रवार, 24 मे 2019

नगर  : विसाव्या फेरीअखेर नगर लोकसभा मतदारसंघातून भारतीय जनता पक्षाचे डॉ. सुजय विखे पाटील २ लाख ४८ हजार २४३ मतांनी, तर शिर्डी लोकसभा मतदारसंघातून विद्यमान खासदार सदाशिव लोखंडे विसाव्या फेरीअखेर १ लाख १५ हजार ५१९ मतांनी आघाडीवर होते. 

नगर  : विसाव्या फेरीअखेर नगर लोकसभा मतदारसंघातून भारतीय जनता पक्षाचे डॉ. सुजय विखे पाटील २ लाख ४८ हजार २४३ मतांनी, तर शिर्डी लोकसभा मतदारसंघातून विद्यमान खासदार सदाशिव लोखंडे विसाव्या फेरीअखेर १ लाख १५ हजार ५१९ मतांनी आघाडीवर होते. 

विसाव्या फेरीअखेर नगरमधून राष्ट्रवादीचे उमेदवार आमदार संग्राम जगताप यांना ३ लाख ४४ हजार ३२४, तर शिर्डीमधून लोखंडे यांना ४ लाख ६७ हजार ३२२ मते मिळाली. कॉँग्रेसचे उमेदवार आमदार भाऊसाहेब कांबळे यांना २० व्या फेरीअखेर ३ लाख ५१ हजार ८०३ मते मिळाली. डॉ. विखे पाटील आणि लोखंडे यांनी सुरवातीच्या फेरीपासून मतात घेतलेली आघाडी शेवटपर्यंत कायम ठेवली. नगर व शिर्डीत एकूण २२ मतमोजणी फेऱ्या होतील. प्रत्येक मतदारसंघांत पाच मतदान केंद्रांवरील व्हीव्हीपॅट चिठ्ठ्याची मोजनी करून नंतर निकाल घोषित केला जाणार आहे. 

नगर दक्षिण लोकसभा मतदारसंघात कॉँग्रेसचे ज्येष्ठ नेते, विधानसभेतील विरोधी पक्ष नेते राधाकृष्ण विखे पाटील यांचे चिरंजीव भाजपकडून लढले. राष्ट्रवादीने एनवेळी जगताप यांना रिंगणात उतरवले. मात्र जगताप यांनी प्रचारात आघाडी घेत कडवे अव्हाण उभे केले होते. सकाळी आठ वाजता एमआयडीसीमधील वखार महामंडळाच्या गोडाऊनमध्ये टपाली मतदानाने मोजणीला सुरवात झाली. त्यानंतर झालेल्या ईव्हीएम मशिनमधील मोजणीला सुरवात झाली. पहिल्याच फेरीत भाजपचे डॉ. सुजय विखे पाटील यांनी बारा हजार मतांची आघाडी घेतली. त्यानंतर प्रत्येक फेरीत डॉ. सुजय यांच्या आघाडीत भर पडत गेली. 

शिर्डी लोकसभा मतदारसंघात शिवसेनेकडून लोखंडे, तर कॉँग्रेसकडून आमदार भाऊसाहेब कांबळे निवडणूक रिंगणात होते. कॉँग्रेसचे नेते बाळासाहेब थोरात विरुद्ध राधाकृष्ण विखे पाटील, असे वातावरण तयार झाले होते. कॉँग्रेसचे जिल्हाध्यक्ष अण्णा शेलार यांनी डॉ. सुजय विखे यांचा प्रचार करण्याची भूमिका घेतल्यावर त्यांना पदावरून काढून करण ससाणे यांना जिल्हाध्यक्ष केले, मात्र त्यांनीही अचानक राजीनामा दिल्याने मतदारसंघात बऱ्याच राजकीय भूमिका होत्या. 

विधानसभेतील विरोधी पक्षनेते राधाकृष्ण विखे पाटील यांचा शिर्डी लोकसभा मतदारसंघात प्रभाव आहे. विखे यांनी मात्र उघडपणे सदाशिव लोखडे यांना मदत करण्याची भूमिका घेतली. या मतदारसंघात माजी खासदार भाऊसाहेब वाकचौरे यांना मिळणाऱ्या मतांवर निकाल अवलंबून असल्याचे सांगितले जात होते. शिवाय राहुल गांधी यांची सभा झाली होती. मात्र त्याचाही काहीच फायदा झाला नाही. येथे लोखंडे यांनीच बाजी मारली. 

पहिल्या फेरीत लोखंडे यांनी आघाडी घेतली होती. ती शेवटपर्यंत कायम टिकवली होती. लोखंडे यांनी २० व्या फेरीअखेर १ लाख १५ हजार ५१९ मताची आघाडी घेतली होती. नगर व शिर्डीत एकूण २२ मतमोजणी फेऱ्या होतील. त्यानंतर प्रत्येक मतदारसंघात पाच मतदान केंद्रांवरील व्हीव्हीपॅट चिठ्ठ्यांची मोजणी करून नंतर निकाल घोषित केला जाणार आहे. 

चर्चा ईव्हीएमचीच 
नगर येथे शिर्डी व नगर लोकसभा मतदारसंघांची मतमोजणी एका ठिकाणी होती. त्यामुळे मतदान केंद्र प्रतिनिधी व बाहेर कार्यकर्त्यांची गर्दी होती. येथील उभारलेल्या मीडिया सेंटरमध्ये राज्यभरातील कौल घण्यासाठी लोकंची गर्दी होत होती. त्या वेळी राज्यभरातील धक्कादायक निकाल पाहता लोकांत ‘ईव्हीएम’चीच चर्चाच केली जात होती.

इतर ताज्या घडामोडी
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
दुष्काळमुक्त महाराष्ट्रासाठी...सिंधुदुर्ग  ः कर्जमुक्त आणि दुष्काळमुक्त असा...
मागण्या मंजूर झाल्याने ग्रामसेवकांचे...अकोला  ः विविध मागण्यांसाठी राज्यात २२...
उदयनराजे भोसले यांचा अखेर भाजपमध्ये...नवी दिल्ली  : राष्ट्रवादी काँग्रेसचे...
औषधी गुणधर्म लक्षात घेता, पेरू, शेवगा...सोलापूर ः ‘‘पेरू आणि शेवगा ही तशी दुर्लक्षित पिके...
वंचित, कष्टकरी संघटना विधानसभा लढविणार...पुणे  : राज्य आणि केंद्र सरकारच्या विरोधात...
भंडारा जिल्‍ह्यात पावसामुळे शेकडो हेक्‍...भंडारा ः मध्य प्रदेशातील संततधारेमुळे जिल्ह्यात...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
`कांदा आयातीचे धोरण शेतकऱ्यांना...पुणे  : कांदा आयात करण्याचे केंद्र सरकारचे...
स्मार्ट ग्रामअंतर्गत सायखेडा, गिरोली,...वाशीम ः जिल्हा परिषद पंचायत विभागातर्फे...