चंद्रपूर ः एचटीबिटीची अनधिकृत ३५०० पाकिटांची पहिली खेप घेऊन येणाऱ्या वाहनावर कृषी विभागाच्या पथकाकडून रविवारी (ता. ३) कारवाई करण्यात आली. या प्रकरणी चार लाख रुपये किंमतीचे वाहन तसेच अनधिकृत बियाण्यांचा साठा असा एकूण २५ लाख रुपयांचा मुद्देमाल जप्त करण्यात आला असून याप्रकरणी वाहन चालकाला अटक करण्यात आली आहे.
चंद्रपूर जिल्ह्यात अनधिकृत बिटी बियाण्यांचा साठा दाखल होत असल्याची माहिती कृषी विभागाला मिळाली होती. त्याआधारे सुरुवातीला गोंडपिंपरी येथील नाक्‍यावर सापळा लावण्यात आला. परंतु बिटी बियाणे घेऊन येणाऱ्या चालकाने पथकाला त्या ठिकाणी हुलकावणी दिली. त्यानंतर संबंधित वाहन मुल पोलिस ठाण्याच्या हद्दीत बेंबळा नाक्‍यावर पोलिसांच्या मदतीने रोखण्यात आले.
या वाहनात ३५०० पाकिट एच.टी. बियाणे मिळून आले. या प्रकरणी मूल तालुका कृषी अधिकारी प्रकाश कसराळे यांनी दिलेल्या तक्रारीवरुन गुन्हा दाखल करण्यात आला. वाहन चालक मोहम्मद शेख (रा. ताजबाग, नागपूर) याला अटक करण्यात आली. याप्रकरणी पुढील तपास मुल पोलिस करीत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.