agriculture news in marathi, Drought affected Varhard farmers in crises | Agrowon

वऱ्हाडात फळबागांवर चालू लागल्या कुऱ्हाडी

टीम अॅग्रोवन
रविवार, 24 मार्च 2019

अकोला : दुष्काळी परिस्थितीने शेतकऱ्यांचे जगणे वेदनादायी बनले अाहे. अाटत चाललेल्या विहिरी, बाजारभावाचे गंभीर प्रश्न उभे राहिले. पाण्याच्या दुर्भीक्षामुळे अकोट तालुक्यातील बोर्डी येथील संजय ताडे यांनी अडीच एकरांतील नऊ वर्षे वयाची संत्रा बाग तोडून टाकली अाहे. दुसरीकडे सिंदखेडराजा तालुक्यात गोरेगाव येथील अविनाश पंचाळ या युवा शेतकऱ्याने दुष्काळाशी दोन हात केले खरे, मात्र बाजारभाव नसल्याने केलेला खर्चसुद्धा बागेतून निघत नसल्याने डाळिंब बाग तोडणे सुरू केले आहे. असे चित्र आता ठिकठिकाणी दिसू लागले आहे. 

अकोला : दुष्काळी परिस्थितीने शेतकऱ्यांचे जगणे वेदनादायी बनले अाहे. अाटत चाललेल्या विहिरी, बाजारभावाचे गंभीर प्रश्न उभे राहिले. पाण्याच्या दुर्भीक्षामुळे अकोट तालुक्यातील बोर्डी येथील संजय ताडे यांनी अडीच एकरांतील नऊ वर्षे वयाची संत्रा बाग तोडून टाकली अाहे. दुसरीकडे सिंदखेडराजा तालुक्यात गोरेगाव येथील अविनाश पंचाळ या युवा शेतकऱ्याने दुष्काळाशी दोन हात केले खरे, मात्र बाजारभाव नसल्याने केलेला खर्चसुद्धा बागेतून निघत नसल्याने डाळिंब बाग तोडणे सुरू केले आहे. असे चित्र आता ठिकठिकाणी दिसू लागले आहे. 

संजय रामनाथ ताडे यांची अकोट तालुक्यातील बोर्डी शिवारात अडीच एकरात संत्र्याची बाग होती. नऊ वर्षांपूर्वी त्यांनी बाग उभी केली. मध्यंतरी या बागेने चांगले उत्पादनही दिले. परंतु, गेल्या तीन-चार वर्षांत या भागात पाऊस कमी झाल्याने पाण्याची पातळी खालावली. अाधी विहीर अाटली. त्यानंतर २०० फुटांपेक्षा खोल असलेले बोअरवेलही कोरडे पडले. यामुळे गेल्या काही दिवसांपासून बागेला द्यायलाही त्यांच्याकडे पाणी नव्हते. अखेरीस त्यांनी जड अंतकरणाने ही बाग तोडण्याचा निर्णय घेतला. 

गेल्या अाठवड्यात हे झाड तोडण्याचे काम पूर्ण झाले. अाज या शेतात संत्र्यांच्या झाडांचे अवशेष तेवढे पडून अाहेत. तीन महिन्यांपूर्वी हे शेत हिरवेगार होते. परंतु, जसे पाणी अाटले तशी बाग करपत होती. पाण्याची सोय न करता अाल्याने अखेरीस हे कठोर पाऊल उचलले. या भागात येत्या दोन महिन्यांत अनेक शेतकऱ्यांच्या विहिरी, बोअर तळ गाठणार अशी परिस्थिती अाहे. शासनाने दुष्काळ जाहीर केला खरा मात्र एकही उपाययोजना लागू झालेली नाही. शासनाने या परिस्थितीत शेतकऱ्यांना पाठबळ देण्याची मागणी संजय ताडे यांनी केली.
      
अविनाशने तोडली डाळिंब बाग
सततचा दुष्काळ व अनंत अडचणींना तोंड देत गोरेगाव (ता. सिंदखेडराजा, जि. बुलडाणा) येथील अविनाश देविदास पंचाळ या शेतकऱ्यांने डाळिंब बाग जगविली. मात्र, सतत भाव पडल्यामुळे उत्पादन खर्चही निघेनासा झाला. यामुळे एक हेक्टर क्षेत्रातील डाळिंब बागेवर कुऱ्हाड चालविली अाहे. अविनाश हा एमए बीपीएड झालेला असून त्याने नोकरीच्या मागे न लागता २००९ मध्ये अडीच एकरात डाळिंबाची लागवड केली होती. त्यासाठी ठिबक बसविले. ठिबक संच, फिल्टर संच, पाइपलाइन, नळ्यासाठी सुमारे दीड लाखांवर खर्च केला. विहिरीचे खोलीकरणही केले. नंतर हिमायतबाग औरंगाबाद येथील शासकीय रोपवाटिकेतील भगवा जातीची डाळिंब रोपांची लागवड केली. झाडे वाढविली, फुलविली. दरम्यान पावसाळा कमी झाल्यामुळे पाणी कमी पडू लागले. यावर उपाय म्हणून बोअरवेल घेतले. त्यासाठी ८० हजार रुपये खर्च केला. 

पर्जन्यमान सतत कमी होत असल्याचे पाहून शेततळे घेऊन त्यात पाणी साठवून ठेवले. बाग मशागतीसाठी २५ एचपीचे चार लाखांचे ट्रॅक्टर घेतले. बाग फवारणीसाठी ८० हजारांचे फवारणी यंत्र अाणले. पाणी कमी पडल्यास बाहेरुन पाणी पुरविण्यासाठी एक लाखाचे टँकरही विकत घेतले. टँकरनेही पाणी आणून बाग जगविली. झाडांना फळेही चांगली लागली. फळांचा रंग व गुणवत्ता टिकविण्यासाठी तज्ज्ञांच्या सल्ल्याने विविध औषधी व बुरशीनाशकांच्या वेळोवेळी नियमितपणे वेळापत्रकानुसार फवारण्या करून सुरवातीला काही वर्षे बऱ्यापैकी उत्पादन मिळाले. मात्र, मागील काही हंगामात भाव गडगडल्याने हाती उत्पादन खर्चही आला नाही. त्यामुळे बाग तोडण्याचा कठोर निर्णय घेतल्याचे अविनाश सांगतो. 

तीन वर्षांपासून दुष्काळ
वऱ्हाडात गेल्या तीन वर्षांपासून दुष्काळी परिस्थिती अाहे. फळबागांना दुष्काळाचा मोठा फटका बसतो आहे. जमिनीतील पाण्याच्या पातळीत मोठी घट झाल्याने विहिरी कोरड्या पडत आहेत. बोअरवेलला पाणी लागत नाही. बागा जगविण्यासाठी केलेला खर्च ही निघणे अशक्य झाल्यामुळे शेतकरी आर्थिक कोंडीत सापडला आहे.


इतर अॅग्रो विशेष
कोकण रेल्वेकडून अत्यावश्यक वस्तूंची जलद...रत्नागिरीः देशभरातील जनतेला आवश्यक वस्तूंचा...
सोनाई प्रकल्पात दहा लाख लिटर दूध नासले...पुणे: कोरोनामुळे राज्यात दुधाचा महापूर सुरू झाला...
बार्शी तालुक्यातील द्राक्षपट्टा...सोलापूर  ः कोरोना विषाणूच्या पार्श्वभूमीवर...
पुणे विभागात ३२९ क्विंटल भाजीपाल्याची...पुणे  ः ‘कोरोना’चा प्रादुर्भाव रोखण्यासाठी...
शाळांमध्ये शिल्लक धान्यांचे ...पुणे : कोरोनाच्या पार्श्वभुमीवर राज्यातील शाळांना...
कृषी पदव्युत्तर पदवी प्रवेशाच्या सामाईक...पुणे  : महाराष्ट्र कृषी विद्यापीठ परीक्षा...
शालेय विद्यार्थ्यांना मिळणार तांदूळ,...नगर ः शालेय पोषण आहार योजनेंतर्गत ग्रामीण भागातील...
लॉकडाऊनमधून बियाणे उद्योग वगळलापुणे : शेतकऱ्यांना बियाण्यांचा पुरवठा सुरळीत...
पुणे बाजार समितीत आज केवळ फळे, कांदा...पुणे: लॉकडाऊनमध्ये बाजार समित्यांमध्ये...
'कृषी'च्या सामाईक प्रवेश परिक्षेत...परभणी: महाराष्‍ट्र कृषी विद्यापीठे परीक्षा...
संकटातही कंदरच्या शेतकऱ्यांकडून आखातात...पुणेः सोलापूर जिल्ह्यातील कंदर (ता. करमाळा) येथील...
मध्य महाराष्ट्र, विदर्भात वादळी पावसाचा...पुणे : राज्यात पुर्वमोसमी पावसाला पोषक हवामान आहे...
माल वाहतुक करणाऱ्या वाहनांवरील टोल...मुंबई ः ‘कोरोना’च्या पार्श्वभूमीवर राज्यातील...
स्पेनच्या राजकन्येचा कोरोनामुळे मृत्यू...माद्रीद : स्पेनच्या राजकन्या मारीया टेरेसा यांचा...
राज्यात १२ नवे कोरोना रुग्ण, बाधितांची...मुंबई: राज्यात १२ नवे कोरोना पॉझिटिव्ह रुग्ण...
पुण्यात पोलिस बंदोबस्तात बाजार समिती...पुणे : कोरोनामुळे शहरात लॉकडाऊन असतानाही...
पुणे बाजार समिती आजपासून सुरु; मात्र...पुणे : कोरोना विषाणूमुळे सुरू असलेल्या...
देशातील वस्त्रोद्योगाला दोन लाख कोटींचा...जळगाव ः देशात शेतीनंतर रोजगाराचा व आर्थिक...
राज्यातील कोरोना रुग्णाची संख्या १८१;...मुंबई : राज्यात शनिवारी (ता.२९) आणखी २८ कोरोना...
फळे, भाजीपाला पुरवठ्यासाठी राज्यभर...पुणे : कोरोनाच्या पार्श्वभूमीवर ग्राहकांना फळे व...