agriculture news in marathi, Drought cloud in Solapur district | Agrowon

सोलापूर जिल्ह्यावर दुष्काळाचे ढग

टीम अॅग्रोवन
गुरुवार, 9 ऑगस्ट 2018

``खरिपातील मूग, उडीद, सोयाबीन ही पिके फुलोऱ्यात आहेत. पण, पाऊस नसल्याने ती वाळून जाऊ लागली आहेत. तूर व बाजरी ही पिके थोडे दिवस तग धरून राहू शकतात. वातावरणात बदल जाणवत आहे. एक-दोन दिवसांत पाऊस पडेल अशी अपेक्षा आहे.``

- बसवराज बिराजदार, जिल्हा अधीक्षक कृषी अधिकारी

 

सोलापूर : यंदाच्या हंगामातील निम्मा पावसाळा संपला आहे. मात्र, अद्यापही जिल्ह्याला मोठ्या पावसाची प्रतीक्षाच आहे. मागील दोन-चार दिवसांपासून रोजच काळेकुट्ट ढग आकाशात येतात. मात्र, ते ढग पावसाचे नसून दुष्काळाचे असल्याचे स्पष्टपणे दिसत आहे. जून ते सात ऑगस्टपर्यंत जिल्ह्यातील ११ तालुक्‍यांपैकी आठ तालुक्‍यांमध्ये ५० टक्‍क्‍यांपेक्षा कमी पाऊस झाला आहे. या आकडेवारीवरून दुष्काळाचे ढग गडद होत असल्याचे जाणवते.

जिल्ह्यात दरवर्षी सरासरी ४८८ मिलिमीटर पाऊस पडतो. यापैकी मागील दोन महिन्यांत सरासरी २२६ मिलिमीटर पाऊस पडण्याची अपेक्षा होती. मात्र, प्रत्यक्षात ११० मिलिमीटर पावसाचीच नोंद प्रशासनाकडे झाली आहे. एक-दोन तालुक्‍यांचा अपवाद वगळता प्रत्येक तालुक्‍यात ५० टक्‍क्‍यांपेक्षा कमी पाऊस झाला आहे. कमी पावसामुळे जिल्ह्यातील खरीप हंगामही वाया जाण्याची भीती शेतकऱ्यांमधून व्यक्त केली जात आहे.

जिल्ह्यात आतापर्यंत झालेल्या सरासरी एकूण पावसाचा विचार केला असता केवळ ४८ टक्केच पाऊस झाला आहे. मागील वर्षी जूनच्या पहिल्या पंधरवड्यात चांगला पाऊस झाल्याने खरीप हंगामातील पिके जोमदार आली होती. त्यानंतर पुढील दोन महिने पाऊसच झाला नव्हता. मात्र, पहिल्या महिन्यात झालेल्या पावसाच्या जोरावर पिके तगली होती. यंदाच्या वर्षी मात्र सुरवातीच्या काळातही मोठा पाऊस न झाल्याने शेतकऱ्यांमध्ये भीतीचे वातावरण निर्माण झाले आहे. थोड्या पावसाच्या जिवावर खरिपाची पेरणी उरकली. पण, आता पाऊसच नसल्याने चिंतेचे वातावरण निर्माण झाले आहे. जिल्ह्यात दुष्काळी स्थिती जाहीर करण्याची मागणीही शेतकऱ्यांमधून केली जाऊ लागली आहे.

तालुकानिहाय पावसाची सरासरी टक्केवारी
उत्तर सोलापूर-४५.१२, दक्षिण सोलापूर-३९.७६, बार्शी-७४.७३, अक्कलकोट-४६.२५, मोहोळ-४७.७४, माढा-४४.३४, करमाळा-३६.३८, पंढरपूर-५६.६६, सांगोला-४६.९१, माळशिरस-५२.७९, मंगळवेढा-४२.०७, एकूण-४८.४३ टक्के.

कृत्रिम पावसाची प्रतीक्षाच
यंदाच्या हंगामात कृत्रिम पाऊस पाडण्याविषयीची चर्चा जोरात सुरू होती. त्याचे केंद्रही सोलापुरात आहे. मात्र, पावसाचे ढग जमा होऊनही त्याचा प्रयोग केला जात नसल्याने शेतकऱ्यांना अद्यापही कृत्रिम पावसाची प्रतीक्षाच आहे. हा पाऊस नेमका पाडणार तरी केव्हा? असा प्रश्‍न शेतकऱ्यांमधून विचारला जात आहे.

 


इतर अॅग्रो विशेष
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
मराठवाड्यात २६ टक्के पीककर्ज वितरणऔरंगाबाद : मराठवाड्यातील आठही जिल्ह्यांत...
कृषी निविष्ठा विक्रेत्यांचा राज्यात बंद...औरंगाबाद: कृषी निविष्ठा विक्रेत्यांच्या...
राज्यात पावसाला पोषक हवामानपुणे : राज्यात पावसाला पोषक हवामान होत असल्याने...
जलसंधारण,शिक्षण अन् कृषी विकासाचा रचला...सुदृढ, आत्मनिर्भर समाज घडविणे या उद्देशातून जळका...
दुग्ध व्यवसाय ठरतोय शेतीला आधारपनवेल येथील बांधकाम व्यावसायिक अनिल लक्ष्मण...
कृषी आयुक्त दिवसेंची बदली, गायकवाड...मुंबई : राज्य सरकारने शनिवारी महत्त्वपूर्ण...
कृषी निविष्ठा विक्रेत्यांना आरोपी नव्हे...पुणे : राज्यात खते, बियाणे, कीटकनाशकांची विक्री...
आनंदाची पातळी बदलतेय उत्पन्नांनुसारआजच्या जगामध्ये सामाजिक आर्थिक निकषांमध्ये वेगाने...
शेती क्षेत्रातील बदल टप्याटप्याने...नागपूर ः शेतकऱ्यांच्या बांधापर्यंत कृषी...
राज्यात कृषी सेवा केंद्रांचा बंद सुरूपुणेः सोयाबीन बियाणे न उगवल्या प्रकरणी...
औरंगाबाद जिल्ह्यातील थेट शेतमाल विक्री...औरंगाबाद : कोरोना संकटामुळे शेतकरी ते ग्राहक...
रुतलेले अर्थचक्राने विकासालाही ‘ब्रेक’''मूडी'' या पतमानांकन संस्थेने अलीकडेच आपला अहवाल...
बेलखेडा होणार संत्रा उत्पादक गावरिसोड, जि. वाशीम ः तालुक्यातील दोन हजार लोकसंख्या...