सोलापुरात पाच लाख हेक्‍टरला दुष्काळाचा फटका

खरीप हंगामातील दुष्काळ सूचित केलेल्या तालुक्‍यांची माहिती शासनाला सादर केली आहे. त्यामध्ये दिलेले क्षेत्र व बाधित शेतकऱ्यांच्या संख्येमध्ये थोडीफार तफावत असू शकते. उत्तर सोलापूर व बार्शी तालुक्‍यांतील शेतकऱ्यांनाही दुष्काळी मदतनिधी मिळावा, अशी विनंती शासनाला केली आहे. - डॉ. राजेंद्र भोसले, जिल्हाधिकारी
सोलापुरात पाच लाख हेक्‍टरला दुष्काळाचा फटका
सोलापुरात पाच लाख हेक्‍टरला दुष्काळाचा फटका

सोलापूर : सोलापूर जिल्ह्यात यंदा पावसाअभावी दुष्काळाची स्थिती निर्माण झाली आहे. खरीप हंगाम हातचा गेला आहेच, पण रब्बीही आता जाण्याची चिन्हे आहेत. या पार्श्‍वभूमीवर दुष्काळाने बाधित क्षेत्राचा सर्व्हे करून नुकसानीचा अहवाल जिल्हा प्रशासनाने राज्य शासनाला पाठवला आहे. त्यात जवळपास अकरा तालुक्‍यातील ४ लाख ९३ हजार १४८ हेक्‍टर क्षेत्राला फटका बसल्याचे या अहवालात नमूद करण्यात आले आहे. जवळपास ५ लाख ७७ हजार ७४७ शेतकऱ्यांचा त्यामध्ये समावेश आहे. या क्षेत्रावरील शेतपिकांचे सुमारे ५० टक्‍क्‍यांहून अधिक नुकसान झाले आहे.

राज्य शासनाच्या ट्रिगर दोनच्या तपासणीनुसार जिल्ह्यातील अकरापैकी केवळ नऊ तालुक्‍यांचा समावेश यामध्ये करण्यात आला आहे. पण उत्तर सोलापूर व बार्शी हे दोन तालुके वगळले आहेत. जिल्हा प्रशासनाने आता या दोन्ही तालुक्‍यांतील पीक परिस्थितीची माहितीही या अहवालात पाठवून दुष्काळ यादीत या तालुक्‍यांचा समावेश करावा, अशी विनंती केली आहे. जिल्ह्यातील खरीप हंगामातील ३३ ते ५० टक्के नुकसान झालेले क्षेत्र किती, शेतकरी किती, ५० टक्‍क्‍यांपेक्षा जास्त नुकसान झालेले क्षेत्र किती, शेतकरी किती, बारमाही पिकांचे क्षेत्र व शेतकरी किती ही सगळी माहिती जिल्हाधिकाऱ्यांनी शासनाला सादर केली आहे.

शासनाने जाहीर केलेल्या नऊ तालुक्‍यांत ३३ ते ५० टक्‍क्‍यांपर्यंत नुकसान झालेल्या शेतकऱ्यांची संख्या एक लाख ४२ हजार ७६३ इतकी आहे. या शेतकऱ्यांचे बाधित क्षेत्र एक लाख २७ हजार ३३९ हेक्‍टर इतके आहे. तर ५० टक्क्यांपेक्षा जास्त नुकसान झालेल्या क्षेत्राची आकडेवारी दोन लाख ८६ हजार ६६९ हेक्‍टर इतकी आहे. या शेतकऱ्यांची संख्या ३ लाख १६ हजार ६९६ हेक्‍टर आहे. उत्तर सोलापूर व बार्शी तालुक्‍यांतील ७९ हजार १४० हेक्‍टर क्षेत्रावरील पिकांचे नुकसान झाले आहे. या शेतकऱ्यांची संख्या १ लाख १८ हजार २८८ इतकी आहे. मुख्यतः या सर्व क्षेत्रांवर मूग, मटकी, सोयाबीन, तूर आदी पिकांचा समावेश आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com