agriculture news in marathi, drought situation but farmers become optimistic, nagar,maharashtra | Agrowon

नगर जिल्ह्यात दुष्काळी स्थिती; तरीही आशावाद कायम
टीम अॅग्रोवन
मंगळवार, 2 ऑक्टोबर 2018

पावसाच्या भरवशावर ज्वारीची पेरणी केली. पण अजून पाऊस झालेला नाही. आता उगवणीची चिंता लागलीय. शेतकरी बिकट अवस्थेतून जात आहे. पाऊस आला नाही तर परिस्थिती गंभीर होईल.
- शिवराज कापरे, शेतकरी, सामनगाव, ता. शेवगाव.

नगर    : जिल्ह्यातील बहुतांश भागात गेल्या दीड महिन्यापासून पावसाचा एक थेंबही पडला नाही. आशा असलेला सारा गणेशोत्सवही कोरडा गेला. आता पावसाचा परतीचा प्रवास सुरू झालेला असताना तो अजून कुठेच बरसलेला नाही. सध्याचे चित्र पाहिले कुठेही पावसाचा मागमुस नाही, तरीही शेतकऱ्यांनी आशावाद सोडला नाही. पाऊस नक्की बरसेल या आशेने जिल्ह्याच्या काही भागात ज्वारीची पेरणी केली जात आहे.

नगर जिल्ह्यामध्ये यंदा जवळपास सर्वच भागात पाऊस नाही. केवळ अकोल्याचा पश्‍चिम भागातील पावसावर भंडारदरा, निळवंडे धरण भरले, मुळा धरणातही काही प्रमाणात पाणी जमा झाले असले तरी अकोल्याच्या काही भागात पाऊस नाही. अजूनही अकोल्यातील काही धरणे कोरडी आहेत. अकोल्यातच दुष्काळ जाहीर करण्याची मागणी होत असल्याने जिल्ह्यामधील अन्य तालुक्‍यांच्या स्थितीचा अंदाज येतो.

नेवासा, शेवगाव, पाथर्डी, जामखेड, कर्जत, पारनेर, श्रीगोंदा, श्रीरामपूर, संगमनेर या तालुक्‍यांतील खरिपाची पिके पावसाअभावी वाया गेली आहेत. मुळा, गोदावरी, कुकडी आणि भीमा नदीचा पट्टा सोडला तर बाकी ठिकाणी गंभीर दुष्काळी स्थिती आहे. वर्षानुवर्ष दुष्काळी असा शिक्का लागलेल्या तालुक्‍यांत तर यंदा गंभीर परिस्थिती असून आताच टॅंकरने पिण्यासाठी पाणीपुरवठा करण्याची वेळ आहे. काही ठिकाणी टॅंकर सुरू असून मागणीत वाढ होत आहे.

खरीप तर गेला, रब्बी मात्र दिलासा देणारा होता. मात्र पाऊस नसल्याने रब्बी पेरण्या सुरू होण्याला अडचणी निर्माण होत आहेत. आता परतीचा पाऊस सुरू झालाय, अगोदर पडला नाही तरी परतीच्या पावसाने अनेक वेळा मोठा दिलासा दिलेला आहे. साऱ्या पावसाळ्यात कोरडे असलेले नदी, नाले, तलाव यापूर्वी परतीच्या पावसात भरलेले आहेत.

यंदा मात्र तशी परिस्थिती दिसत नाही. पावसाचा मागमुस दिसेना. त्यामुळे रब्बीची पेरणी होईल की नाही याची कुठलीही शाश्‍वती नसतानाही शेतकऱ्यांनी मात्र आशावाद सोडलेला नाही. पावसाचे कसलेही संकेत नसताना परतीचा तरी नक्की पडेल या आशेने काही भागात ज्वारीच्या पेरण्या केल्या जात असल्याचे पहायला मिळाले आहे.

यंदा खरिपातून फारसे काही हाती लागले नाही. आता रब्बीची आशा आहे. पाऊस नाही, येईल की नाही याची खात्री नाही तरीही पेरणी केली आहे. मात्र आता ते पेरलेलेही अडचणीत आहे. मात्र आशा सोडलेली नाही. यंदा पाऊस झाला नाही तर पिण्याच्या पाण्यासाठी माणसांचे तसेच जनावरांचे हाल होतील, असे बोधेगाव येथील शेतकरी  लक्ष्मण तांबे यांनी सांगितले.

 

इतर ताज्या घडामोडी
पुण्यात हिरवी मिरची, गाजराच्या दरात वाढपुणे ः गुलटेकडी येथील पुणे कृषी उत्पन्न बाजार...
रब्बी हंगामासाठी ‘काटेपूर्णा’चे पाणी...अकोला ः यंदा तुडुंब भरलेल्या काटेपूर्णा...
शेतीमाल वाहतूकदारांची वाहने अडवीत पोलिस...अमरावती ः मॉन्सूनोत्तर पावसाच्या नुकसानीमुळे आधीच...
रब्बी हंगामासाठी कुळीथ, हरभरा बियाणे...रत्नागिरी ः अतिवृष्टी आणि अवकाळी पावसामुळे...
कर्जमाफीच्या याद्या करण्यासाठी...कोल्हापूर : पूरग्रस्त पंचनाम्यांची माहिती तातडीने...
आपत्तीचा सामना सकारात्मकतेने करा ः...नाशिक : ‘‘मुश्किलो से भाग जाना आसाँ होता है, हर...
पंचनाम्याच्या तुलनेत तीस टक्क्यांपेक्षा...रत्नागिरी ः अतिवृष्टीत रत्नागिरी जिल्ह्यातील भात...
सातारा : पावणेदोन लाख शेतकऱ्यांना...सातारा  : जिल्ह्यात अतिवृष्टीमुळे पिकांचे...
गडचिरोली : दुर्गंधीमुळे पोल्ट्री बंदचा...गडचिरोली ः मोठ्या प्रमाणात वातावरणात पसरणाऱ्या...
लष्करी अळीच्या भीतीने मका लागवडी...जळगाव ः खानदेशात हरभऱ्यानंतर महत्त्वाचे मानल्या...
खानदेशात कांदा लागवडी वाढण्याचे संकेतजळगाव ः रब्बी हंगामातील कांद्याची खानदेशात यंदा...
पुणे बाजार समितीतील बेकायदा हमाली,...पुणे  ः पुणे बाजार समितीमधील डाळिंब...
नगर जिल्ह्यात ‘जलयुक्त’मधून सहा...नगर  ः जलयुक्त शिवार अभियानातून करण्यात...
तीन जिल्ह्यांत दीड हजार क्विंटल मूग...नांदेड  ः किंमत समर्थन मूल्य योजनेअंतर्गत...
किसान सभेच्या दणक्यानंतर; परळीतील...पुणे ः परळी (जि. बीड) तालुक्यातील खरीप २०१८ मध्ये...
परभणी जिल्ह्यात रब्बीत चार; तर उन्हाळी...परभणी : यंदा परभणी जिल्ह्यातील दोन मध्यम आणि...
परभणी जिल्ह्यात रब्बीसाठी ४० हजार ९१७...परभणी ः जिल्ह्यात यंदाच्या रब्बी हंगामातील...
नगर जिल्ह्यात पावसाने ९४ टक्के कापसाचे...नगर ः आक्टोबर महिन्यात पावसाने झालेल्या नुकसानीची...
कोल्हापुरात ऊस दराबाबतची बैठक फिस्कटलीकोल्हापूर  : यंदाच्या हंगामात कोणत्याही...
शिवसेनाप्रमुखांच्या स्मृतिदिनानिमित्त ...मुंबई  ः शिवसेनाप्रमुख बाळासाहेब ठाकरे...