Agriculture news in Marathi, Due to rain kharif crop there is a relief | Agrowon

पुणे जिल्ह्यात पावसामुळे खरिपातील पिकांना दिलासा

टीम अॅग्रोवन
बुधवार, 24 जुलै 2019

पुणे ः गेल्या दोन दिवसांपूर्वी अनेक भागांत पावसाने हजेरी लावली. यामुळे खरिपातील पिकांना काही प्रमाणात दिलासा मिळाला आहे. सध्या पिके वाढीच्या अवस्थेत आहेत. पुणे जिल्ह्यात आतापर्यंत दोन लाख ३० हजार ८३० हेक्टरपैकी ८६ हजार ५०८ हेक्टर म्हणजेच ३७ टक्के पेरणी झाली असल्याचे कृषी विभागाच्या सूत्रांनी सांगितले आहे. 

पुणे ः गेल्या दोन दिवसांपूर्वी अनेक भागांत पावसाने हजेरी लावली. यामुळे खरिपातील पिकांना काही प्रमाणात दिलासा मिळाला आहे. सध्या पिके वाढीच्या अवस्थेत आहेत. पुणे जिल्ह्यात आतापर्यंत दोन लाख ३० हजार ८३० हेक्टरपैकी ८६ हजार ५०८ हेक्टर म्हणजेच ३७ टक्के पेरणी झाली असल्याचे कृषी विभागाच्या सूत्रांनी सांगितले आहे. 

यंदा जोरदार पावसाची अपेक्षा शेतकऱ्यांना लागून होती. मात्र, मॉन्सून उशिराने दाखल झाल्याने पुणे विभागात अनेक ठिकाणी कमी अधिक पाऊस पडला. पुणे जिल्ह्यामध्ये १६८.५ मिलिमीटर पावसाची नोंद झाली आहे. तर १ ते २२ जुलै या कालावधीत पुण्यामध्ये २७६.९ पाऊस पडल्याची नोंद झाली आहे. जिल्ह्यात गेल्या दोन ते तीन दिवसांपासून पुन्हा काही भागांत हलक्या सरी बरसल्या आहेत. पुणे जिल्ह्याच्या पश्चिम पट्‌ट्यातील मावळ, मुळशी, भोर, वेल्हा तालुक्यांतही मध्यम स्वरूपाचा पाऊस पडत आहे.

गेल्या महिन्यापासून खरिपाच्या पेरण्यांना शेतकऱ्यांनी सुरवात केली होती. पंधरा दिवसांपासून पुरेसा पाऊस न झाल्यास खरीप हंगाम वाया जाण्याची भीती शेतकऱ्यांना होती. पुणे जिल्ह्यामध्ये पूर्वेकडील शिरूर, दौड, इंदापूर, बारामती, पुरंदर, खेड या तालुक्यांत अजूनही जोरदार पाऊस झाला नव्हता. त्यामुळे पेरण्या खोळंबल्या होत्या. तरीही काही ठिकाणी अधूनमधून झालेल्या पावसामुळे तुरळक ठिकाणी बाजरी, तूर, मगू, मका, भूईमूग व सोयाबीन पिकांच्या अल्प पेरण्या झाल्या होत्या. भात पट्‌ट्यातील मावळ, मुळशी, भोर, वेल्हा, जुन्नर, आंबेगाव तालुक्यांत भात व नाचणीच्या रोपवाटिकेत रोपे वाढीच्या अवस्थेत आहेत. या भागात चांगला पाऊस पडल्यामुळे २८ हजार २३७ हेक्टरवर भाताच्या पुनर्लागवडी झाल्या आहेत. 

पीकनिहाय झालेली पेरणी, हेक्टरमध्ये 
भात २८,२३७, ज्वारी ३८२, बाजरी १६,६६६, रागी ३२८, मका ४७०८, खरीप तृणधान्ये ३३०, तूर ४०२, मूग १०,२७३, उडीद ३५४, इतर खरीप कडधान्ये १५७३, भूईमूग ७९४२, तीळ १८७, कारळे २७२, सूर्यफूल १७, सोयाबीन १४,८१७.


इतर ताज्या घडामोडी
हुंडी चिठ्ठी, मायक्रो फायनान्स...अकोला  ः जिल्ह्यात हुंडी चिठ्ठी तसेच मायक्रो...
नाशिक येथे तीनदिवसीय पुष्पोत्सवाला...नाशिक  : प्रत्येकाच्या हक्काची तीन झाडं हवी...
न्हावी परिसरात मका पिकावर लष्करी अळीचा...न्हावी, जि. जळगाव ः न्हावीसह परिसरात मक्‍याची...
पोल्ट्री उद्योगाला हवा मदतीचा हातपुणे: बाजारभावातील नरमाईमुळे पोल्ट्री उद्योग...
हापूस निर्यातीसाठी निर्यातीसाठी पणन...रत्नागिरी ः निर्यातीत हापूसचा टक्का घसरत असून तो...
नीरा देवधर, गुंजवणीतून समन्यायी पाणीवाटपमुंबई ः नीरा देवघर व गुंजवणी धरणांचे कालवे...
तापमानवाढीचा धोका वेळीच ओळखावा लागेल:...औरंगाबाद: निसर्गाच्या दोलायमानतेत मानवी...
नगरमधील नऊ तालुक्यांत तेलबियांची पेरणीच...नगर ः तेलबियांची (गळीत धान्य) पेरणी वाढावी यासाठी...
सातारा जिल्ह्यात ५५ लाख क्विंटल...सातारा : जिल्ह्यात सध्या सुरू असलेल्या गाळपाची...
निर्यातबंदीमुळे कांदा फुगवटा;...पुणे: कांद्यावरील संपूर्ण निर्यातबंदी तातडीने...
खानदेशात कांदा लागवड १४ हजार हेक्‍टरवरजळगाव  ः खानदेशात रब्बी हंगामातील कांदा...
‘कर्जमुक्ती योजनेसाठी येणाऱ्या...अकोला  ः  महात्मा ज्योतिराव फुले शेतकरी...
द्राक्षपट्ट्यासह आदिवासी भागात खुलली...नाशिक  : स्ट्रॉबेरी लागवडीसाठी महाबळेश्वरची...
सांगलीत हळदीच्या उत्पादनात घटसांगली : जिल्ह्यात ऑगस्ट महिन्यात आलेला महापूर...
चांद्यात फ्लॉवरच्या निकृष्ट...नगर : तेलंगण राज्यातील एका बियाणे कंपनीचे...
'थेट जनतेतून सरपंच निवडीचा निर्णय कायम...सोलापूर  ः राज्य सरकारने थेट जनतेतून सरपंच...
औरंगाबाद जिल्ह्यातील टंचाई...औरंगाबाद : जिल्ह्यातील संभाव्य पाणीटंचाईचे...
लातूर विभागातील दोन हजार हेक्टरवर फळबाग...नांदेड : कृषीच्या लातूर विभागांतर्गतच्या परभणी,...
अकोला बाजार समितीचे गरजूंना पाठबळअकोला ः कृषी उत्पन्न बाजार समितीच्या पुढाकाराने...
उशिराच्या गव्हाला वाढत्या तापमानाचा...जळगाव  ः खानदेशात गहू पिकाची स्थिती...