agriculture news in Marathi, Due to spending 50 crores in Morshi taluka, there was a drought | Agrowon

मोर्शी तालुक्‍यात ५० कोटी खर्चूनही दुष्काळस्थिती कायम

विनोद इंगोले
बुधवार, 15 मे 2019

अमरावती ः संत्रा लागवडीमुळे विदर्भाचा कॅलिफोर्निया अशी ओळख असलेल्या मोर्शी तालुक्‍यात जलयुक्‍त शिवारात ५० कोटींची कामे झाली. परंतु, त्यानंतरही या तालुक्‍याच्या माथी असलेला ड्रायझोनचा कलंक आणि दुष्काळीस्थिती कायम असल्याने हा खर्च पाण्यात गेल्याचा आरोप होत आहे. 

अमरावती ः संत्रा लागवडीमुळे विदर्भाचा कॅलिफोर्निया अशी ओळख असलेल्या मोर्शी तालुक्‍यात जलयुक्‍त शिवारात ५० कोटींची कामे झाली. परंतु, त्यानंतरही या तालुक्‍याच्या माथी असलेला ड्रायझोनचा कलंक आणि दुष्काळीस्थिती कायम असल्याने हा खर्च पाण्यात गेल्याचा आरोप होत आहे. 

वरुड, मोर्शी तालुक्‍यांत संत्रा लागवड सर्वाधिक आहे. या भागात पाणीउपसा झाल्याने हे दोन्ही तालुके ड्रायझोन घोषित करण्यात आले आहेत. त्यामुळे या भागात बोअरवेलवरदेखील बंदी लादण्यात आली. यातील मोर्शी तालुक्‍यात मुख्यमंत्र्यांचा महत्त्वाकांशी उपक्रम असलेल्या जलयुक्‍त शिवार अभियानाची अंमलबजावणी करण्यात आली. २०१५ ते २०१८ या तीन आर्थिक वर्षात ८३ गावे अभियानात समावेशीत होती. या ८३ गावांमध्ये २१४२ कामांना मान्यता देण्यात आली. यापैकी २१२२ कामे पूर्ण करण्यात आली. संपूर्ण ८३ गावे जलपरिपूर्ण झाली. त्यावर ४४ कोटी ७७ लाख रुपयांचा खर्च झाल्याचा दावा कृषी विभाग करीत आहे. 

२०१८-१९ या आर्थिक वर्षात तालुक्‍यातील २५ गावे निवडत त्यातील २५६ कामांना मान्यता देण्यात आली. ४ कोटी ९० लाख रुपयांच्या निधीला प्रशासकीय मान्यता यासाठी दिली गेली. यानुसार मागील चार वर्षांत सुमारे ५० कोटी रुपयांचा निधी जलयुक्‍त अभियानात खर्ची घालण्यात आला. ड्रायझोनच्या परिस्थितीत सुधारणा तर दूरच यावर्षी तालुक्‍यातील शेतकरी दुष्काळाचा सामना करीत आहेत. त्यामुळे जमिनीत पाणी मुरण्याऐवजी जलयुक्‍तचा निधी अधिकाऱ्यांनी मुरविल्याचा आरोपदेखील यापार्श्‍वभूमीवर केला जात आहे. २०१७-१८ मध्ये तालुक्‍यातील ६४ गावांमध्ये नाला सरळीकरण व खोलीकरणावर ६२ लाख रुपये खर्च करण्यात आले. जीएसडीएद्वारे रिचार्ज शिफ्टकरिता १२ गावांमध्ये १२० उपाययोजना प्रस्तावित करण्यात आल्या. यावर सुमारे ३७ लाख रुपयांचा खर्च झाला.

रोजगार हमी योजनेअंतर्गत ८६९ सिंचन विहिरींचे बांधकाम पूर्ण झाल्याचा दावा अधिकारी करतात. मग तालुक्‍यातील ५० गावांमध्ये भीषण पाणीटंचाई का ? असा सवाल उपस्थित केला जात आहे. तालुक्‍यात बोअरवेलवर बंदी असतानाही त्या अनधिकृतपणे खोदल्या जात आहेत. ८०० ते १२०० फुटापर्यंत बोअर घेतल्या जातात. त्याचाही परिणाम भूजल पातळीवर झाला आहे. 

धरण उशाशी तालुका मात्र ड्रायझोनमध्ये 
वॉटरकप स्पर्धाही याच तालुक्‍यात घेण्यावर भर देण्यात आला. उशाशी अप्पर वर्धा धरण असतानाही तालुक्‍याच्या माथी असलेला ड्रायझोनचा कलंक तसाच आहे. तालुक्‍यात यापूर्वी कोल्हापूरी बंधारे व शेकडो सिमेंट प्लग घेण्यात आले. परंतु, दुरुस्तीअभावी ते अंतिम घटका मोजत आहेत.
 


इतर बातम्या
देशात यंदा सर्वसाधारण मॉन्सून; १०२...नवी दिल्ली : देशात यंदा सर्वसामान्य मॉन्सून आणि...
Breaking : मॉन्सून एक्सप्रेस केरळात...पुणे : नैर्ऋत्य मोसमी वारे (मॉन्सून) सोमवारी (ता....
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...