Due to untimely sowing in Nashik district
Due to untimely sowing in Nashik district

नाशिक जिल्ह्यात अवकाळीमुळे दाणादाण

नाशिक: जिल्ह्याच्या अनेक भागात सकाळी उन्हाचा चटका कायम होता. मात्र दुपारनंतर दुपारी ३ वाजेच्या सुमारास अनेक भागात गारांसह अवकाळी पावसाने हजेरी लावली. त्यामुळे पुन्हा एकदा दाणादाण झाली.

नाशिक: जिल्ह्याच्या अनेक भागात सकाळी उन्हाचा चटका कायम होता. मात्र दुपारनंतर दुपारी ३ वाजेच्या सुमारास अनेक भागात गारांसह अवकाळी पावसाने हजेरी लावली. त्यामुळे पुन्हा एकदा दाणादाण झाली. चांदवड, कळवण, देवळा तालुक्यात हलक्या सरी झाल्या. तर निफाड, सटाणा तालुक्यात जोरदार पावसासह मध्यम आकाराच्या गारा पडल्या. 

सध्या रब्बी हंगामातील गहू, हरभरा ही पिके सोंगणीच्या अवस्थेत आहेत. तर द्राक्ष काढणी हंगाम ऐन मोसमात आहे. शेतकऱ्यांची मोठी धावपळ उडाली. द्राक्ष पिकाच्या प्रतावरीत अडचणी वाढण्याची शक्यता आहे. निफाड तालुक्यातील पिंपळगाव बसवंतसह पालखेड मिरची, लोणवाडी, पाचोरे, शिरवाडे वणी, डावचवडी, आहेरगाव भागात गारांसह १५ ते २० मिनिटे गारांसह जोरदार पाऊस झाला. मात्र निफाड तालुक्याच्या गोदकाठ व पूर्व भागात पाऊस झाला नाही. पिंपळगाव बसवंत परिसरात जोरदार गारांसह पाऊस झाला. रस्त्यावरून पाणी वाहिले.

सटाणा तालुक्याच्या पश्चिम व उत्तर भागात, करंजाडी खोऱ्यात भुयाने, अंतापूर, तहाराबाद आदी परिसरात पाऊस झाला. कांदा पिकासह गहु व हरभऱ्याचे प्रचंड नुकसान झाले. कळवण तालुक्यातील काही भागात हलक्या सरी झाल्या. चांदवड तालुक्याच्या पश्चिम भागात तुरळक थेंब पडले. येवला तालुक्यात ढगाळ वातावरण होते. 

‘‘पिंपळगाव बसवंत परिसरात द्राक्ष मण्यांना तडे जाणे, निर्यातक्षम बागांमध्ये घडांचे कागद फाटण्यासह तयार मालाची प्रतवारी बिघडण्याची दाट शक्यता आहे. सध्या परिसरातील द्राक्ष उत्पादकांचे ३० ते ४० टक्के नुकसान झाले. ऊन पडल्यास ही समस्या कमी होईल, अन्यथा नुकसान वाढेल’’, अशी माहिती महाराष्ट्र राज्य द्राक्ष बागायतदार संघाचे विभागीय सचिव अरुण मोरे यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com