Agriculture News in Marathi Dutt will give a lump sum ‘FRP’ Rs | Agrowon

`दत्त’ देणार एकरकमी  ‘एफआरपी’ २९२० रुपये 

टीम अॅग्रोवन
सोमवार, 18 ऑक्टोबर 2021

शिरोळ येथील श्री दत्त शेतकरी सहकारी साखर कारखाना यंदाच्या हंगामात शेतकऱ्यांच्या उसाला एकरकमी प्रति टन २९२० रुपये ‘एफआरपी’ देणार असल्याची घोषणा कारखान्याचे अध्यक्ष गणपतराव पाटील यांनी बॉयलर प्रदीपन प्रसंगी केली.

कोल्हापूर : शिरोळ येथील श्री दत्त शेतकरी सहकारी साखर कारखाना यंदाच्या हंगामात शेतकऱ्यांच्या उसाला एकरकमी प्रति टन २९२० रुपये ‘एफआरपी’ देणार असल्याची घोषणा कारखान्याचे अध्यक्ष गणपतराव पाटील यांनी बॉयलर प्रदीपन प्रसंगी केली. शेतकऱ्यांचे व कामगारांचे हित जपणे हेच दत्त कारखान्याचे ब्रीद असून, सर्वांना पुढे घेऊन जाण्याची दृष्टी ठेवली आहे. महापुरात बुडित झालेल्या उसाला गाळपासाठी प्राधान्य देणार असल्याचेही त्यांनी या वेळी सांगितले. 

कारखाना संचालक इंद्रजित पाटील, राजश्री पाटील यांच्या हस्ते पूजाविधी आणि बॉयलर प्रदीपन करण्यात आले. येत्या २१ ऑक्टोबरपासून कारखाना सुरू करण्यात येणार असल्याचे सांगून अध्यक्ष पाटील म्हणाले, ‘‘कामगारांना दिवाळीला २१ टक्के बोनस एकरकमी देण्यात येणार आहे. या वर्षी साडेअकरा ते बारा लाख टन उसाचे गाळप करण्याचे उद्दिष्ट असून, १२.१०च्या वर रिकव्हरी होईल, असा अंदाज आहे. गेल्या वेळी ऊर्जांकुरच्या माध्यमातून १६ कोटी युनिट वीजनिर्मिती झाली असून, त्यातील ४ कोटी युनिट वापरून उर्वरित १२ कोटी युनिट वीज ग्रीडला दिली आहे.’’ 

पाटील म्हणाले, ‘‘शेती शास्त्रज्ञ व शेती तज्ज्ञांची कार्यशाळा आयोजित करून यामध्ये महापूर क्षेत्रात कोणती नवी पिके घेता येतील यावर सखोल चर्चा करण्यात आली आहे. आंबा, चिकू आणि बीट यांचे प्रायोगिक तत्त्वावर उत्पन्न घेण्यास सुरुवात झाली आहे. ५० एकरांवर बिटाचे उत्पादन घेऊन त्याचे गाळप करण्यात येणार आहे. बचत गटांच्या १५० महिलांच्या माध्यमातून देशी वाणांचे संगोपन करण्याचे कामही सुरू असून, लवकरच बीज बँक तयार होईल. कारखान्यात इथेनॉल आणि डिस्टिलरीचे उत्पन्नही घेण्यात येणार असून, दररोज ८० ते १०० सिलेंडर ऑक्सिजनची निर्मिती करण्याचे उद्दिष्ट ठेवण्यात आले आहे. शेतकऱ्यांनी २०० टन ऊस उत्पादन घ्यावे यासाठी कारखान्याकडून सर्व सुविधा मोफत उपलब्ध करून दिल्या आहेत.’’ 

‘वारणा’ देणार २९७७ रुपये एकरकमी ‘एफआरपी’ : कोरे 

वारणानगर, जि. कोल्हापूर : येथील तात्यासाहेब कोरे वारणा सहकारी साखर कारखाना चालू गळीत हंगामात येणाऱ्या उसास प्रति टन २९७७.१६ रुपये एकरकमी ‘एफआरपी’ देणार असल्याची घोषणा वारणा समूहाचे नेते आमदार डॉ. विनय कोरे यांनी केली. चालू गळीत हंगामात सुमारे १४ लाख टन ऊसगाळपाचे उद्दिष्ट ठेवले असल्याचे डॉ. कोरे यांनी सांगितले. 

येथील तात्यासाहेब कोरे वारणा साखर कारखान्याच्या ६३व्या ऊस गळीत हंगामाचा प्रारंभ दसऱ्याच्या शुभमुहूर्तावर कारखाना कार्यक्षेत्रातील पाच गटांतील ज्येष्ठ शेतकरी मारुती पाटील (कोडोली), शशिकांत निकम (पोखले), सर्जेराव खोत (भादोले), विलास पाटील गुरुजी (शिगाव), रामचंद्र संकपाळ (सागाव) या पाच ऊस उत्पादक शेतकऱ्यांचे हस्ते व वारणा समूहाचे अध्यक्ष व आमदार डॉ विनय कोरे व वारणा बँकेचे अध्यक्ष निपुण कोरे यांच्या प्रमुख उपस्थितीत गव्हाणीत उसाची मोळी टाकून झाला. या वेळी मिल बुकचे पूजन आमदार डॉ. कोरे यांच्या हस्ते झाले. 

डॉ. कोरे म्हणाले, ‘‘ऊसतोडणी व वाहतुकीची कमिशनसह सर्व देणी कारखान्याने दिली आहेत. अनेक वाहतूकदारांना अॅडव्हान्स देखील अदा केला आहे. कारखाना व डिस्टिलरीमध्ये अनेक तांत्रिक सुधारणा केली असल्याने साखर व उपपदार्थांची प्रतही उत्तम दर्जाची व गुणवत्तापूर्ण असणार आहे. ४४ मेगावॉटचा वीजप्रकल्प वारणा कारखान्याच्या स्वमालकीचा झाला असून, यातून मिळणाऱ्या उत्पन्नातून ऊस उत्पादकांना जादा दर देण्यास हातभार लागणार आहे. या पार्श्‍वभूमीवर ३० कोटी रुपये शिल्लक ठेवून कारखान्याचा हा गळीत हंगाम सुरू केला आहे. गत हंगामात नोंद केलेल्या उसाची अन्य विल्हेवाट केलेल्या शेतकऱ्यांसाठी आकारण्यात येणारा दंड रद्द केला आहे. डिझेलची दरवाढ झाल्याने ऊस वाहतूकदारांना तोही फरक देण्याचा प्रयत्न कारखाना करणार आहे.’’


इतर बातम्या
कापूस उत्पादकांचा बळी नकोकापसाचे दर वाढल्यामुळे कापूस प्रक्रिया...
मध्य महाराष्ट्र, मराठवाडा, कोकणात...पुणे : राज्यात सुरू असलेला पाऊस कमी होण्याची...
रब्बी पिकांसह फळबागांना फटकापुणे ः राज्यात मागील तीन दिवसांपासून ढगाळ वातावरण...
ढगाळ वातावरणामुळे पिकांवर किडींचा...परभणी ः परभणी, हिंगोली जिल्ह्यांत गेल्या काही...
ऊस वाहतूक दरासाठी टप्पा पद्धतीला...पुणे ः उसाची तोडणी व वाहतूक दर ठरवताना आधीची...
आंदोलनातील मृत शेतकऱ्यांची सरकारकडे...नवी दिल्ली : कृषी कायदे रद्द करण्यासाठी झालेल्या...
उन्हाळी कांद्याच्या घसरलेल्या दरामुळे...नाशिक : साठवलेल्या उन्हाळी कांद्याचा हंगाम अंतिम...
जळगाव जिल्ह्यात २५ हजार कृषिपंपांची वीज...जळगाव ः  जिल्ह्यात वीजबिले भरल्याशिवाय...
सोयाबीन वायद्यांत सुधारणापुणे ः बाजारात सोयाबीनचे दर पडल्यानंतर केंद्रीय...
वऱ्हाडावर ढगांचे आच्छादन;  तूर, हरभरा...अकोला ः हवामान खात्याने वर्तवलेल्या अंदाजानुसार...
यवतमाळ जिल्ह्यात शाळा  महावितरणच्या ‘...यवतमाळ : वीज महावितरण कंपनीची वाढती थकबाकी वसूल...
शेतकरी संघटनेने केली  चुकीच्या...बुलडाणा : थकीत वीजबिल वसुलीसाठी महावितरणने...
‘फॅसिझमविरोधात लढण्यास  सक्षम पर्याय...मुंबई : देशात सुरू असलेल्या फॅसिझमविरोधात लढण्यास...
आझाद मैदानावर बुधवारपासून  गट सचिवांचे...सांगली ः राज्यातील गट सचिवांचे सेवा व वेतनाचे...
विमा कंपनीच्या कार्यालयात  मुक्काम...जालना : मोसंबीचा विमा संरक्षण कालावधी १५ सप्टेंबर...
पीडीसीसी’च्या निवडणुकीसाठी २९ अर्ज दाखल पुणे : राज्यात अग्रेसर असलेल्या पुणे जिल्हा...
मालेगांव पाटबंधारे विभागात पाटपाणी व...नाशिक : रब्बी हंगाम २०२१-२२ मध्ये पिण्यासाठी व...
मराठवाड्यात ढगांची दाटी; भुरभुर औरंगाबाद : मराठवाड्यातील बहुतांश भागात पुन्हा...
खानदेशात लाल कांद्याचे दर नीचांकी...जळगाव ः खानदेशात लाल कांद्याचे दर नीचांकी स्थितीत...
सोलापूर ः ‘सिद्धेश्‍वर’चे गाळप चार...सोलापूर ः सहवीजप्रकल्प, गाळपक्षमता वाढवणे, बॉयलर...