agriculture news in Marathi e-Nam only for formality in Mumbi APMC Maharashtra | Agrowon

मुंबई बाजार समितीत ‘ई-नाम’ नावापुरतेच 

टीम अॅग्रोवन
गुरुवार, 21 मे 2020

शेतकऱ्यांना ऑनलाइन आपला माल विकता यावा आणि व्यापाऱ्यांना ऑनलाइन व्यापार करता यावा. त्याचबरोबर यामार्फत सर्व बाजारपेठा एकमेकांशी जोडल्या जाऊन व्यापार वाढावा, यासाठी सरकारने ‘ई-नाम’ व्यापारपद्धती अंमलात आणण्याचा प्रयत्न सुरु केला होता.

मुंबई: शेतकऱ्यांना ऑनलाइन आपला माल विकता यावा आणि व्यापाऱ्यांना ऑनलाइन व्यापार करता यावा. त्याचबरोबर यामार्फत सर्व बाजारपेठा एकमेकांशी जोडल्या जाऊन व्यापार वाढावा, यासाठी सरकारने ‘ई-नाम’ व्यापारपद्धती अंमलात आणण्याचा प्रयत्न सुरु केला होता. यासाठी सर्व प्रकारच्या सुविधाही बाजार समितीने दिल्या. आताच्या लॉकडाउनच्या काळात इतर बाजार समितींमध्ये या ‘ई-नाम’ कार्यप्रणालीचा वापर वाढला आहे, मात्र मुंबई कृषी उत्पन्न बाजार समितीमध्ये या ‘ई-नाम’चा वापर केलाच जात नसल्याने ही कार्यप्रणाली नावापुरतीच उरली आहे. 

कृषी मालाच्या विक्रीकरिता, एक राष्ट्र एक व्यापार, या संकल्पनेवर ‘ई-नाम’ ही व्यापारपद्धती आधारित आहे. याद्वारे राज्यातीलच नाही, तर देशातील सर्व ५८५ बाजारपेठा एकत्र जोडल्या गेल्या आहेत. येथे नोंदणी करून व्यापारी, शेतकरी यांना आपला माल ऑनलाइन पद्धतीने खरेदी-विक्री करता येतो. याद्वारे शेतकऱ्यांना, व्यापाऱ्यांना बाजारात येण्याचीही गरज नाही.

माल विकल्यानंतर शेतकऱ्याला त्याच्या मालाचे पैसे त्याच्या खात्यात जमा होतात. सध्या लॉकडाउनच्या काळात राज्यातील अनेक बाजारपेठांमध्ये ‘ई-नाम’ कार्यप्रणालीचा वापर वाढायला सुरुवात झाली आहे. अनेक व्यापारी, शेतकरी व्यापार करताना ‘ई-नाम’ कार्यप्रणालीचा वापर करत आहेत. मुंबई कृषी उत्पन्न बाजार समितीसारख्या मोठ्या बाजारपेठेत आजही या पद्धतीने व्यापार करण्यास व्यापाऱ्यांकडून नापसंतीच दर्शवली जात आहे. त्यामुळे ‘ई-नाम’ कार्यप्रणालीला येथे कोणताच प्रतिसाद मिळत नाही. 

मुंबई कृषी उत्पन्न बाजार समितीमध्ये फक्त दहा टक्के कृषिमाल थेट शेतकऱ्यांकडून येतो. बाकी ९० टक्के कृषिमाल हा व्यापारी अडते, दलाल यांच्यामार्फत बाजार समितीत येत असतो. येथे व्यापारी, दलाल यांच्यात जास्त व्यापार चालतो. त्यामुळे शेतकरी आणि व्यापारी यांचा तसा थेट संबंध येत नसल्याने त्यांच्याकडून ‘ई-नाम’ अंतर्गत व्यापार केला जात नाही.

महत्त्वाचे म्हणजे ‘ई-नाम’साठी नावनोंदणी केलेल्या शेतकऱ्यांची संख्याही हाताच्या बोटावर मोजण्याइतकीच आहे. त्यांच्याकडूनही तसा व्यापार अजून सुरु झाला नसल्याची माहिती बाजार समिती प्रशासनाकडून मिळाली. त्यामुळे इतर ठिकाणी ‘ई-नाम’ला चांगला प्रतिसाद मिळत असताना मुंबई कृषी उत्पन्न बाजार समिती मात्र ‘ई-नाम’च्या बाबतीत मागे राहिली असल्याचे स्पष्ट दिसत आहे. 


इतर अॅग्रो विशेष
अल्पमुदतीच्या कृषिकर्ज फेडीस...नवी दिल्ली : तीन लाखांपर्यंतच्या अल्पमुदतीच्या...
हमीभाव जाहीर : कपाशीत २६०, सोयाबीनमध्ये...नवी दिल्ली : केंद्र सरकारने खरीप २०२०-२१करिताचे...
महाराष्ट्राच्या किनाऱ्यालगत ‘निसर्ग’...पुणे  : अरबी समुद्रात महाराष्ट्र,...
देशात यंदा १०२ टक्के पावसाची शक्यता :...पुणे  : नैर्ऋत्य मोसमी वाऱ्यांच्या (मॉन्सून...
पूर्वमोसमी पावसाच्या हजेरीने मॉन्सूनची...पुणे  : नैर्ऋत्य मोसमी वाऱ्यांनी (मॉन्सून)...
केरळचा बहुतांश भाग मॉन्सूनने व्यापलापुणे  : महाराष्ट्रासह देशभरातील शेतकऱ्यांना...
टोळधाड नियंत्रणासाठी हेलिकॉप्टर अन्...नागपूर ः विदर्भात अग्निशमन यंत्राच्या माध्यमातून...
निर्यातक्षम उत्पादन, बाजारपेठांचा शोध...नाशिक जिल्ह्यातील नैताळे (ता.निफाड) येथील...
राईसमिल, पोहे निर्मितीतून व्यवसायवृद्धीवेहेळे (ता. चिपळूण, जि. रत्नागिरी) येथे शंकर जाधव...
देशात यंदा सर्वसाधारण मॉन्सून; १०२...नवी दिल्ली : देशात यंदा सर्वसामान्य मॉन्सून आणि...
Breaking : मॉन्सून एक्सप्रेस केरळात...पुणे : नैर्ऋत्य मोसमी वारे (मॉन्सून) सोमवारी (ता....
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
मॉन्सून आज केरळात येण्याचे संकेतपुणे  : अरबी समुद्रात लक्षद्वीप बेटांलगत...
कोकणात मुसळधार पावसाचा इशारापुणे  : अरबी समुद्रातील कमी दाब क्षेत्रामुळे...
आठवडाभरापासून टोळधाड विदर्भातचनागपूर   ः गेल्या आठवडाभरापासून...